சல்மான் கான், சன்னி லியோனை பின்னுக்குத் தள்ளிய பிரியங்கா சோப்ரா!

Priyanka Chopra : அமெரிக்க ஏஜென்சி நடத்திய ஆய்வில், உலகிலேயே அதிகம் தேடப்பட்ட இந்திய பிரபலங்களில் பிரியங்கா சோப்ராவும், அவரைத் தொடர்ந்து சல்மான் கானும் இடம் பெற்றிருப்பது தெரிய வந்திருக்கிறது.

அதன்படி அக்டோபர் 2019-ல் பிரியங்காவை 2.74 மில்லியன் முறை இணையத்தில் தேடியிருப்பதாகவும் அந்த ஆய்வில் கூறப்பட்டுள்ளது. உலகளாவிய ஐகான் என்று கூறப்படும் பிரியங்கா, மாதாந்திர தேடலில் 4.2 மில்லியனுக்கும் அதிகமாகக் கொண்டுள்ளார். சல்மானுக்கு இதில் 2 மில்லியனுக்கும் அதிகமான தேடல்கள் உள்ளன. இந்த ஆய்வில் இந்திய நடிகர்கள் மற்றும் நடிகைகள் என இரண்டு பிரிவுகள் உள்ளன. பிரிவுகளின் படி தனித்தனியாக கருத்தில் கொண்டால், நடிகர்கள் சல்மான், அம்ரிஷ் பூரி மற்றும் ஷாருக்கான் முதல் 3 இடத்தைப் பெற்றுள்ளார்கள்.

அக்டோபர் 2019-ல், பிரியங்கா மற்றும் சல்மான் முறையே 2.74 மற்றும் 1.83 மில்லியன் முறை தேடப்பட்டுள்ளனர். அதிக தேடல்களாக டிசம்பர் 2018-ல் அதாவது பாடகர் நிக் ஜோனாஸை மணந்த போது, 13.6 மில்லியன் முறை தேடப்பட்டிருக்கிறார் பிரியங்கா.

தவிர, சன்னி லியோன் மற்றும் தீபிகா படுகோனேவும் அதிகம் தேடப்பட்ட நடிகைகளின் பட்டியலில் உள்ளனர். அவர்கள் முறையே 3 மில்லியன் மற்றும் 1.8 மில்லியன் முறை தேடல் அளவைக் கொண்டுள்ளனர். மூத்த நடிகை மதுபாலா 1.3 மில்லியன் மாதாந்திர தேடல்களுடன் ஆறாவது இடத்தைப் பெற்றுள்ளார்.