2022-ம் ஆண்டை போல் இல்லாமல் 2023-ம் ஆண்டு முன்னணி நடிகர்களின் படங்கள் கலவையான விமர்சனங்களை பெற்றிருந்தாலும், அவர்களுக்கே உரிதான வசூலில் புதிய சாதனை படைத்துள்ளது. குறிப்பாக விஜய் நடிப்பில் வெளியான வாரிசு, லியோ, ரஜினிகாந்த் நடிப்பில் வெளியான ஜெயிலர் போன்ற படங்கள் வசூலில் சாதனை படைத்தாலும் விமர்சன ரீதியாக பாராட்டுக்களை பெற தவறிவிட்டது என்று தான் சொல்ல வேண்டும்.
அதே சமயம் சிறிய பட்ஜெட்டில் தயாராகி பெருவாரியான ரசிகர்களின் கவனத்தை ஈர்த்த கூழாங்கல், பெரும் தாக்கத்தை ஏற்படுத்தி சித்தா போன்ற படங்கள் சமூத்திற்கு சிறந்த பொழுதுபோக்கு படமாகவும், விமர்சன ரீதியாக பாராட்டுக்களை பெற்ற படமாகவும் உள்ளது. அந்த வகையில் 2023-ம் ஆண்டு பெஸ்ட் ஆஃப் லிஸ்ட் பட்டியலில் இடம்பெற்றுள்ள படங்களை பார்க்கலாம்.
ஆங்கிலத்தில் படிக்க : Por Thozhil to Jigarthanda 2: The best Tamil films of 2023, in the year of Leo and Jailer
போர் தொழில்
தமிழ் சினிமா ரசிகர்கள் மத்தியிலும் விமர்சகர்கள் மத்தியிலும் பாராட்டை பெற்ற போர் தொழில், 2023 ஆம் ஆண்டின் சிறந்த படங்களில் ஒன்றாக உள்ளது. சஸ்பென்ஸ் ட்விஸ்ட் த்ரில்லர் என அனைத்து அம்சங்களும் நிறைந்திருந்த இந்த படம் இரு போலீஸ் அதிகாரிகளின் பார்வையில் திரைக்கதை அமைக்கப்பட்டிருந்தது. திருச்சியில் ஒரு தொடர் கொலையாளியின் பாதையில் இருக்கும் ஒரு புதிய போலீஸ் அதிகாரி (அசோக் செல்வன்) மற்றும் ஒரு மூத்த அதிகாரி (சரத்குமார்) ஆகியோர், கொலையாளியை பிடிக்க எடுக்கும் முயற்சி தான் இந்த படம். இயக்குனர் விக்னேஷ் ராஜா படத்தை சிறப்பாக இயக்கியிருந்தார்.
ஜிகர்தண்டா 2
தீபாவளி தினத்தில் வெளியான ஜிகர்தண்டா 2 மூலம் மீண்டும் வெள்ளித்திரைக்கு திரும்பியுள்ள இயக்குனர் கார்த்திக் சுப்புராஜ் தமிழ் சினிமாவின் நம்பிக்கைக்குரிய இயக்குனர்களில் ஒருவராக தனது நிலையை மீட்டெடுத்துள்ளார். ஸ்பாகெட்டி வெஸ்டர்ன்ஸால் ஈர்க்கப்பட்டு, கார்த்திக் தனக்கென தனி பாணியை அமைத்து, 'பாண்டியா வெஸ்டர்ன்' என்று புது வகையை உருவாக்கியுள்ளார். படம் நிறைய திருப்பங்களை எடுத்துக்கொண்டாலும், எஸ்.ஜே.சூர்யா மற்றும் ராகவா லாரன்ஸ் ஆகியோரின் சிறப்பான மற்றும் அபாரமான நடிப்பால் ரசிகர்களின் கவனத்தை ஈர்த்துள்ளது. குறிப்பாக படத்தின் இறுதியில் காடுகளின் பாதுகாப்பை உணர்த்துவது சிறப்பு.
விடுதலை பகுதி 1
வெற்றிமாறனின் இயக்கத்தில் வெளியான விடுதலை பாகம் 1, தீவிரவாதி வாத்தியார் (விஜய் சேதுபதி) பிடிக்க போலீஸ் முகாம் அமைக்கப்பட்டதால் பாதிக்கப்படும் ஒரு தொலைதூர பழங்குடி கிராமத்தைப் பற்றிய கதை. புதியதாக நியமிக்கப்பட்ட கான்ஸ்டபிள் ஒருவரின் பார்வையில் நடக்கும் இந்த கதையில், இந்தியாவின் தற்போதைய அரசியல் சூழ்நிலையில் ஒரு அரிய இனம் - விடுதலை ஒடுக்கப்பட்டவர்கள் மற்றும் ஒடுக்குபவர்களைப் பற்றியது.
குட் நைட்
2022 ஆம் ஆண்டு திருச்சிற்றம்பலம் ஒரு பிளாக்பஸ்டருக்கு பிறகு, ஒரு படம் வெற்றியடைய எப்போதும் ஆக்ஷன் ஹீரோ, மிகப்பெரிய பட்ஜெட் மற்றும் மிகையான ஆக்ஷன் காட்சிகள் தேவையில்லை என்பதை நிரூபித்தது படம் தான் குட் நைட். விநாயக் சந்திரசேகரன் இயக்கிய குட் நைட் திரைப்படம் தனுஷின் திருச்சிற்றம்பலம் படம் போல் பிளாக்பஸ்டர்ஹிட் இல்லை என்றாலும், ஒரு அற்புதமான பாக்ஸ் ஆபிஸ் வெற்றிக் கதையாக மாறியது. குறட்டைப் பிரச்சினையால் அவதிப்படும் கதாநாயகன் தன் திருமணத்தையே ஆபத்தில் ஆழ்த்தும் கதை சுவாரஸ்யமாக இருந்தது. மணிகண்டன் மற்றும் மீத்தா ரகுநாத் ஆகியோரின் சிறப்பான நடிப்பால், தமிழ் சினிமாவில் 'சூப்பர் ஸ்டார்கள்' என்பதை விட வேறு பல விஷயங்கள் உள்ளன என்பதை நிரூபித்தவர் இயக்குனர் விநாயக் சந்திரசேகரன்.
தாதா
குட் நைட் போலவே, தாதா இந்த ஆண்டு வெற்றியை ஈட்டிய மற்றொரு சிறிய படம். குடிப்பழக்கத்திற்கு அடிமையான ஒரு தந்தை தன் மகனைக் கவனித்துக்கொள்வது மற்றும் தன்னை குடிப்பழக்கத்தில் இருந்து மீட்டுக்கொள்வது பற்றிய நகரும் ஒரு கதை. இயக்குனர் கணேஷ் கே பாபு படத்தை சிறப்பாக இயக்கிருந்தார். கவின் மற்றும் அபர்ணா தாஸ் ஆகியோரின் மிகச்சிறப்பான நடிப்பால், படம் இறுதியில் ஒரு உணர்ச்சி மிகுந்த தருணத்தில் முடிந்திருக்கும்.
மாமன்னன்
மாரி செல்வராஜின் சிறந்த படமாக இல்ல என்றாலும், வடிவேலு மற்றும் உதயநிதி ஸ்டாலின் நடித்துள்ள மாமன்ன் இந்த பட்டியலில் இடம் பெற தகுதியானது. ஒரு தாழ்த்தப்பட்ட சாதியைச் சேர்ந்த எம்.எல்.ஏ.வான பட்டத்து ஹீரோவின் கதை. சாதி எதிர்ப்புக் கட்சிக்குள் இருக்கும் சாதி அரசியலை ஆராயும் முதல் படமாக இருக்கலாம். ஃபஹத் ஃபாசில், உதயநிதி மற்றும் வடிவேலு ஆகியோர் இணைந்து நடித்துள்ள இந்த படத்தை திரைக்கதை இறுதிவரை சுலபமாக இருந்தாலும் ரசிகர்களை கவர்ந்தது. வடிவேல் நாயகனாக ஒரு தலித் அரசியல்வாதியாக ஒரு நம்பிக்கையான கதையில் தனித்து நிற்கிறார்.
மாவீரன்
யோசனையின் அடிப்படையில் இந்த ஆண்டின் மிகவும் லட்சியமான படம், மாவீரன். தமிழ் சினிமாவுக்கு அதன் அசல் சூப்பர் ஹீரோவை கொடுத்த படம் என்று சொல்லலாம். ஒரு கோழை கார்ட்டூனிஸ்ட் சத்யாவிற்கு (சிவகார்த்திகேயன்) கேட்கும் ஒரு குரல் அவரை ஒரு சூப்பர் ஹீரோவாக மாற்றுகிறது. அடுத்து நடக்கும் விஷயங்கள் குறித்து குரல் முன்பே கூறிவிடுவதால், இது சத்யாவை வெல்ல முடியாத போராளியாக மாற்றுகிறது. மண்டேலா படத்தின் மூலம் கவனம் ஈர்த்த இயக்குனர் மடோன் அஷ்வின் மாவீரன் படத்திலும் சிந்தனையை நிரூபிப்பவராகவும் இருக்கிறார்.
சித்தா
இந்த ஆண்டில் பார்ப்பவர்கள் மனதில் பெரிய தாக்கத்தை ஏற்படுத்திய படம் தான் சித்தா. இயக்குனர் எஸ்.யு.அருண் குமார் இயக்கிய இந்த படம், பெடோபிலியாவால் பாதிக்கப்பட்டவர்கள் மற்றும் அவருக்கு ஒருவர் எடுக்க வேண்டிய உதவியைப் பற்றி கூறுகிறது. இது குற்றவாளிகளை தண்டிப்பதில் இருந்து நமது கவனத்தை நீக்கி காயம்பட்டவர்களை நோக்கி செலுத்துகிறது. சித்தார்த் இந்த அற்புதமாக கதைக்கு அனைத்தையும் கொடுத்துள்ளார். யாரும் இதுவரை சொல்லாத ஒரு பக்கத்தை இந்த படம் எடுத்து கூறியுள்ளது. இத்திரைப்படம் ஒரு கவர்ச்சியான த்ரில்லரின் நம்பமுடியாத வேகத்தையும் ஒரு அற்புதமான உணர்ச்சிகரமான திரைக்கதையின் இதயத்தையும் கொண்டுள்ளது.
பொன்னியின் செல்வன் 2
மணிரத்னம் தனது மகத்தான படைப்பின் இரண்டாம் பாகத்தில் மூலக்கதையில் இருந்து முற்றிலும் விலகி எடுத்த படம் என்ற விமர்சனங்களை பெற்றிருந்தாலும் பொன்னியின் செல்வன் 2 வரவேற்பை பெற்றது. காவியக் கதையின் முடிவு துண்டு துண்டான திரைக்கதை மற்றும் தகவல் சுமை போன்ற பல குறைபாடுகளைக் கொண்டிருந்தாலும், இயக்குனரின் பார்வைக்கு சில தளர்வுகளைக் குறைக்க வேண்டும். அனைத்து கேரக்டர்களையும் ஒன்றன் பின் ஒன்றாக முடிக்க வேண்டும் என்று நிர்பந்தத்தில் எடுத்து போல் இருந்தது. PS 1 மற்றும் PS 2 ஆகியவை சரியான படங்களாக இருக்காது, ஆனால் அவை தமிழில் எதிர்கால இலக்கியத் தழுவல்களுக்கு வலுவான அடித்தளத்தை அமைக்கின்றன.
கூழாங்கல்
திரைப்படம் அதன் விழாவை முடித்து, ரோட்டர்டாம் திரைப்பட விழாவில் அதிக பாராட்டுக்களை வென்ற முதல் தமிழ் திரைப்படம் என்ற பெருமையைப் பெற்றாலும், இந்த ஆண்டுதான் திரையரங்கில் வெளியிடப்பட்டது. பி.எஸ்.வினோத்ராஜ் இயக்கிய கூழாங்கல் திரைப்படம், கோபமடைந்த ஒருவன் தன் மனைவியைத் தேடி, அவனது மகனுடன் நீண்ட தூரம் நடப்பதைப் பற்றிய திரைப்படமாகும். உலக சினிமாவை ரசிக்காத எவருக்கும் இந்தப் படம் நிறைய தகவல்களை சொல்லும். கூழாங்கல் 2023 இன் சிறந்த திரைப்படமாக மட்டுமல்லாமல், எல்லா காலத்திலும் தமிழ் சினிமாவின் சிறந்த திரைப்படமாக வரலாற்றில் இடம்பிடிக்கும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/media_files/fe-budget-2024-logo-desktop.png){kind=logo}
/indian-express-tamil/media/media_files/granthm-logo-desktop.png){kind=logo}
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/YQx33bl2dpEhoG8oA8k4.jpg)