மோனிகா பாட்டு பாடுங்க... வற்புறுத்திய ஆண்களுக்கு ஆண்ட்ரியா பாடிய நோஸ்கட் பாடல்!

தென்னிந்திய சினிமாவின் முன்னணி நடிகையாக, வலம் வரும் ஆண்ட்ரியா, நிகழ்ச்சி ஒன்றில் பங்கேற்றபோது அவரை கூலி படத்தில் வரும் மோனிகா பாடலை பாடுமாறு கூறியுள்ளனர். ஆனால் அவர் வேறு பாடல் பாடி ஆண்டுகளுக்கு பதிலடி கொடுத்துள்ளார்.

2005-ம் ஆண்டு வெளியான கண்ட நாள் முதல் படத்தின் மூலம் தமிழில் அறிமுகமானவர் ஆண்டரியா. தொடர்ந்து 2007-ம் ஆண்டு சரத்குமார் நடிப்பில் வெளியான பச்சைக்கிளி முத்துச்சரம் என்ற படத்தில் நாயகியாக நடித்தார். அதனைத் தொடர்ந்து ஆயிரத்தில் ஒருவன், மங்காத்தா, விஸ்வரூபம், அரண்மனை, துப்பறிவாளன், வட சென்னை உள்ளிட்ட பல படங்களில் முக்கிய கேரக்டரில் நடித்தார். நடிப்பு மட்டுமல்லாமல், பாடகி, டப்பிங் ஆர்டிஸ்ட், உள்ளிட்ட பன்முக திறமை கொண்ட ஆண்டரியா ரியாலிட்டி ஷோக்களிலும் பங்கேற்றுள்ளார்.

காமலினி முகர்ஜி, டாப்சி, எமி ஜாக்சன், இலியானா, உள்ளிட்ட சில நடிகைகளுக்கு குரல் கொடுத்துள்ள ஆண்டரியா தற்போது பிசாசு 2 மாளிகை, கா உள்ளிட்ட பல படங்களில் நடித்து வருகிறார். இதில் மிஷ்கின் இயக்கத்தில் இவர் நடித்துள்ள பிசாசு 2 படம் விரைவில் வெளியாக உள்ளது. இதில் விஜய் சேதுபதி முக்கிய கேரக்டரில் நடித்துள்ளார். சமூக வலைதளங்களில் ஆக்டீவாக இருக்கும் ஆண்டரியா அவ்வப்போது புகைப்படம் மற்றும் வீடியோக்களை வெளியிட்டு வருகிறார். மேலும் அவ்வப்போது பொது நிகழ்ச்சிகளிலும் பங்கேற்று வருகிறார்.

இந்நிலையில், நடிகை ஆண்ட்ரியா, நிகழ்ச்சி ஒன்றில் பங்கேற்றிருந்தபோது அங்கிருந்த ஆண்கள் பலரும், அவரை பாடல் பாடுமாறு கூறியுள்ளனர். ஆனால் ஆண்ட்ரியா பாட முடியாது என்ற மறுத்தாலும் அவர்கள் விடுவதாக இல்லை. குறிப்பாக கூலி படத்தில் வரும், மோனிகா பாடலை பாடுமாறு ஆண்கள் பலரும் கேட்கின்றனர். முதலில் கையெடுத்து கும்பிட்டு பாட முடியாது என்ற மறுக்கும் ஆண்டரியா, இங்கிருந்துவர்கள் உங்களுக்கு பிடித்த பாடலை பாடுங்கள் என்று சொல்லவே 4 வரிகள் தான் பாடுவேன் என்ற சொல்லி ஒரு பாடலை பாடியுள்ளார்.

பாட்டுப்பாடி செருப்பால அடிச்ச தருணம் 😂😄🤣 pic.twitter.com/MGxv7cdCiQ

— Swetha™ (@SwethaLittle_) August 21, 2025

அந்த பாடல் புஷ்பா படத்தில் வரும் ஹம் சொல்றீயா மாமா’ பாடல். முதலில் சேலை சேலை என தொடங்கிய ஆண்ட்ரியா, இறுதியாக ஹம் சொல்றியா மாமா என்பதை சொல்லாமல் அடுத்த லைன் உங்களுக்கே தெரியும் என்ற முடித்துவிட்டார். மோனிகா பாடலை பாட முடியாது என்று சொன்ன ஆண்ட்ரியா, பாடல் பாட சொல்லி கேட்ட ஆண்கள் கூட்டத்திற்கு இந்த பாடல் மூலம் பதிலடி கொடுத்துள்ளார்.