போலீஸ் கெட்டப்பில் கம்பீரம்... புது படத்தின் அப்டேட் : நடிகை ரச்சிதா வைரல் க்ளிக்ஸ்

தமிழ் சின்னத்திரையின் முன்னணி சீரியல் நடிகையான ரச்சிதா மகாலட்சுமி போலீஸ் உடையில் வெளியிட்டுள்ள புகைப்படங்கள் இணையத்தில் வைரலாகி வரும் நிலையில், அவரின் அடுத்த படத்திற்காக பலரும் வாழ்த்துக்களை தெரிவித்து வருகின்றனர்.

விஜய் டிவியின் சரவணன் மீனாட்சி தொடர் மூலம் ரசிகர்கள் மத்தியில் வரவேற்பை பெற்றவர் ரச்சிதா மகாலட்சுமி. தொடர்ந்து நாம் இருவர் நமக்கு இருவர் உள்ளிட்ட பல சீரியல்களில் நடித்தார்.

சீரியல் மூலம் பிரபலமான அவர், ஒரு கட்டத்தில் கன்னட பட வாய்ப்பு காரணமாக சீரியலில் இருந்து விலகி திரைப்படத்தில் நடித்து வந்தார். இந்த படப்பிடிப்பு முடிந்தவுடன் மீண்டும் சின்னத்திரைக்கு என்டரி ஆனார்.

ரீ-என்டரியில் ரச்சிதா ஜீ தமிழ் சீரியலில் ஒரு குழந்தைக்கு அம்மாவாக நடித்து வந்தார். சின்னத்திரை மட்டுமல்லாமல், உப்புக்கருவாடு உள்ளிட்ட சில படங்களில் நாயகியாகவும் நடித்துள்ளார்.

சின்னத்திரை நடிகர் தினேஷ் என்பவரை திருமணம் செய்துக் கொண்ட ரச்சிதா மகாலட்சுமி, கருத்து வேறுபாடு காரணமாக அவரை பிரிந்து வாழ்ந்து வருகிறார்.

சமூகவலைதளங்களில் ஆக்டீவாக இருந்து வரும் ரச்சிதா மாடர்ன் உடையில் வெளியிட்டுள்ள சில புகைப்படங்கள் இன்ஸ்டாகிராம் பக்கத்தில் வைரலாகி வருகிறது.

பிக்பாஸ் நிகழ்ச்சிக்கு பின் மெய்நிகரே என்ற படத்தில் நடித்து வந்த ரச்சிதா மகாலட்சுமி தற்போது தனது அடுத்த படத்திற்காக தயாராகி வருகிறார்.

எக்ஸ்ட்ரீம் என்று பெயரிடப்பட்டுள்ள இந்த படத்தில் ரச்சிதா மகாலட்சுமி போலீஸ் அதிகாரியாக நடித்துள்ளார். சஸ்பென்ஸ் த்ரில்லர் பாணியில் இந்த படம் தாயராகி வருகிறது.

இந்த படத்தில் போலீஸ் அதிகாரியாக நடித்துள்ள ரச்சிதா தனது இன்ஸ்டாகிராம் பக்கத்தில் போலீஸ் உடையுடன் வெளியிட்டுள்ள சில புகைப்படங்கள் இணையத்தில் வைரலாகி வருகிறது.