ரஜினி படத்தில் பிரமாண்டம் இருக்காது : இயக்குநர் கார்த்திக் சுப்புராஜ் பேட்டி

சூர்ப்பர் ஸ்டர் ரஜினிகாந்த் நடிக்கும் அடுத்த படத்தினை சன் பிக்சர்ஸ் தயாரிக்கிறது. இந்த படத்தை இயக்குநர் கார்த்திக் சுப்புராஜ் இயக்குகிறார்.

நடிகர் ரஜினிகாந்த் அரசியலுக்கு வருவதாக அறிவித்துள்ளார். இந்நிலையில் அவர் நடித்து முடித்துள்ள காலா படம் ஏப்ரல் மாதம் 27ம் தேதி வெளியாக உள்ளது. ஷங்கர் இயக்கத்தில் ரஜினி நடித்த 2.0 படத்தின் இறுதி கட்ட பணிகள் நடந்து வருகின்றன.

இந்நிலையில்தான் கார்த்திக் சுப்புராஜ் இயக்கத்தில் ரஜினி நடிக்கப் போவதாக அதிகாரப்பூர்வ அறிவிப்பு வெளியாகியுள்ளது. பீசா, ஜிகிர்தண்டா, இறைவி ஆகிய படங்களை இயக்கியவர்தான் கார்த்திக் சுப்புராஜ்.

ரஜினிகாந்த் - சன் பிக்சர்ஸ் - கார்த்திக் சுப்புராஜ் என்ற காம்பினேஷன் பெரிய அளவில் எதிர்பார்ப்பை ஏற்படுத்தியுள்ளது. படத்தின் பெயர் பற்றிய அறிவிப்பு இன்னும் வெளியாகவில்லை.

இந்நிலையில் படம் குறித்து இயக்குநர் கார்த்திக் சுப்புராஜ் பேசிய போது, ‘‘இந்த படத்தில் பிரம்மாண்டம் இருக்காது. ஆனால் கதையிலும் திரைக்கதையிலும் பிரம்மாண்டம் இருக்கும். மேலும் ரஜினி படத்தில் ரசிகர்கள் எதிர்பார்க்கும் அனைத்து அம்சங்களும் இருக்கும்’’ என்று தெரிவித்தார்.