மீண்டும் வசூல் வேட்டைக்கு தயாரான ரஜினிகாந்த்; இந்த முறை தியேட்டர் அல்ல: கூலி ஓ.டி.டி ரிலீஸ் குறித்து முக்கிய அப்டேட்!

லோகேஷ் கனகராஜ் – ரஜினிகாந்த் கூட்டணியில் வெளியான கூலி திரைப்படம் வசூலில் அதகளம் செய்த நிலையில், தற்போது இந்த படம் ஓடிடி ரிலீஸ் குறித்த தகவல் இணையத்தில் வெளியாகி பெரிய எதிர்பார்ப்பை ஏற்படுத்தியுள்ளது.

இந்த செய்தியை ஆங்கிலத்தில் படிக்க இங்கே க்ளிக் செய்யவும்:

லோகேஷ் கனகராஜ் இயக்கத்தில் கடந்த ஆகஸ்ட் 14-ந் தேதி வெளியான படம் கூலி. ரஜினிகாந்த், நாகர்ஜூனா, சௌபிக் ஷாகிர், சத்யராஜ், ஸ்ருதி ஹாசன் உபேந்திரா, உள்ளிட்ட பலர் நடித்திருந்த இந்த படத்தில், அமீர்கான் கெஸ்ட் ரோலில் நடித்திருந்தார். அனிருத் இசையமைத்திருந்த இந்த படம் பெரிய எதிர்பார்ப்புக்கு மத்தியில் வெளியாகி கலவையான விமர்சனங்களை பெற்றிருந்தது. ஆனாலும் படம் வசூலில் எந்த குறையும் வைக்கவில்லை என்று தயாரிப்பு நிறுவனம் வசூல் நிலவம் குறித்து அதிகாரப்பூர்வ அறிவிப்பை வெளியிட்டிருந்தது.

இதனிடையே கூலி திரைப்படம், அமேசான் பிரைம் வீடியோவில் செப்டம்பர் 11 ஆம் தேதி வெளியாகிறது. திரையரங்குகளில் இன்னும் ஓடிக்கொண்டிருக்கும் இந்தத் திரைப்படம், இந்த ஆண்டின் மிகப்பெரிய ரிலீஸ்களில் ஒன்றாக இருக்கும் நிலையில்,. இந்த படம் வெளியாக சமயத்தில் ஹிருத்திக் ரோஷனின் வார் 2 படமும் வெளியாகி வரவேற்பை பெற்றிருந்தது. அதே சமயம்,  'கூலி' திரைப்படம் பல்வேறு பாக்ஸ் ஆபிஸ் சாதனைகளை முறியடித்தது.

இதனிடையே, அமேசான் பிரைம் வீடியோவின் இன்ஸ்டாகிராம் பக்கத்தில், "தேவா, சைமன், மற்றும் தாஹா ஆகியோரின் சாகசங்களுடன் கொண்டாட தயாராகுங்கள் செப்டம்பர் 11," என்ற அறிவிப்பு வெளியானது.அனிருத் ரவிச்சந்தர் இசையமைத்த இந்தப் படத்திற்கு, கிரிஷ் கங்காதரன் ஒளிப்பதிவு செய்துள்ளார். 'கூலி' படத்தின் திரைக்கதை, குழப்பமான காட்சிகளும், தேவையில்லாத சிறப்புத் தோற்றங்களும் இருந்ததாக விமர்சனங்கள் எழுந்தன.

இந்தப் படம், ஒரு பெரிய கடத்தல் சாம்ராஜ்யத்தின் பின்னணியில் அமைக்கப்பட்ட கதை. பல ஆண்டுகளுக்குப் பிறகு, ஒரு முன்னாள் கூலி, தனது நெருங்கிய நண்பரின் மரணம் குறித்து தெரிந்துகொள்ள சொந்த ஊரக்கு வரும்போது, அவரை சைமன் மற்றும் அவரது கும்பலால் நடத்தப்படும் உறுப்பு கடத்தல் மற்றும் கடத்தல் உலகத்திற்கு மீண்டும் இழுத்துச் செல்கிறது. இந்தப் படத்தில், ரஜினிகாந்தின் இளமையான தோற்றம், ஏ.ஐ மூலம் உருவாக்கப்பட்ட அவரது பழைய படங்களின் குரலுடன் காட்சிப்படுத்தப்பட்டது, இது படத்தின் மிகச்சிறந்த பகுதியாகப் பார்க்கப்படுகிறது.

View this post on Instagram

A post shared by prime video IN (@primevideoin)

பான்-இந்திய திரைப்படமாக, தென்னிந்திய மொழிகளிலும், இந்தி மொழியிலும் டப்பிங் செய்யப்பட்டு 'கூலி' வெளியானது. இது, 'வார் 2' திரைப்படத்துடன் போட்டியிட்டு, இந்தியாவிலும் வெளிநாடுகளிலும் நல்ல வசூலைக் குவித்தது. அமேசான் பிரைம் வீடியோவில், 'கூலி' திரைப்படம், முதலில் தமிழ் மொழியிலும், பின்னர் தெலுங்கு, இந்தி மற்றும் கன்னட மொழிகளிலும் டப்பிங் செய்யப்பட்டு வெளியாகும்.