Advertisment

Singappenney Single: நீண்ட காத்திருப்பை பூர்த்தி செய்த ‘சிங்கப் பெண்ணே’ பாடல்!

Singappenney Single: பாடலின் லிரிக் வீடியோ வெளியாகும் என எதிர்பார்க்கப்பட்ட நிலையில், ஏ.ஆர்.ரஹ்மான் பாடும் முழு பாடலும் வெளியானது.

author-image
WebDesk
புதுப்பிக்கப்பட்டது
New Update
thalapathy vijay bigil, bigil special show

பிகில்

Bigil 1st single: நடிப்பு, காமெடி, அதிரடி, நடனம், பாடல், சார்மிங் என ரசிகர்களின் எதிர்பார்ப்புகளை பூர்த்தி செய்து, அவர்களின் மனதில் கம்பீரமாய் வீற்றிருக்கிறார் நடிகர் விஜய்.

Advertisment

விஜய் பற்றிய ஒவ்வொரு செய்தியையும் பெரியளவில் டிரெண்ட் செய்வது விஜய் ரசிகர்களின் வழக்கம். குறிப்பாக அவரின் ஒவ்வொரு பட அறிவிப்புகள் வெளியாகும் போதும், அந்தப் படம் ரிலீஸாகி பாக்ஸ் ஆஃபிஸ் கலெக்‌ஷன் விபரம் வரை ஒவ்வொன்றையும் டிரெண்ட் செய்வார்கள் ரசிகர்கள். இதனால் ட்விட்டரே விஜய் சம்பந்தமான ஹேஷ் டேக்குகளால் நிரம்பி வழியும்.

அப்படியான ஒரு சம்பவம் தான் இன்னும் சில மணி நேரங்களில் நடக்கவிருக்கிறது. ஆம்! நடிகர் விஜய் தற்போது நடித்துக் கொண்டிருக்கும் ‘பிகில்’ திரைப்படத்தின் ஃபர்ஸ்ட் சிங்கிள் இன்று வெளியாவதாக ஏற்கனவே அறிவிக்கப்பட்டிருக்கிறது. ஆனால் ’சிங்கப்பெண்ணே’ எனத் தொடங்கும் அந்தப் பாடல் எத்தனை மணிக்கு வெளியாகும், என்ற விபரத்தை சொல்லாமல், ரசிகர்களிடையே பரபரப்பை கிளப்பினர் படக்குழுவினர். இதனால் எப்போது வேண்டுமானாலும் பாடல் வெளியாகலாம் என்ற எதிர்பார்ப்பு நிலவியது, அதனால் காலையில் இருந்தே ட்விட்டரை குத்தகைக்கு எடுத்துவிட்டனர் விஜய் ரசிகர்கள்.

அதோடு ‘எப்ப சார் சிங்க பெண்ணே சிங்கிள் ரிலீஸ் பண்ணுவீங்க?’ என்ற ரீதியில் தயாரிப்பு நிறுவனத்திடம் கேள்வி எழுப்பி, அதையும் டிரெண்ட் செய்தனர். இதில் மீம்ஸ்களுக்கும் பஞ்சமில்லை என்றே சொல்லலாம்.

இதுமட்டுமல்ல #டைம்சொல்லுடாஅர்ச்சு என்ற ஹேஷ் டேக்கில், ‘பிகில்’ படத்தின் கிரியேட்டிவ் தயாரிப்பாளரான அர்ச்சனா கல்பாத்தியிடம், ‘சிங்கப்பெண்ணே’ பாடல் வெளியாகும் நேரம் என்ன  என்பதையும் கேட்டு ஜாலியாக ரகளை செய்தனர்.

இருப்பினும் 'பிகில்' படம் அறிவிக்கப்பட்டது தொடங்கி, ஃபர்ஸ்ட் லுக் போஸ்டர் மற்றும் ஏனைய அறிவிப்புகளும் மாலை 6 மணிக்கு தான் வெளியாகின. ஆகையால் ’சிங்கப்பெண்ணே’ பாடலும் மாலை 6 மணிக்கு வெளியாகும் என்ற எண்ணமும் ரசிகர்களிடம் இருந்தது. ஆனால் அதுவும் நடக்கவில்லை.

விஜய்யின் 63-வது படமான ‘பிகில்’ படத்தை இயக்குநர் அட்லீ இயக்கியிருக்கிறார். விஜய்யுடன் இணைந்து நயன்தாரா, கதிர், இந்துஜா உள்ளிட்டோர் நடித்திருக்கிறார்கள். ஏ.ஜி.எஸ் நிறுவனம் தயாரித்திருக்கும் இந்தப் படத்திற்கு இசைப்புயல் ஏ.ஆர்.ரஹ்மான் இசையமைத்திருக்கிறார்.

இந்நிலையில், இப்படத்தின் தயாரிப்பாளர் அர்ச்சனா கல்பாத்தி தனது ட்விட்டரில், 'START WAITING'என்று பதிவிட்டிருந்தார். அதைத் தொடர்ந்து நேற்று இரவு 10 மணிக்கு ‘சிங்கப் பெண்ணே’ பாடல் வெளியானது. பாடலின் லிரிக் வீடியோ வெளியாகும் என எதிர்பார்க்கப்பட்ட நிலையில், ஏ.ஆர்.ரஹ்மான் பாடும் முழு பாடலும் வெளியானது. ஆங்காங்கே விஜய்யின் படங்களும் இடம் பெற்றது. முழு எனர்ஜியுடன் ரஹ்மான் பாடும் இந்தப் பாடல், அம்மா, மனைவி, மகள், தோழி என பெண்களுக்கு டெடிகேட் செய்யும் வகையில் அமைந்துள்ளது!

Actor Vijay A R Rahman Atlee
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment