ஷாருக்கான் வெப்ப வாதத்தால் பாதிப்பு; மருத்துவமனையில் அனுமதி

கொல்கத்தா நைட் ரைடர்ஸ் மற்றும் சன் ரைசர்ஸ் ஐதராபாத் அணிகள் இடையேயான ஐ.பி.எல் போட்டியில் கலந்து கொள்வதற்காக ஷாருக்கான் செவ்வாய்க்கிழமை அகமதாபாத்தில் இருந்தார். நடிகர் ஹாருக்கான் வெப்ப வாதத்தால் பாதிக்கப்பட்டு மருத்துவமனையில் அனுமதிக்கப்பட்டதாக கூறப்படுகிறது.

ஆங்கிலத்தில் படிக்க: Shah Rukh Khan admitted to Ahmedabad hospital after heatstroke, wife Gauri Khan arrives

பாலிவுட் நடிகர் ஷாருக்கான் புதன்கிழமை வெப்ப பக்கவாதத்தால் பாதிக்கப்பட்டு அகமதாபாத்தில் உள்ள மருத்துவமனையில் அனுமதிக்கப்பட்டதாக பி.டி.ஐ செய்தி நிறுவனம் செய்தி வெளியிட்டுள்ளது. கொல்கத்தா நைட் ரைடர்ஸ் மற்றும் சன்ரைசர்ஸ் ஐதராபாத் அணிகளுக்கு இடையே செவ்வாய்க்கிழமை நடைபெற்ற ஐ.பி.எல் போட்டியில் நடிகர் ஷாருக்கான் கலந்துகொண்டபோது இது நடந்ததாக தகவல்கள் தெரிவிக்கின்றன. ஐ.பி.எல் தொடரின் முதல் பிளேஆஃப் போட்டி இது.

“நடிகர் ஷாருக்கான் வெப்ப வாதத்தால் பாதிக்கப்பட்டு ஆமதாபாத்தில் உள்ள மருத்துவமனையில் அனுமதிக்கப்பட்டுள்ளார்” என்று காவல்துறையின் அறிக்கையை பி.டி.ஐ செய்தி நிறுவனம் பகிர்ந்து கொண்டது. எஸ்.ஆர்.கே நகரில் உள்ள மல்டி ஸ்பெஷாலிட்டி கே.டி மருத்துவமனையில் நடிகர் ஷாருக்கான் அனுமதிக்கப்பட்டுள்ளதாகவும் பி.டி.ஐ செய்தி நிறுவனம் செய்தியைப் பகிர்ந்துள்ளது.

நடிகர் ஷாருக்கான் தனது குழந்தைகளான அப்ராம் மற்றும் சுஹானாவுடன் போட்டியில் கலந்து கொண்டார். இந்த போட்டியின் போது நடிகைகள் அனன்யா பாண்டே மற்றும் ஷனாயா கபூர் ஆகியோரும் கலந்து கொண்டனர். இந்த போட்டி அகமதாபாத்தில் உள்ள நரேந்திர மோடி மைதானத்தில் நடைபெற்றது.

சன் ரைசர்ஸ் ஐதராபாத் அணிக்கு எதிரான போட்டியில் ஷாருக்கான் அணி கொல்கத்தா நைட் ரைடர்ஸ் அணி செவ்வாய்க்கிழமை வெற்றி பெற்றது. இந்த வெற்றிக்குப் பிறகு நடிகர் ஷாருக்கான் உற்சாகமாக இருந்தார். கொல்கத்தா நைட் ரைடர்ஸ் அணியின் வெற்றிக்குப் பிறகு, ஷாருக்கான் மற்றும் அவரது குடும்பத்தினர் மைதானத்தில் வெற்றிக் களிப்பில் இருந்தனர். இணையத்தில் சுற்றும் வீடியோக்களில் ஒன்று, ஷாருக்கான் மைதானத்தில் படமாக்கப்பட்ட போட்டிக்கு பிந்தைய நிகழ்ச்சியின் சட்டகத்திற்குள் நடப்பதைக் காட்டியது. சுஹானாவும் ஆப்ராமும் அவர்கள் சட்டகத்திற்குள் நடப்பதை உணர்ந்தபோது, ​​ஷாருக்கான் தனது ரசிகர்களைப் பார்த்து கை அசைத்து நடந்தார். ஆனால், நிகழ்ச்சிக்கு இடையூறு விளைவித்ததை உணர்ந்தவுடன் கைகளை கூப்பி மன்னிப்பு கேட்டார். இந்த ஐ.பி.எல் சீசன் முழுவதும் ஷாருக்கான் தனது அணிக்கு ஆதரவாக இருந்து வருகிறார்.

2023-ம் ஆண்டில் இரண்டு பிரம்மாண்ட வெற்றிகள் - பதான் மற்றும் ஜவான் மற்றும் டன்கி படங்களின் வெளியீடு ஆகியவற்றுடன் திரைப்படங்களில் ஒரு அற்புதமான ஆண்டிற்குப் பிறகு, ஷாருக்கான் தனது அடுத்த திரைப்படமான கிங்கை மகள் சுஹானா கானுடன் இந்த ஆண்டின் தொடக்கத்தில் தொடங்க திட்டமிட்டிருந்தார். முந்தைய பேட்டியில், ஷாருக்கான் படத்தில் "வயதுக்கு ஏற்ற" பாத்திரத்தில் நடிப்பதாக கூறியிருந்தார். ஆனால் படம் குறித்த கூடுதல் விவரங்கள் இன்னும் காத்திருக்கின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“