'வம்சம்' பவானியின் இந்த சேலஞ்ச் உங்களுக்கு புடிச்சிருக்கா?

Tamil Viral Video News: சன் டிவியில் ஒளிபரப்பாகும் வம்சம் சீரியலில் நடித்துவரும் பவானி வித்தியாசமான சேலஞ்ச் வீடியோ ஒன்றை வெளியிட்டுள்ளார். வம்சம் பவானியின் இந்த வித்தியாசமான சேலஞ்ச் வீடியோ உங்களுக்கு பிடித்திருக்கிறதா பாருங்கள்.

விஜய் டிவியில் ஒளிபரப்பான சின்னத்தம்பி சீரியலில் நாயகியாக நடித்து பிரபலமானவர் நடிகை பவானி. இதையடுத்து சன் டிவியில் ஒளிபரப்பாகும் வம்சம் சீரியலில் நடித்து வருகிறார். பவானி சில ஆண்டுகளுக்கு முன்பு பிரதீப் என்பவரை திருமணம் செய்துகொண்டார். ஆனால், பிரதீப் குடும்ப பிரச்னை காரணமாக 2017-ம் ஆண்டு தற்கொலை செய்துகொண்டார். எல்லா சோகங்களையும் கடந்து பவானி சீரியலில் வெற்றிகரமாக நடித்து வருகிறார்.

கொரோனா அச்சுறுத்தலால் அமலில் உள்ள இந்த பொது முடக்க காலத்தில், சினிமா நடிகர்கள், நடிகைகள், பிரபலங்கள் சமூக ஊடகங்களில் பல்வேறு வகையான வித்தியாசமான உடற்பயிற்சி சவால்களை செய்து வீடியோவாக வெளியிட்டு வருகின்றனர்.

 

View this post on Instagram

 

So I was challenged by @anandjoy and @amitajoy #challengeaccepted #tomhollandchallenge #tomhollandchallenge????????‍♂️ #tshirtchallenge2020 #fitlife #fitgirls ????????‍♀️????????‍♀️

A post shared by Pavani Reddy (@pavani9_reddy) on Apr 17, 2020 at 9:32am PDT

அந்த வரிசையில், வம்சம் சீரியல் நடிகை பவானி, தலை கீழாக நின்று டீ சர்ட் அணியும் சேலஞ்சை செய்து வீடியோவை இன்ஸ்டாகிராமில் வெளியிட்டுள்ளார்.

இந்த வீடியோவில், நடிகை பவானி ஸ்போர்ட்ஸ் உடை அணிந்து சுவரில் இரு கால்களையும் மேலே தூக்கி வைத்துக் கொண்டு கைகளால் ஊன்றி நின்றுகொண்டு டீ சர்ட்டை அணிகிறார்.

பவானியின் வீடியோ சமூக ஊடகங்களில் நெட்டிசன்களை ஈர்த்து வருகிறது. இதற்கு முன்பு, நடிகை ரகுல் ப்ரீத் சிங் இதே போல தலைகீழாக நின்று டீ சர்ட் அணியும் சேலஞ்ச் வீடியோவை வெளியிட்டார். தற்போது அந்த வரிசையில், சீரியல் நடிகை பவானியும் இடம்பெற்றுள்ளார்.