போற போக்குல கொளுத்தி போட்ட சந்தானம்; கடைசி நேரத்தில் விஜய் படத்துக்கு வந்த சிக்கல்: என்ன நடந்தது தெரியுமா?

தளபதி விஜய் தற்போது ஜனநாயகன் என்ற திரைப்படத்தில் நடித்து வருகின்றார். ஹெச்.வினோத் இப்படத்தை இயக்க அனிருத் இப்படத்திற்கு இசையமைத்து வருகின்றார். மேலும் பூஜா ஹெக்டே இப்படத்தில் நாயகியாக நடிக்கின்றார். பீஸ்ட் படத்திற்கு பிறகு மீண்டும் விஜய்யுடன் இணைந்து பூஜா ஹெக்டே இப்படத்தில் நடித்து வருகின்றார்.

இந்நிலையில் விஜய் தற்போது ஒரு நடிகராக மட்டுமல்லாமல் அரசியல் கட்சி தலைவராகவும் இருக்கின்றார். ஜனநாயகன் படத்தில் வெளிப்படையாகவே தன் அரசியல் கருத்துக்களை கூறுவார் என எதிர்பார்க்கப்படுகின்றது. இதனால் ஜனநாயகன் படத்தில் சில சர்ச்சைகள் வெடிக்கலாம் என தெரிகின்றது. இருப்பினும் இது விஜய்க்கு ஒன்னும் புதிதல்ல.

அவரின் பல படங்கள் மிகப்பெரிய சர்ச்சைகளை சந்தித்துள்ளன. அதில் ஒன்று தான் தலைவா திரைப்படம். ஏ.எல் விஜய் இயக்கத்தில் தளபதி விஜய் நடித்த படம் தான் தலைவா. 

இப்படம் 2013 ஆம் ஆண்டு திரையில் வெளியானது. இதுவரை விஜய் படங்களில் அதிகளவில் பிரச்சனையை சந்தித்த படம் என்றால் அது தலைவா தான். கிட்டத்தட்ட அந்த பிரச்சனையால் பத்து நாட்களுக்கு மேல் இப்படம் வெளியாகாமல் இருந்தது.

அரசியல் சார்ந்த பிரச்சனை என்பதால் படம் வெளியாவதில் மிகப்பெரிய சிக்கல் எழுந்தது. அதன் பிறகு ஒருவழியாக பத்து நாட்கள் கழித்து இப்படம் திரையில் வெளியானது.

இந்நிலையில் தலைவா படம் திரையில் வெளியான பிறகு சந்தானத்திடம் விஜய், எல்லாம் நீ சொன்ன ஒரு வசனத்தால் தான் இவ்ளோ பிரச்சனையும் என்றாராம்.

தலைவா படத்தில் சந்தானம் ஒரு காட்சியில், அரசியலுக்கு வர எல்லா தகுதியும் உனக்கு இருக்கு என் சொல்வாராம். நீ போற போக்குல ஒரு வசனத்தை சொல்லிட்ட, அதனால எவ்ளோ பிரச்சனை தெரியுமா ? என விஜய் சந்தானத்திடம் சொன்னதாக சந்தானம் ஒரு பேட்டியில் சிரிப்புடன் பேசியுள்ளார்.

இந்நிலையில் என்னதான் தலைவா படம் மிகப்பெரிய சர்ச்சையிலும் பிரச்சனையிலும் சிக்கினாலும் இப்படம் தான் பெரும்பாலான விஜய் ரசிகர்களை அவரின் வெறியர்களாக மாற்றியது என்றே சொல்லலாம். அந்தளவிற்கு தலைவா படத்தின் பிரச்சனையில் விஜய் ரசிகர்கள் தளபதிக்கு ஆதரவாக திரண்டார்கள் என்பது குறிப்பிடத்தக்கது.