ஜப்பான் ரசிகர்களை வளைத்த ரஜினி; மீண்டும் வசூல் வேட்டையில் ஹிட் படம்: கண்டிப்பா கூலி இல்ல!

தமிழ் திரையுலகில் முன்னணி நடிகராக வலம் வருபவர் ரஜினிகாந்த். சூர்ப்பர் ஸ்டார் என்று ரசிகர்களால் அன்போடு அழைக்கப்படுகிறார். ரஜினியை வைத்து ஒரு படம் பண்ணிவிட மாட்டோமா என்ற ஏக்கத்தில் பல இயக்குநர்கள் சென்னை கோடம்பாக்கத்தை நோக்கி வந்துள்ளனர்.

அப்போது இப்போதும் எப்போதும் சூப்பர் ஸ்டார்னா அது ஒரு ஆள்தான் ரஜினிதான் என்ற அளவிற்கு மக்கள் மனதில் நீங்கா இடம் பிடித்துள்ளார். ரஜினியின் படங்கள் திரையரங்களில் வெளியானாலே அவரது ரசிகர்களுக்கு கொண்டாட்டமாக இருக்கும்.

சமீபத்தில் லோகேஷ் கனகராஜ் இயக்கத்தில் ரஜினி நடித்த கூலி திரைப்படம் கலவையான விமர்சனத்தை பெற்றாலும் ரூ.400 கோடிக்கு மேல் வசூலை குவித்தது. தொடர்ந்து நடிகர் ரஜினி பல்வேறு படங்களில் பிசியாக நடித்து வருகிறார்.

நடிகர் ரஜினிக்கு தமிழ் நாட்டில் மட்டுமல்ல வெளிநாட்டிலும் ஏராளமான ரசிகர்கள் உள்ளனர். ஜப்பான் நாட்டில் தமிழ் படங்களுக்கு எப்போதும் மவுசு உண்டு. அதிலும் ரஜினி படத்திற்கு கேட்கவே வேண்டம். ரஜினி- மீனா நடிப்பில் வெளியான முத்து திரைப்படம் ஜப்பானில் சக்கைபோடு போட்டது.

அதிலிருந்து ஜப்பானில் ரஜினிக்கு என்று தனி ரசிகர்கள் பட்டாளமே உள்ளது. மேலும் ரஜினியின் படங்களுக்கு ஜப்பானில் நல்ல வரவேற்பு கிடைத்து வருகிறது. தர்பார், எந்திரன் போன்ற படங்களும் வசூல் வேட்டை நடத்தியது. 

அந்தவகையில், தற்போது ரஜினியின் திரைப்படம் ஒன்று ஜப்பானில் சக்கைபோடு போட்டு கொண்டிருந்தது. அந்த படம் ‘கூலி’ அல்ல. கடந்த ஆண்டு டி.ஜே.ஞானவேல் இயக்கத்தில் ரஜினி நடித்த ‘வேட்டையன்’ திரைப்படம் தான். இந்த படத்தில் மஞ்சுவாரியர், அமிதாப் பச்சன், துஷாரா விஜயன்,  ராணா டகுபதி, ஃபஹத் பாசில், ரித்திகா சிங், கிஷோர் உட்பட பலர் முக்கிய கதாபாத்திரத்தில் நடித்திருந்தனர்.

இப்படத்தை லைகா நிறுவனம் தயாரித்திருந்தது. இப்படத்திற்கு ரசிகர்கள் மத்தியில் நல்ல வரவேற்பு கிடைத்தது. இந்நிலையில், கடந்த வாரம் ‘வேட்டையன்’ திரைப்படம் ஜப்பானில் உள்ள மிகவும் பிரபலமான மல்டிபிளக்ஸ் திரையரங்குகளி வெளியானது. இப்படம் சிறப்பாக ஓடி ஒரே வாரத்தில் நம்பர் 1 இடத்தை பிடித்ததாக கூறப்படுகிறது.

அதுமட்டுமல்லாமல், ரஜினி மற்றும் ஃபஹத் பாசில் நடிப்பு அங்குள்ள ரசிகர்களுக்கு மிகவும் பிடித்ததாக ஜப்பான் ரசிகர்கள் தெரிவித்ததாக தகவல் வெளியாகியுள்ளது.