தீவிரவாதி கேரக்டருக்கு செட் ஆவாரா சமத்து சமந்தா....?

தமிழ், தெலுங்கு திரையுலகில் முன்னணி நடிகையாக திகழ்ந்து வரும் நடிகை சமந்தா, அடுத்ததாக நடித்து வரும் வெப் சீரிசில் தீவிரவாதி கேரக்டரில் நடிப்பதாக தகவல்கள் வெளியாகியுள்ளன.

ஓ பேபி படத்தை அடுத்து 96 படத்தின் தெலுங்கு ரீமேக்கில் நடித்துள்ள சமந்தா, அதையடுத்து இப்போது பேமிலி மேன் 2 என்ற வெப்சீரிசில் நடிக்கிறார். ஆங்கில மொழியில் வெளியான இந்த தொடரின் முதல் பாகம் ரசிகர்களை கவர்ந்ததால் இரண்டாவது பாகத்திற்கும் எதிர்பார்ப்பு அதிகரித்துள்ளது.

மனோஜ் பாஜ்பாய் முதன்மை கேரக்டரில் நடிக்கும் இந்த வெப்சீரிசில் சமந்தா நெகட்டிவ் வேடத்தில் நடிப்பதாக ஏற்கனவே செய்திகள் வெளியாகி இருந்தன. இந்நிலையில் அவர் பெண் தீவிரவாதியாக நடிப்பதாக தகவல்கள் வெளியாகியுள்ளன.