Advertisment

நாக சைதன்யாவை பிரிந்தார் சமந்தா; நட்பு தொடரும் என அறிவிப்பு

Samantha and Naga Chaitanya ‘part ways as husband and wife’: ‘Our friendship will always hold a special bond between us’: சமந்தாவும் நாக சைதன்யாவும் 'கணவன் –மனைவி உறவிலிருந்து பிரிவதாக அறிவிப்பு': 'எங்கள் நட்பு எப்போதும் எங்களுக்கு இடையே ஒரு சிறப்பு பிணைப்பை வைத்திருக்கும்' என இருவரும் அறிக்கை

author-image
WebDesk
புதுப்பிக்கப்பட்டது
New Update
நாக சைதன்யாவை பிரிந்தார் சமந்தா; நட்பு தொடரும் என அறிவிப்பு

நடிகை சமந்தாவும் நாக சைதன்யாவும் கணவன் – மனைவி உறவில் இருந்து பிரிவதாக சமூக ஊடகங்களில் அறிவித்துள்ளனர். இருவருக்கும் இடையே பிரச்சனைகள் இருப்பதாகவும், விவாகரத்து செய்யவுள்ளதாகவும் வதந்திகள் வெளியான நிலையில், தற்போது இருவரும் பிரிவதாக அறிவித்துள்ளனர்.

Advertisment

நடிகர் நாக சைதன்யா தனது ட்விட்டர் பக்கத்தில் ஒரு குறிப்புடன் இந்த அறிவிப்பை வெளியிட்டார், அதில் கடினமான நேரத்தில் தம்பதியருக்கு ஆதரவளிக்கவும், அவர்களின் தனியுரிமையை மதிக்கவும் தனது ரசிகர்களைக் கேட்டுக் கொண்டார். "எங்கள் நலம் விரும்பிகள் அனைவருக்கும். மிகவும் ஆலோசித்த பிறகு, சமந்தாவும் நானும் கணவன் மனைவி உறவிலிருந்து பிரிந்து செல்ல முடிவு செய்தோம். ஒரு தசாப்தத்திற்கும் மேலான நட்பைப் பெறுவதில் நாங்கள் அதிர்ஷ்டசாலி, இது எங்கள் உறவின் முக்கிய அம்சமாக இருந்தது, இது எப்போதும் எங்களுக்கு இடையே ஒரு சிறப்பு பிணைப்பை வைத்திருக்கும் என்று நாங்கள் நம்புகிறோம். இந்த கடினமான நேரத்தில் எங்கள் ரசிகர்கள், நலம் விரும்பிகள் மற்றும் ஊடகங்கள் எங்களுக்கு ஆதரவளிக்குமாறு கேட்டுக்கொள்கிறோம். உங்கள் ஆதரவுக்கு நன்றி,” என்று பதிவிட்டிருந்தார்.

சமந்தா தனது இன்ஸ்டாகிராம் பக்கத்தில் இதே அறிக்கையைப் பகிர்ந்து பிரிவை உறுதி செய்துள்ளார்.

நாக சைதன்யா மற்றும் சமந்தாவின் விவாகரத்து வதந்திகள், அனைத்து சமூக வலைதளங்களில் இருந்து சமந்தா அவரது குடும்பப்பெயரான 'அக்கினேனி' என்பதை நீக்கியதிலிருந்து ஆரம்பமானது. ஆனால் சமந்தாவும், நாக சைதன்யாவும் இது குறித்து நீண்ட காலத்திற்கு எதுவும் பேசவில்லை. சமீபத்தில், சமந்தா தனது வீட்டை மும்பைக்கு மாற்றுவதாக வதந்திகள் வந்தன. இன்ஸ்டாகிராமில் ஒரு AMA அமர்வின் போது, ​​‘நீங்கள் உண்மையில் மும்பைக்கு மாறுகிறீர்களா?’ என்று கேட்ட ரசிகருக்கு சமந்தா, “இந்த வதந்தி எங்கிருந்து தொடங்கியது என்று எனக்குத் தெரியாது ஆனால் மற்ற நூறு வதந்திகளைப் போல, உண்மை இல்லை. ஹைதராபாத் என் வீடு, எப்போதும் என் வீடு. ஹைதராபாத் எனக்கு எல்லாவற்றையும் தருகிறது, நான் இங்கே (மகிழ்ச்சியுடன்) தொடர்ந்து வாழ்வேன், ”என்று பதிலளித்தார். இந்த மாத தொடக்கத்தில், சமந்தாவின் கிளிப் வைரலானது, அதில் நாக சைதன்யாவுடனான விவாகரத்து வதந்திகளைப் பற்றி கேட்ட ஒரு நிருபருக்கு சமந்தா பதிலடி கொடுத்திருந்தார்.

மறுபுறம், நாக சைதன்யா ஒரு சமீபத்திய பேட்டியில், அவரது தனிப்பட்ட வாழ்க்கை பற்றிய வதந்திகள் அவரை காயப்படுத்தினதா என்பது பற்றி பேசினார். நாக சைதன்யா ஃபிலிம் கம்பானியனிடம் “ஆமாம், ஆரம்பத்தில், அது கொஞ்சம் வேதனையாக இருந்தது. நான் நினைத்தேன் 'பொழுதுபோக்கு ஏன் இந்த வழியில் செல்கிறது?' ஆனால் அதன் பிறகு கற்றுக்கொண்டது என்னவென்றால் இன்றைய காலகட்டத்தில், ஒரு செய்தி இன்னொரு செய்தியை மறைக்கும். என்று கூறினார்.

மேலும், “இது மக்களின் மனதில் அதிக நேரம் தங்காது. உண்மையான செய்திகள், முக்கியமான செய்திகள் இருக்கும். ஆனால் மேலோட்டமான செய்திகள், TRP களை உருவாக்க பயன்படும் அந்த செய்திகள் மறந்துவிடும். இந்த கவனிப்பை நான் செய்தவுடன், அது என்னை பாதிப்பதை நிறுத்தியது. என்றும் நாக சைதன்யா கூறினார்.

சமந்தா மற்றும் சைதன்யா 2017 ல் திருமணம் செய்து கொண்டனர்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Tamil Cinema Samantha Ruth Prabhu Naga Chaitanya
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment