அந்த மாதிரி நடிக்க தான் அதிகம் கூப்பிடுறாங்க; போக்கிரி விஜய்க்கு வில்லியாக நடித்த நடிகை த்ரேபேக் வீடியோ!

பிரபு தேவா இயக்கத்தில் முதல் முறையாக விஜய் நடித்து வெளிவந்த திரைப்படம் போக்கிரி. இது தெலுங்கில் மகேஷ் பாபு நடிப்பில் வெளிவந்த போக்கிரி படத்தின் தமிழ் ரீமேக் ஆகும். விஜய், அசின், வடிவேலு, பிரகாஷ் ராஜ் என பலருடைய நடிப்பு இப்படத்தின் வெற்றிக்கு காரணமாக அமைந்தது. விமர்சன ரீதியாகவும், வசூல் ரீதியாகவும் விஜய்யின் திரைவாழ்க்கையில் முக்கிய வெற்றி படமாக போக்கிரி பார்க்கப்படுகின்றது. 

அந்த வகையில் போக்கிரி படத்தில்  வில்லனாக நடித்த பிரகாஷ் ராஜுடன் கிளாமர் வில்லியாக நடித்த நடிகை பிருந்தா பரேக்கை யாராலும் மறக்க முடியாது. தமிழ் மட்டுமின்றி இந்தி, தெலுங்கு, கன்னட மொழிகளில் கிளாமர் நடிகையாக நடித்து தனக்கொன ரசிகர் பட்டாளத்தையே உருவாக்கிக்கொண்டவர்தான் பிருந்தா பரேக்.

ஏற்கனவே, சிம்பு , ஜோதிகா நடிப்பில் வெளியான மன்மதன் படத்தில் முக்கிய கதாபாத்திரத்தில் நடித்திருப்பார். அதேபோல் விஜயகாந்தின் சுதேசி, தனுஷின் பொல்லாதவன், குரு என் ஆளு, சில்லுனு ஒரு சந்திப்பு உள்ளிட்ட பல தமிழ் படங்களிலும் நடித்துள்ளார். இந்நிலையில் கடந்த 2013-ம் ஆண்டு திருமணம் செய்து கொண்ட இவர், அதன் பின்னர் சினிமாவை விட்டு குடும்ப வாழ்க்கையில் ஆர்வம் காட்ட ஆரம்பித்துவிட்டார்.

போக்கிரி படத்தில் எதிர்மறை வேடத்தில் நடிக்கக் கிடைத்த வாய்ப்பு தனக்கு மகிழ்ச்சியை அளித்ததாகவும், இது தான் வழக்கமாக ஏற்று நடித்த நல்ல கதாபாத்திரங்களில் இருந்து வேறுபட்ட அனுபவத்தைக் கொடுத்ததாகவும் அவர் கூறுகிறார். தான் 'மிஸ் மும்பை' பட்டத்தை வென்ற பிறகு, வடிவமைப்பாளர் ஹேமந்த் திரிவேதியுடன் பணிபுரிந்த பிறகு சினிமா துறைக்குள் நுழைந்ததாக அவர் கூறுகிறார்.

போக்கிரி திரைப்படத்தில் பணியாற்றிய அனுபவம் "மிக அருமையாக" இருந்ததாகக் கூறும் பிருந்தா, நடிகர் விஜய் மற்றும் பிரகாஷ் ராஜ், இயக்குனர் பிரபுதேவா போன்றோரின் தொழில்முறை அணுகுமுறை தன்னை மிகவும் வசதியாக உணரச் செய்ததாகக் குறிப்பிடுகிறார்.

தயாரிப்பாளர் ரமேஷ் பாபு சென்னையில் ஒரு லுக் டெஸ்டுக்கு தன்னை அணுகியதாகவும், அன்றே அந்த வேடத்துக்குத் தான் தேர்வு செய்யப்பட்டதாகவும் அவர் கூறுகிறார். மேலும், "துப்பாக்கி ஏந்திய ஒரு கேங்ஸ்டர்" கதாபாத்திரத்தில் தான் நடித்ததாகவும், தமிழ் தெரியாமல் அந்த கதாபாத்திரத்துக்கு எப்படித் தயாரானார் என்றும் அவர் விவரிக்கிறார். மகேஷ் பாபு நடித்த தெலுங்கு பதிப்பை பார்த்து, கதாபாத்திரத்தின் உடல்மொழி மற்றும் அணுகுமுறையைப் புரிந்துகொண்டதாகக் கூறுகிறார்.

View this post on Instagram

A post shared by Ssmusic (@ssmusicofficial)

முன்னர் தான் ஒரு ஆக்‌ஷன் படத்தில் நடித்ததில்லை என்றும், துப்பாக்கிச் சூடு காட்சிகளில் நடித்த அனுபவம் தனக்கு மிகவும் மகிழ்ச்சியாகவும், சிலிர்ப்பாகவும் இருந்ததாகவும் அவர் நினைவு கூர்கிறார். இந்தப் படத்தில் இடம்பெற்ற பிரபலமான ஒரு காட்சியில், அவரது கதாபாத்திரமான மோனா, தனது துப்பாக்கியை முத்தமிட்டு விஜயிடம் வீசி, "உன்னால் என்ன செய்ய முடியும் என்று காட்டு" என்று சவால் விடுவதாகக் கூறுகிறார். பிரகாஷ் ராஜுடன் நடித்த ஒரு காட்சி சமூக வலைத்தளங்களில் மீம் டெம்ப்ளேட்டாக மாறியுள்ளதாகவும் அவர் குறிப்பிடுகிறார்.