சூர்யா சமீபத்தில் கச்சிபௌலியில் உள்ள ஏ.எம்.பி சினிமாஸில் தனது கங்குவா படத்திற்கான பத்திரிகையாளர் சந்திப்புக்கு ஏற்பாடு செய்தார். அப்போது சூர்யா தனது ரசிகர்களை நோக்கி உணர்ச்சிவசப்பட்டு பேசினார். இந்த நிகழ்வின் வீடியோக்கள் தற்போது இணையத்தில் வெளியாகியுள்ளன.
ஆங்கிலத்தில் படிக்க: Watch: Suriya stops security from pulling away his fan, holds out his arm dramatically and asks, ‘Is my blood different than yours?’
இரண்டு வருட இடைவெளிக்குப் பிறகு, சூர்யா நடித்துள்ள கங்குவா திரைப்படம் பெரிய திரைக்கு வருகிறது. நடிகர் சூர்யா, சமீபத்தில் ஹைதராபாத்தில் நடந்த ஒரு நிகழ்ச்சியில் கலந்து கொண்டார், அங்கு அவரது ரசிகர்கள் ஆயிரக்கணக்கான தமிழ் சினிமா நட்சத்திரத்தைப் பார்க்கத் திரண்டனர். நடிகர் நந்தமுரி பாலகிருஷ்ணாவின் டாக் ஷோவின் எபிசோடில் படப்பிடிப்பிற்காக தனது படத்தை விளம்பரப்படுத்த சென்றார். அதைத் தொடர்ந்து கச்சிபௌலியில் உள்ள ஏ.எ.ம்பி சினிமாஸில் செய்தியாளர் சந்திப்பு நடந்தது. அந்த நேரத்தில், அவரது ரசிகர்கள் அந்த இடத்தில் கூடினர், இதனால் சூர்யா அங்கே இருந்து வெளியேறுவது கடினமாகியது.
இந்நிலையில், ரசிகர் ஒருவர் சூர்யாவுடன் செல்ஃபி எடுக்க விரும்பும் வீடியோ இணையத்தில் வெளியாகியுள்ளது. வீடியோவில், ஒரு ரசிகர் நட்சத்திரத்துடன் செல்ஃபி எடுக்க தீவிரமாக விரும்புவதைக் காணலாம், அதே நேரத்தில் அவரது பாதுகாவலர் ரசிகர்கள் கும்பலில் சிக்கியிருந்த நடிகர் சூர்யாவுகு வழி ஏற்படுத்துவதற்கு அவரை இழுத்துச் சென்றார். பாதுகாவலரை நிறுத்தி, தனது ரசிகரின் போனை வாங்கி அவருடன் செல்ஃபி எடுத்தார். இறுதியில், சூர்யா அந்த இடத்தை விட்டு வெளியேறினார்.
பத்திரிக்கையாளர் சந்திப்பில், சூர்யா 2006 ஆம் ஆண்டு வெளியான சில்லுனு ஒரு காதல் படத்தின் காட்சியைப் பிரதிபலிப்பதன் மூலம் தனது ரசிகர்களிடம் தனது அன்பை வெளிப்படுத்தினார். பின்னர், அவரது கையை வியத்தகு முறையில் நீட்டிய சூர்யா, “எனது இரத்தமும் உங்களுடைய ரத்தமும் வேறா?” என்று கேட்டார்.
நடிகர் தனது ரசிகர்களுக்காக ஒரு உணர்ச்சிகரமான உரையை நிகழ்த்தினார், “எனது படம் திரையரங்குகளில் ரிலீஸ் ஆகி இரண்டு வருடங்களுக்கு மேல் ஆகிவிட்டது, ஆனால் சூர்யா சன் ஆஃப் கிருஷ்ணன் மீண்டும் வெளியிடும்போது, நீங்கள் அனைவரும் அதைப் பார்க்கச் சென்றீர்கள். உங்கள் அன்பைப் பார்த்து கண்ணீர் வந்தது. இது உண்மையில் நிறைய பொருள் பொதிந்தது. நாம் அனைவரும் இரத்தத்தால் இணைக்கப்பட்டிருப்பதாக உணர்கிறேன், இந்த பந்தம் மிகவும் சிறப்பு வாய்ந்தது.” என்று பேசினார்.
சிவா இயக்கத்தில் உருவாகியுள்ள கங்குவா திரைப்படத்தில், சூர்யாவுடன் பாபி தியோல் மற்றும் திஷா பதானி ஆகியோர் முக்கிய வேடங்களில் நடித்துள்ளனர். இத்திரைப்படம் இரண்டு வெவ்வேறு காலக்கட்டங்களில் உருவாக்கப்பட்டுள்ளது என்று கூறப்படுகிறது. இந்த படத்தில் நடிகர் சூர்யா ஒரு போர்வீரனாகவும் நவீன மனிதனாகவும் நடித்துள்ளார். எஸ்.எஸ். ராஜமௌலியின் 2009-ம் ஆண்டு வெளியான மகதீரா திரைப்படத்தில் இருந்து இந்த படம் எடுக்கப்பட்டதாக கூறப்படுகிறது. நவம்பர் 14-ம் தேதி கங்குவா திரைப்படம் திரையரங்குகளில் வெளியாக உள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2024/10/25/PDu62l7BttaRLEjhQdiT.jpg)