அமைதிப்படை படத்துக்கு போட்ட பாட்டு, ஆனா என்‌ படத்துக்கு வச்சிட்டோம்; சீமான் சொன்ன சூப்பர் ஹிட் பாடல் இதுதான்!

இயக்குநர், நடிகர் என பன்முகத் தன்மை கொண்ட சீமான் அரசியல்வாதியாகவும் வலம் வருகிறார். முன்னதாக இயக்குநர் ஆக வேண்டும் என்ற ஆசையில் கல்லூரி படிப்பை முடித்துவிட்டு சீமான் திரைத்துறையில் நுழைந்தார்.

மணிவண்ணன், பாரதிராஜா ஆகியோரிடம் உதவி இயக்குநராக பணியாற்றினார். இவர்களின் ஒரு சில படங்களுக்கு வசனகர்த்தாவாகவும் இருந்துள்ளார். சீமான் இயக்கத்தில் வெளியான ‘பாஞ்சாலங்குறிச்சி’ திரைப்படம் பெரும் வெற்று பெற்றது.

தொடர்ந்து, இவர் இயக்கத்தில் வெளியான ’இனியவளே’, ‘ வீரநடை’ போன்ற படங்கள் தோல்வியை சந்தித்தது.இதையடுத்து நீண்ட இடைவேளைக்கு பிறகு கடந்த 2006-ஆம் ஆண்டு சீமான் இயக்கத்தில் மாதவன், வடிவேலு முதன்மை பாத்திரத்தில் நடித்து வெளியான ‘தம்பி’ திரைப்படம் வெற்றி பெற்றதுடன் சீமானுக்கு பெயரையும் பெற்று தந்தது.

மீண்டும் அதே ஆண்டில் மாதவன் நடிப்பில் வெளியான ‘வாழ்த்துக்கள்’ திரைப்படம் பெரும் தோல்வியை சந்தித்தது. இதையடுத்து, சீமான், ‘மாயாண்டி குடும்பத்தார்’, ’பொறி’, ’பள்ளிக்கூடம்’, ’எவனோ ஒருவன்’, ’மகிழ்ச்சி’ போன்ற திரைப்படங்களில் நடித்துள்ளார். மாயாண்டி குடும்பத்தார் படத்தில் பாடல் ஒன்றையும் பாடியுள்ளார்.

இந்நிலையில், இசையமைப்பாளர் இளையராஜா ‘அமைதிப்படை’ படத்திற்கு போட்ட பாடலை தன் படத்தில் பயன்படுத்தியதாக சீமான் நேர்காணல் ஒன்றில் கூறியுள்ளார். அவர் பேசியதாவது, “இளையராஜா, மணிவண்ணனிடம் நான் இசையமைக்கவில்லை என்று என்னை திட்டினாயாமே என்று கேட்டார். அதற்கு அவர் ஆமா என்றார். 

மீண்டும் இளையராஜா நான் இசையமைக்கமாட்டேன் என்று இப்போது கூறினாள் என்ன செய்வாய் என்று கேட்டதற்கு மணிவண்ணன் மீண்டும் திட்டுவேன் என்றார். இளையராஜா சொன்ன நேரத்திற்கு சரியாக வருவார். அப்போது மணிவண்ணன் ’அமைதிப்படை’ கதையை சொன்னார். 

பின்னர் ஒரு காட்சியை விவரித்துவிட்டு ஒரு பாட்டு வேண்டும் என்றார். உடனே அந்த இடத்தில் இசையமைப்பாளர் இளையராஜா உடனே மெட்டமைத்துவிட்டார். ‘சங்கிலிய போட்டுபுட்டோம். தங்ககிளிக்கு சங்கிலிதான்’ என்ற பாடலை மெட்டமைத்தார்.” என்றார்.

View this post on Instagram

A post shared by மாண்புமிகு மக்கள் (@tamilpeople_offl)

இயக்குநரும், நடிகருமான மணிவண்ணன் 50-க்கும் மேற்பட்ட படங்களை இயக்கியுள்ளார். இவர் 1994-ஆம் ஆண்டு சத்யராஜ் நடிப்பில் வெளியான ‘அமைதிப்படை’ திரைப்படத்தை இயக்கினார். இப்படம் ரசிகர்கள் மத்தியில் நல்ல வரவேற்பை பெற்றது மட்டுமல்லாமல் நடிகர் சத்தியராஜ் கெரியருக்கு மிகப்பெரிய திருப்புமுனையாக அமைந்தது.