New Update
![Lokesh Shrutiha](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/a82YrxzXnRzMElP3MCsL.jpg)
''இனிமேல்'' மேக்கிங் வீடியோ
/
''இனிமேல்'' மேக்கிங் வீடியோ
தமிழ் சினிமாவில் முன்னணி இயக்குனர்களில் ஒருவராக மாறியுள்ளவர் லோகேஷ் கனகராஜ். மாநகரம், கைதி, மாஸ்டர், விக்ரம், லியோ என 5 படங்களை மட்டுமே இயக்கியிருந்தாலும், 5 படங்களுமே ப்ளாக்பஸ்டர் ஹிட் அடித்தது. குறிப்பாக விகரம், லியோ என அவர் இயக்கிய கடைசி 2 படங்களும் வசூலில் பெரிய சாதனை படைத்த நிலையில், அடுத்ததாக ரஜினிகாந்த் நடிக்கும் 171-வது படத்தை இயக்க உள்ளார்.
இதனிடையே அவ்வப்போது திரைப்படங்களிலும் ஆல்பம் பாடல்களிலும் நடித்து வருகிறார். அந்த வகையில், சமீபத்தில் வெளியான சிங்கப்பூர் சலூன் என்ற படத்தில் நடித்திருந்த நிலையில், தற்போது ஸ்ருதிஹாசனுடன் ‘’இனிமேல்’’ என்ற பாடலில் நடித்துள்ளார். கடந்த சில மாதங்களுக்கு முன்பு வெளியான இந்த பாடலின் போஸ்டர் நல்ல வரவேற்பை பெற்றிருந்தது.
அதனைத் தொடர்ந்து வெளியான பாடலின் ப்ரமோ பாடல் மீதான எதிர்பார்ப்பை அதிகரித்த நிலையில், லோகேஷ் மற்றும் ஸ்ருதியின் காதல் மற்றும் ரெமான்ஸ் காட்சிகள் ரசிகர்கள் மத்தியில் வரவேற்பை பெற்றிருந்தது. இதனையடுத்து கடந்த மார்ச் 25-ந தேதி வெளியான ‘’இனிமேல்’’ காதல் மற்றும் ரொமான்ஸ் கட்சிகள் நிரம்ப ரசிகர்கள் கவனத்தை ஈர்த்தது. இந்த பாடலில் லோகேஷின் நடிப்பும், ஸ்ருதியுடன் அவரின் ரோமான்சும் பலருக்கும் ஆச்சரியத்தை அளித்துள்ளது.
ராஜ்கமல் நிறுவனம் தயாரிக்க, கமல்ஹாசன் வரிகளில், ஸ்ருதிஹாசன் இயக்கி இந்த ஆல்பம் பாடலில் நடித்துள்ளார். இந்த பாடல் பெரிய வெற்றியை பெற்றுள்ள நிலையில், தற்போது இந்த பாடல் உருவான விதம் தொடர்பான மேக்கிங் வீடியோவை குழுவினர் வெளியிட்டுள்ளனர். இந்த வீடியோவும் தற்போது அதிக கவனம் ஈர்த்துள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.