‘Su From So’ OTT release: பிரச்சனைக்கு பயந்து ஆவி புகுந்தது போல் நடிப்பு... கொஞ்சம் ஹாரர், நிறைய காமெடி கலந்த படம்!

சமீபகாலமாகவே கன்னட சினிமாக்கள் ரசிகர்களை அதிகம் ஈர்த்து வருகிறது. ‘கே.ஜி.எஃப்’, ‘காந்தாரா’ போன்ற மிரட்டலான படங்களை கொடுத்து ரசிகர்களை திக்குமுக்காட வைத்தது. படம் என்றால் இப்படி இருக்க வேண்டும் என்று ரசிகர்கள் கூறும் அளவிற்கு கன்னட படங்கள் குறைந்த பட்ஜெட்டில் படுஜோராக ரிலீஸானது.

அந்த வரிசையில், தற்போது இடம் பிடித்துள்ள படம் தான் 'சு ஃப்ரம் சோ'. சுலோச்சனா ஃப்ரம் சோமேஸ்வரா என்பதம் சுருக்கம் தான் ‘சு ஃப்ரம் சோ'. ஜேபி துமிநாட் இயக்கத்தில் வெளியான இப்படம் 50 நாட்களில் எடுக்கப்பட்டதாக கூறப்படுகிறது. படம் உண்மை சம்பவத்தை அடிப்படையாக வைத்து எடுக்கப்பட்டதாக கூறப்படுகிறது. அதாவது, படத்தோட  ஹீரோ ஒரு பிரச்சனையில் மாட்டிக் கொள்கிறார். அதில் இருந்து தப்பிப்பதற்காக தான் மேலே ஆவி வந்தது மாறி நடிக்கிறார்.

யாரு அந்த ஆவினு பாத்தா ரொம்ப நாள் முன்னாடி செத்து போன ஒரு பொண்ணோட அம்மா ஆவி புகுந்தது மாதிரி நடிக்கிறார். இதுனால அந்த கிராமத்தில் இருக்கும் மக்கள் கிட்ட ஒரு பதட்டமான, பயமான சூழல் உருவாகிறது. இறுதியில்  உண்மை என்ன என்பது பற்றி கூறுவது தான் இந்த படத்தின் கதைக்களம்.

ஒரு பக்கம் மத நம்பிக்கைகளை கேலி செய்யும் இப்படம் பெண்கள் மீதான பாலியல் வன்கொடுமைகளை சீரியஸாக பேசியுள்ளதாக கூறப்படுகிறது. ரூ.6 கோடி பட்ஜெட்டில் உருவான இப்படம் இந்திய அளவில் ரூ.90 கோடிக்கும் அதிகமாக வசூல் செய்துள்ளதாகவும் உலக அளவில் ரூ .120 கோடிக்கு மேல் வசூல் செய்துள்ளதாகவும் கூறப்படுகிறது.

ஜூலை 25-ஆம் தேதி திரையரங்குகளில் வெளியான இப்படம் ரசிகர்களிடம் நல்ல வரவேற்பை பெற்றது. திரையரங்குகளில் பார்க்கத் தவறியவர்கள் எப்படா ஓடிடியில் வரும் என்று எதிர்பார்த்து காத்துக் கொண்டிருந்தனர். அவர்களுக்கு உற்சாகமளிக்கும் விதமாக ‘Su From So' படத்தின் ஓடிடி ரிலீஸ் தேதி அறிவிக்கப்பட்டுள்ளது. அதன்படி, இப்படம் ஜியோ ஹாட்ஸ்டார் ஓடிடி தளத்தில் வெளியாகியுள்ளது. கன்னடம், தெலுங்கு, மலையாளம் மொழிகளில் மட்டும் வெளியாகியுள்ளது. தமிழ் ரீமேக் ரைட்ஸ் வாங்கியதால் இந்த படம் தமிழில் வெளியாகவில்லை என்று கூறப்படுகிறது.

ரசிகர் கருத்து

இப்படம் குறித்து ரிவியூ வெளியிட்ட ரசிகர் ஒருவர் இப்படியும் ஒரு சம்பவம் நடந்திருக்கானு ஆச்சர்யமாக இருந்தது. எங்கயோ போன கதைய எங்கயோ கொண்டு போய் ஹேப்பியா முடிச்சிட்டாங்கா என்று மகிழ்ச்சியுடன் பதிவிட்டிருந்தார்.