லோகேஷ் கனகராஜின் இயக்கத்தில், கார்த்தி நடிப்பில் 2019-ல் வெளியாகி மிகப்பெரிய வெற்றியடைந்த திரைப்படம் 'கைதி'. ஒருபுறம் வசூல் சாதனை படைத்ததோடு மட்டுமல்லாமல், லோகேஷ் கனகராஜின் கனவுத் திட்டமான எல்.சி.யூக்கு (லோகேஷ் சினிமாடிக் யுனிவர்ஸ்) அடித்தளமிட்ட படமாகவும் அமைந்தது.
கார்த்தி, நரேன், அர்ஜூன் தாஸ் உள்ளிட்ட பலர் நடித்திருந்த இந்தப் படத்தில், கார்த்தியின் மகள் அமுதா என்ற கேரக்டரில் குழந்தை நட்சத்திரமாக நடித்தவர் மோனிகா சிவா. திரையில் ஒரு சில காட்சிகள் மட்டுமே அவர் நடித்திருந்தாலும், தனது உணர்ச்சிகரமான நடிப்பால் ரசிகர்களின் மனதில் ஆழமாகப் பதிந்தார். அதே சமயம், 'கைதி' படத்திற்கு முன்பே, குழந்தை நட்சத்திரம் மோனிகா சிவா தனது நடிப்பால் பலரையும் கவர்ந்தவர்.
2018-ல் வெளியான 'ராட்சசன்' படத்தில் விஷ்ணு விஷாலுடன் இணைந்து அவர் நடித்திருந்தது ரசிகர்களிடையே நல்ல வரவேற்பைப் பெற்றது. இளம் வயதிலேயே ஒரு திறமையான குழந்தை நட்சத்திரமாக அவர் அனைவரிடமும் பாராட்டுக்களை பெற்றிருந்தார். அதற்கு முன்பு 2017-ல் விஜய் நடித்த 'பைரவா' படத்திலும் நடித்திருந்த மோனிகா சிவா, விஜய், கார்த்தி, விஷ்ணு விஷால் போன்ற தமிழ் சினிமாவின் முன்னணி நட்சத்திரங்களுடன் இணைந்து பணியாற்றியதன் மூலம் அறியப்பட்டார்.
'சங்கு சக்கரம்' (2017), 'ஆன் தேவதை' (2018), மற்றும் 'பெட்ரோமாக்ஸ்' (2019) போன்ற பல படங்களில் நடித்துள்ள மோனிகா சிவா கடந்த, 2023-ல் வெளியான 'எறும்பு' திரைப்படத்தில் முக்கிய கேரக்டரில் நடித்திருந்தார். இந்த படத்தில் அவரது நடிப்பு மேலும் பாராட்டைப் பெற்றது. தமிழ் சினிமா தாண்டி, மலையாள திரையுலகிலும் கால் பதித்த மோனிகா சிவா, 2021-ல் மம்மூட்டியுடன் இணைந்து 'தி ப்ரீஸ்ட்' என்ற படத்திலும் நடித்திருக்கிறார்.
தற்போது தனது பதின்ம வயதில் இருக்கும் மோனிகா சிவா, சமூக வலைத்தளங்களில், குறிப்பாக இன்ஸ்டாகிராமில் மிகவும் ஆக்டிவாக இருக்கிறார். அவரது தற்போதைய புகைப்படங்களைப் பார்க்கும் ரசிகர்கள், 'கைதி' படத்தில் நடித்த அந்தக் குட்டிப் பெண்ணா இது என ஆச்சரியத்துடன் கருத்து தெரிவிக்கின்றனர். அவரது அசத்தலான தோற்ற மாற்றம் பலரையும் வியப்பில் ஆழ்த்தியுள்ளது.
லோகேஷ் கனகராஜ் அடுத்த ஆண்டு 'கைதி 2' படத்தை இயக்கவுள்ள நிலையில், மோனிகா சிவா அந்தப் படத்தின் தொடர்ச்சியில் மீண்டும் இணைவார் என்பதற்கு வலுவான அறிகுறிகள் உள்ளன. எதிர்காலத்தில் அவர் இன்னும் முக்கியமான மற்றும் பெரிய கதாபாத்திரங்களில் நடிக்கத் தயாராக இருக்கிறார் என்றும் ரசிகர்கள் மத்தியில் எதிர்பார்ப்பு கிளம்பியுள்ளது. மோனிகா சிவாவின் இந்த வளர்ச்சி தமிழ் சினிமாவுக்கு ஒரு நல்ல அடையாளம்!
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/07/10/mounica-siva-2025-07-10-13-39-07.jpg)