புஷ்பா 2 பாக்ஸ் ஆபிஸ் கலெக்சன்; ரூ. 600 கோடிக்கு மேல் வசூலை வாரிக் குவிக்கும் அல்லு அர்ஜூன் படம்

புஷ்பா 2: தி ரூல் படம் உலகளவில் மூன்று நாள் வசூல் மூலம் மேலும் சாதனைகளை முறியடிக்க உள்ளது. டிசம்பர் 5ஆம் தேதி வெளியான இப்படம் வெளியான இரண்டே நாட்களில் ரூ.449 கோடி வசூல் செய்துள்ளது. ஷாக்நில்க் (Sacnilk) இன் ஆரம்ப மதிப்பீட்டின்படி, அல்லு அர்ஜுன் நடித்த புஷ்பா 2 திரைப்படம் வெளியான மூன்றாவது நாளில் மாலை 5 மணி நிலவரப்படி இந்தியாவில் 58.16 கோடி ரூபாய் வசூலித்துள்ளது. வர்த்தக நிபுணர்களின் கூற்றுப்படி, படம் முதல் நாளில் வசூலித்ததை விட மூன்றாம் நாளில் அதிகம் வசூலித்ததாக கூறப்படுகிறது. இந்தியாவில் முதல் நாள் ஹிந்தி வசூலை இந்தப் படம் முறியடிக்க முடிந்தால், மூன்றாவது நாள் இந்த படத்தின் ஹிந்தி பதிப்பின் மிகப்பெரிய நாளாக அமைந்தது.

ஆங்கிலத்தில் படிக்க: Pushpa 2 box office collection day 3 early report: Allu Arjun’s blockbuster to cross Rs 600 crore mark worldwide

இதற்கிடையில், படத்தின் தெலுங்கு பதிப்பு சனிக்கிழமை முதல் பாதியில் ஒட்டுமொத்தமாக 49.70% காட்சிகளைக் கண்டது. இந்தி பதிப்பு இந்தியாவில் 50.49% ஒட்டுமொத்த காட்சிகளைப் பதிவுசெய்தது, நாடு முழுவதும் 7200 க்கும் மேற்பட்ட காட்சிகள் திட்டமிடப்பட்டுள்ளன. தெலுங்கு மொழியில் சுமார் 2800 காட்சிகள் ஏற்பாடு செய்யப்பட்டுள்ளன.

300 கோடி முதல் 400 கோடி ரூபாய் பட்ஜெட்டில் உருவாகியுள்ள இப்படத்தை சுகுமார் எழுதி இயக்கியுள்ளார். அல்லு அர்ஜுனைத் தவிர, புஷ்பா: தி ரூல் படத்தில் ராஷ்மிகா மந்தனா மற்றும் ஃபஹத் பாசில் ஆகியோர் முக்கிய வேடங்களில் நடித்துள்ளனர்.

புஷ்பா: தி ரூல், 2021 ஆம் ஆண்டு வெளியான புஷ்பா: தி ரைஸ் திரைப்படத்தின் தொடர்ச்சியான, புஷ்பா 2 படம் வெளியீட்டு நாளில் (புதன்கிழமையன்று நடந்த சிறப்பு காட்சியையும் சேர்த்து) உலகளாவிய பாக்ஸ் ஆபிஸில் ரூ.294 கோடி வசூல் செய்தது. இரண்டாவது நாளில், படம் உலகம் முழுவதும் ரூ 155 கோடிக்கு மேல் வசூலித்ததாக அதன் தயாரிப்பாளர்கள் தெரிவிக்கின்றனர். தற்போது, சனிக்கிழமை வசூல் மூலம் இப்படம் ரூ.600 கோடியை கடக்கும் என எதிர்பார்க்கப்படுகிறது. இப்படம் இதே வேகத்தில் தொடர்ந்தால், முதல் வார இறுதியில் உலகளவில் ரூ.700 கோடிக்கு மேல் வசூல் செய்யும்.

தில்லி-என்.சி.ஆரின் தேர்ந்தெடுக்கப்பட்ட திரையரங்குகள் உட்பட பல இடங்களில் இப்படம் ஹவுஸ்ஃபுல் காட்சிகளைக் கண்டு வருகிறது. புஷ்பா 2 தொடர்ந்து மூன்று நாட்களுக்கு புக்மைஷோவில் (BookMyShow) 100 ஆயிரம் டிக்கெட்டுகளுக்கு மேல் விற்பனை செய்து சாதனை படைத்துள்ளது.

புக்மைஷோ ஒரு அறிக்கையில் பகிர்ந்துள்ளது, “புக் மைஷோவில் ஏற்கனவே 6 மில்லியன் டிக்கெட்டுகள் விற்கப்பட்ட நிலையில், விற்பனைக்கு வந்ததிலிருந்து பிளாட்பார்மில் 5 மில்லியன் டிக்கெட் விற்பனையைக் கடந்து இந்திய சினிமா வரலாற்றில் வேகமாக வளர்ந்து வரும் திரைப்படமாக புஷ்பா 2 மாறியுள்ளது. ஹைதராபாத், பெங்களூரு, மும்பை டெல்லி-என்.சி.ஆர், புனே, கொல்கத்தா, புவனேஸ்வர், கொச்சி, சென்னை மற்றும் பாட்னா ஆகிய நகரங்களில் இந்த அதிரடி திரைப்படத்தை வெள்ளித்திரையில் காண நாடு முழுவதும் உள்ள சினிமா ஆர்வலர்கள் விரைகின்றனர். புஷ்பா 2: தி ரூல் ஒரு மணி நேரத்தில் 107,000 டிக்கெட்டுகளை புக் மைஷோவில் விற்று பாகுபலி 2 மற்றும் ஆர்.ஆர்.ஆர் ஆகியவற்றை மிஞ்சியது!

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“