கார்த்திக் சுப்பராஜ் இயக்கத்தில் ரஜினிகாந்த் நடித்த 'பேட்ட' திரைப்படத்தின் 50வது நாள் வெற்றி சமீபத்தில் கொண்டாடப்பட்டது. விண்டேஜ் ரஜினியை பல வருடங்களுக்கு பிறகு, பேட்ட படத்தில் காண்பித்ததற்காக இயக்குனர் கார்த்திக் சுப்பராஜூக்கு ரசிகர்கள் ஆரத்தி எடுக்காத குறை தான்.
அடுத்ததாக, ரஜினி - ஏ.ஆர்.முருகதாஸ் இணையும் படத்தின் ஷூட்டிங் விரைவில் தொடங்கவுள்ளது. இந்நிலையில், சீனாவில் 2.0 படம் ரிலீஸ் செய்யப்பட உள்ளது.
ஷங்கர் இயக்கத்தில் தமிழில் வெளியாகி நல்ல வரவேற்பைப் பெற்ற 2.0 திரைப்படம், பாகுபலி-2க்குப் பிறகு சீனாவில் பிரம்மாண்டமாக ரிலீஸ் செய்யப்பட உள்ளது. இப்படத்திற்கு அங்கு 'பாலிவுட் ரோபோட் 2.0: ரீசர்ஜன்ஸ்' என்ற பெயரில் ரிலீஸாக உள்ளது.
பாகுபலி-2 படத்தை கொண்டாடிய சீன ரசிகர்கள், தற்போது டெக்னிக்கலாக மிரட்டிய 2.0 படத்தையும் ஆர்ப்பாட்டமாக வெற்றியடைய வைப்பார்கள் என எதிர்பார்க்கப்படுகிறது.
மே மாதம் இப்படம் ரிலீசாக உள்ளது.
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2019/03/a754.jpg)