ரஜினிகாந்த் படத்தில் லதா ரஜினிகாந்த்: இந்த வீடியோ பாருங்க

சூப்பர் ஸ்டார் ரஜினிகாந்த் தனது மனைவி லதா ரஜினிகாந்த் உடன் சினிமாவில் நடித்த வீடியோ காட்சி சமூக ஊடகங்களிலும் இணையத்திலும் வைரலாகி வருகிறது. ரஜினி தனது...

சூப்பர் ஸ்டார் ரஜினிகாந்த் தனது மனைவி லதா ரஜினிகாந்த் உடன் சினிமாவில் நடித்த வீடியோ காட்சி சமூக ஊடகங்களிலும் இணையத்திலும் வைரலாகி வருகிறது. ரஜினி தனது மனைவி லதா உடன் நடித்த காட்சியை அவரது ரசிகர்களும் நெட்டிசன்களும் லைக் செய்து வருகின்றனர்.

தமிழ் சினிமா உலகில் கிட்டத்தட்ட 40 ஆண்டுகளாக முன்னணி நடிகராக வலம் வருகிறார் ரஜினிகாந்த். அவரது ஸ்டைல் காரணமாக இன்றும் தமிழ் சினிமா உலகின் சூப்பர் ஸ்டாரராக திகழ்ந்து வருகிறார். நடிகர் ரஜினிகாந்த், 2018-ம் ஆண்டு அரசியலுக்கு வருகிறேன். என்று கூறியது முதல் அவருடைய ஒவ்வொரு பேச்சும் விவாதிக்கப்படுகிறது.

இயக்குனர் பா.ரஞ்சித் இயக்கத்தில் நடித்த கபாலி, காலா ஆகிய படங்களின் வெற்றியைத் தொடர்ந்து, கார்த்திக் சுப்பாராஜ் இயக்கத்தில் நடித்த பேட்ட படமும் மிகப் பெரிய வெற்றி பெற்றது. இந்த படங்களுக்கு அடுத்து வெளியான தர்பார் படமும் வெற்றி பெற்றது.

தற்போது சன்பிக்சர்ஸ் தயாரிப்பில், சிறுத்தை சிவா இயக்கத்தில் அண்ணாத்த படத்தில் நடித்து வருகிறார். கொரோனா பொது முடக்கத்தால் படப்பிடிப்பு தொடக்கப்படாமல் உள்ளது.

இந்த நிலையில், ரஜினிகாந்த் அவரது மனைவி லதா ரஜினிகாந்த் நடித்த அக்னி சாட்சி படத்தில் இடம்பெற்ற ரஜினி – லதா வீடியோ சமூக ஊடகங்களில் வெளியாகி ரசிகர்களால் பகிரப்பட்டு வருகிறது.


நடிகர் சிவக்குமார் – சரிகா ஜோடியாக நடித்த அக்னி சாட்சி திரைப்படம் 1982-ம் ஆண்டு கே.பாலச்சந்தர் இயக்கத்தில் வெளியானது. இந்தப் படத்தில் ரஜினிகாந்த், அவரது மனைவி லதா ரஜினிகாந்த், உலகநாயகன் கமல்ஹாசன், சீமா ஆகியோ கௌரவ வேடத்தில் நடித்திருந்தனர்.

இந்தப் படத்தில் நிஜமாகவே ரஜினிகாந்த்தாக அவருடைய மனைவி லதா ரஜினிகாந்த் உடன் வருவார். ரஜினிகாந்த், லதா ரஜினிகாந்த் கௌரவத் தோற்றத்தில் நடித்த இந்த படத்தில், ரஜினி – லதா இடம்பெற்ற வீடியோ 38 ஆண்டுகளுக்குப் பிறகு சமூக ஊடகங்களில் வெளியாகி வைரலாகி வருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  t.me/ietamil

Get all the Latest Tamil News and Tamil Nadu News at Indian Express Tamil. You can also catch all the latest Tamil Entertainment News by following us on Twitter and Facebook

The moderation of comments is automated and not cleared manually by tamil.indianexpress.com.
Just Now
X
×Close
×Close