திருப்பதியில் திடீர் சாமி தரிசனம்... என்ன விசேஷம்? ரவி மோகன் - கெனிஷா ரீசன்ட் க்ளிக்ஸ்!

தமிழ் சினிமாவில் முன்னணி நடிகராக வலம் வருபவர் ரவி மோகன். தற்போது கணேஷ் கே.பாபு இயக்கத்தில் 'கராத்தே பாபு' என்ற படத்தில் நடித்து வருகிறார். மேலும் சுதா கொங்கரா இயக்கத்தில் சிவகார்த்திகேயன் கதாநாயகனாக நடித்து வரும் 'பராசக்தி' படத்தில் ரவி மோகன் வில்லன் கதாபாத்திரத்தில் நடித்து வருகிறார்.

சமீகாலமாக பரபரப்பாக பேசப்படும் விஷயமாக இருப்பது நடிகர் ரவி மோகன் - ஆர்த்தி ரவி விவாகரத்து விவகாரம். இவர்களின் விவாகரத்து பிரச்னையில் முக்கிய காரணமாக இருப்பது பாடகி கெனிஷா என்று கூறப்பட்டது. பிரபல நடிகையும் தொழிலதிபருமான ஆர்த்தி ரவியுடன் பல ஆண்டுகளாகத் திருமண பந்தத்தில் இருந்த ரவி மோகன், சமீபத்தில் பிரிந்துவிட்டார். இந்த விவாகரத்துச் செய்தி வெளியானதில் இருந்தே, பாடகி கெனிஷாவின் பெயர் ரவி மோகனுடன் இணைத்துப் பேசப்பட்டு வந்தது.

சில ஊடகங்கள், ரவி மோகன் - கெனிஷா இடையேயான நெருக்கம்தான் விவாகரத்துக்குக் காரணம் என்று தெரிவித்ததால், பெரும் சர்ச்சையை ஏற்படுத்தியது. இதற்கிடையே, ஐசரி கணேஷின் மகளின் திருமண விழாவில் இருவரும் ஜோடியாகக் கைக்கோர்த்து வந்த புகைப்படங்கள் வெளியானதால், "இவர்கள் இருவரும் இணைந்துவிட்டார்களா?" என்ற சந்தேகம் ரசிகர்களிடையே வலுத்தது. இப்போது திருப்பதி தரிசன புகைப்படங்கள் இந்த ஊகங்களுக்கு மேலும் வலு சேர்த்துள்ளன.

பாடகி கெனிஷா, தமிழ் மற்றும் தெலுங்கில் பல பிரபல பாடல்களைப் பாடி தனக்கென ரசிகர் பட்டாளத்தை உருவாக்கியவர். ரவி மோகனுடன் அவர் இப்போது ஊடக வெளிச்சத்திற்கு வருவது, அவரது கெரியருக்கு விளம்பரமாக இருக்குமா அல்லது எதிர்மறையான தாக்கத்தை ஏற்படுத்துமா என்ற கேள்விகள் எழுகின்றன.

திருப்பதி தரிசன நிகழ்வை ரசிகர்கள், ஊடகங்கள் மற்றும் சினிமா விமர்சகர்கள் எனப் பலரும் பலவிதமாகப் பகிர்ந்து வருகின்றனர். "இது ஒரு ஆன்மீகப் பயணம் மட்டுமா அல்லது ஒரு புதிய வாழ்க்கைக்கான தொடக்கமா?" என்ற விவாதங்கள் இணையத்தில் பரபரப்பாகப் பேசப்பட்டு வருகின்றன. ரவி மோகன் மற்றும் கெனிஷா ஜோடியின் இந்த திருப்பதி தரிசனம், தங்கள் உறவை அதிகாரபூர்வமாக உறுதிப்படுத்த ஒரு முயற்சியாக இருக்குமா? எதிர்காலத்தில் அவர்கள் தங்கள் உறவு குறித்து அதிகாரப்பூர்வமாக அறிவிப்பார்களா என்ற எதிர்பார்ப்புடன் ரசிகர்கள் காத்திருக்கின்றனர்.