மருதாணி போட்ட கைகளுடன் போஸ்... ரச்சிதா வீட்டில் விசேஷம்; அத நீங்களே பாருங்க!

ரச்சித்தா மகாலட்சுமி ஒரு பிரபலமான இந்திய நடிகை. இவர் முதன்மையாக தமிழ் மற்றும் கன்னட தொலைக்காட்சித் தொடர்களில் நடித்து வருகிறார். விஜய் டிவியில் ஒளிபரப்பான 'சரவணன் மீனாட்சி' தொடரில் மீனாட்சியாக நடித்ததன் மூலம் இவர் மிகவும் பிரபலமானார். ந்தத் தொடர் இவருக்கு ஒரு மிகப்பெரிய திருப்புமுனையாக அமைந்தது. பின்னர், இவர் 'நாம் இருவர் நமக்கு இருவர்', 'பிரிவோம் சந்திப்போம்' போன்ற பல்வேறு தொடர்களிலும் நடித்து தனக்கென ஒரு பெரிய ரசிகர் பட்டாளத்தை உருவாக்கிக்கொண்டார்.

தொலைக்காட்சித் தொடர்களில் நடித்துக்கொண்டிருக்கும்போதே, சில திரைப்படங்களிலும் ரச்சித்தா நடித்துள்ளார். சின்னத்திரையில் தனது ஆளுமையை நிலைநாட்டிய ரச்சிதா, தற்போது பெரிய திரையிலும் கால் பதித்து வருகிறார்.  சமீபத்தில், இவர் 'எக்ஸ்ட்ரீம்' போன்ற படங்களில் நடித்து வருகிறார். அதேபோல ரச்சித்தா மகாலஷ்மி சோஷியல் மீடியாக்களிலும் எப்போதும் அப்டேட்டாக இருப்பார். தனது இன்ஸ்டாகிராம் பக்கத்தில் நிறைய புகைப்படங்களை பகிர்ந்துள்ளார்.

அவர் தனது சக நடிகரான தினேஷை மணந்து கொண்டார். இவர்களின் திருமண வாழ்க்கை சில காலங்கள் மகிழ்ச்சியாக இருந்த போதிலும், பின்னர் ஏற்பட்ட கருத்து வேறுபாடுகளால் இருவரும் பிரிந்து வாழ்ந்து வருகின்றனர். இவர்களின் விவாகரத்து தொடர்பான சட்ட நடவடிக்கைகள் நீதிமன்றத்தில் நிலுவையில் உள்ளன. தனிப்பட்ட வாழ்க்கையில் ஏற்பட்ட பின்னடைவுகளுக்கு மத்தியிலும், ரச்சிதா தனது நடிப்புத் திறமையை நிரூபிப்பதில் உறுதியாக இருக்கிறார். சின்னத்திரையில் இருந்து வெள்ளித்திரைக்கு நகர்ந்து, தனது கலைப்பயணத்தை தொடர்ந்து வருகிறார். 

தற்போது, ரச்சித்தா தனது இன்ஸ்டாகிராம் பக்கத்தில் பகிர்ந்திருக்கும் புகைப்படங்கள் ரசிகர்களின் கவனத்தை ஈர்த்து வருகின்றன. அந்தப் புகைப்படங்களில், தனது கைகள் முழுவதும் மருதாணி இட்டுக்கொண்டு ஊஞ்சலில் அமர்ந்திருக்கிறார். இந்த புகைப்படங்கள் தற்போது ட்ரெண்டாகி வருகின்றன.

View this post on Instagram

A post shared by Rachitha Mahalakshmi (@rachitha_mahalakshmi_official)

மருதாணி இட்டதற்கான காரணம் என்னவென்று அவர் குறிப்பிடவில்லை. இதனால், ரசிகர்கள் இந்த புகைப்படங்களை சமூக வலைத்தளங்களில் அதிக அளவில் பகிர்ந்து வருகின்றனர். அவர் என்ன விசேஷம் நடந்தது என்பதை அறிய ஆவலுடன் காத்திருக்கின்றனர்.