என்‌ பெயர் எனக்கு பிடிக்கல, மாத்த நினைக்கும் போது தான் இந்த சீரியல் வாய்ப்பு கிடைத்தது; மனம் திறந்த விஜய் டிவி நடிகை

விஜய் டிவியில் ஒளிபரப்பான வரும் 'மோதலும் காதலும்' தொடரில் வேதா என்ற கதாபாத்திரத்தில் நடித்து ரசிகர்களின் மனதில் இடம்பிடித்த நடிகை அஸ்வதி, சமீபத்தில் அளித்த பேட்டி ஒன்றில் பல சுவாரசியமான தகவல்களைப் பகிர்ந்துள்ளார். அதிலும் குறிப்பாக, தனக்கு சொந்தப் பெயர் பிடிக்காததால் அதனை மாற்ற நினைத்தபோதுதான் இந்த சீரியல் வாய்ப்பு கிடைத்தது என அவர் மனம் திறந்து பேசியது பலரையும் ஆச்சரியப்பட வைத்துள்ளது.

'மோதலும் காதலும்' தொடரில் இணைவதற்கு முன்பாக, அஸ்வதி மலையாளம் மற்றும் தெலுங்கு மொழித் தொடர்களிலும் பணியாற்றியுள்ளார். தனது ஆரம்பக்காலப் பணி அனுபவம் பற்றிப் பேசிய அவர், தான் ஒரு ஆசிரியராக இருந்தபோது தனது முதல் மாத சம்பளமாக வெறும் 250 ரூபாய் வாங்கியதைப் பற்றிய நினைவுகளையும் பகிர்ந்துகொண்டார்.இந்தப் பேட்டியில், 'மோதலும் காதலும்' தொடரில் தனது 'வேதா' கதாபாத்திரம் பற்றியும், அதற்காக அவர் எவ்வாறு தேர்ந்தெடுக்கப்பட்டார் என்பது பற்றியும் அஸ்வதி விரிவாகப் பேசினார்.

இந்தத் தொடரில் தான் ஏற்று நடித்த ‘வேதா’ கதாபாத்திரம், தன்னிச்சையாகச் செயல்படும் சுபாவம் கொண்டது என்று அவர் விவரித்தார். இந்தத் தொடரில் நடிக்கும் வாய்ப்பு கிடைத்தது குறித்துப் பேசிய அஷ்வதி, இதற்கு முன்பு மலையாளம் மற்றும் தெலுங்கு மொழிகளில் வேறு ஒரு தொடரில் நடித்துக்கொண்டிருந்ததாகவும், அப்போது தயாரிப்பாளர்கள் தனது புகைப்படங்களைப் பார்த்துவிட்டு, இந்தத் தொடருக்கான வாய்ப்பை வழங்கியதாகவும் தெரிவித்தார். இந்த நேர்காணல், அஷ்வதியின் கலைப் பயணம் மற்றும் அவரது நடிப்புத் திறனுக்கு ஒரு சான்றாக அமைந்தது. 

மோதலும் காதலும் சீரியலில் நடித்த பிறகு வேதா என்ற பெயர் தனக்கு மிகவும் பிடித்ததாகவும் அதை மாற்ற முயற்சி செய்ததாகவும் தெரிவித்தார். ஆனால் அது முடியாததால் தனது யூடியூப் பக்கத்திற்கு லைஃப் ஆஃப் வேதா என்று பெயர் வைத்ததாகவும் கூறினார்.

தனிப்பட்ட ஆசைகள் மற்றும் கனவுகள் பற்றிப் பேசிய அஸ்வதி, எதிர்காலத்தில் நல்ல கதைக்களங்கள் கொண்ட திட்டங்களில் நடிக்க வேண்டும் என்றும், தனது குடும்பத்தினருடனும் அன்பானவர்களுடனும் தரமான நேரத்தைச் செலவிட வேண்டும் என்றும் விரும்புவதாகத் தெரிவித்தார். அஷ்வதி தற்போது ‘ஹார்ட் பீட்’ சீரிஸில் நடித்து வருகிறார். அதில் மானசா என்ற கதாப்பாத்திரத்தில் நடித்து வருகிறார்.