சினிமாவில் வந்தது எல்லாம் டப்பிங் தான்; இதுதான் சில்க் ஸ்மிதா ஒரிஜினல் குரல்: த்ரோபேக் வீடியோ வைரல்!

80-களில் முன்னணி கவர்ச்சி நடிகையாக வலம் வந்த சில்க் ஸ்மிதா தனது நடிப்பால் மட்டும் இல்லாமல், தனது கவர்ச்சியாக குரலின் மூலமும் ரசிகர்களின் கவனத்தை ஈர்த்தவர். ஆனால் அவர் தனது சொந்த குரலில் பேசவில்லை. மலையாள படங்களில் அறிமுகமான வண்டிச்சக்கரம் என்ற படத்தின் மூலம் தமிழ் சினிமாவில் அறிமுகமானவர் சில்க் ஸ்மிதா.

சில்க் ஸ்மிதா தொடர்ந்து ஒரு சில படங்களில் நடிகையாக நடித்து இருந்த இவர், முன்னணி நடிகர்களின் படங்களில், கவர்ச்சி நடனம் மற்றும் முக்கிய கேரக்டர்களில் நடித்திருந்தார். தமிழ், தெலுங்கு, மலையாளம், இந்தி உள்ளிட்ட மொழிகளில் பல படங்களில் நடித்துள்ளார் சில்க் ஸ்மிதா. இவருக்கு இன்றளவும் நிறைய ரசிகர்கள் உள்ளன

90 காலகட்டத்தில் தமிழ் சினிமாவில் தவிர்க்க முடியாத நடிகையாக வலம் வந்த சில்க் சுமிதா ஒரு சில படங்களில் நாயகியாகவும் நடித்துள்ளார். சினிமாவில் உச்சத்தில் இருந்த சில்க் ஸ்மிதா, கடந்த 1996-ம் ஆண்டு சென்னையில் தற்கொலை செய்துகொண்டார். அவர் இறந்து இத்தனை வருடங்கள் கடந்தாலும், அவரைப்பற்றி ரசிகர்கள் சமூகவலைதளங்களில் நாள்தோறும் கருத்துக்களை பகிர்ந்து வருகினறனர் இன்றளவும் ரசிகர்கள் பேசிககொண்டுதான் இருக்கிறார்கள்.

அந்த வகையில் அவரை பற்றிய ஒரு வீடியோ தற்போது இணையத்தில் வைரலாகி வருகிறது. பல படங்களில் கவர்ச்சி வேடங்களில் நடித்தும் ஒரு பாடலுக்கு நடனமும் ஆடியுள்ள சில்க் ஸ்மிதா, படத்தில் தன் சொந்த குரலில் பேசி இருக்க மாட்டார். அவருடைய உண்மையான குரல் நிறைய பேருக்கு தெரியாது. ஆனால் அவர் பழைய மேடை நிகழ்ச்சி ஒன்றில் பேசிய வீடியோ ஒன்று திஸ் இஸ் தமிழ் யூடியூப் பக்கத்தில் வெளியாகியுள்ளது.

அந்த வீடியோவில் 'ஸ்டார் நைட்' நிகழ்ச்சியில் கலந்துகொள்வதில் மகிழ்ச்சியாக இருப்பதாக சில்க் ஸ்மிதா கூறுயிருக்கிறார்.  சில்க் ஸ்மிதாவின் வசனங்களுக்கு மற்றவர்கள் பின்னணி பேசியதால், அவரது அசல் குரலைக் கேட்பது அரிது. இந்த அரிய தருணத்தை நினைவுகூரும் வகையில் இந்த வீடியோ  வெளியாகியுள்ளது. அவரின் படங்களில் இருக்கும் குரலுக்கு அவருடைய உண்மையான குரலுக்கு நிறைய வித்தியாசங்கள் உள்ளது.