Advertisment

விஜய்யின் ''கோட்'' படத்தில் எதிர்நீச்சல் நடிகை... உறுதி செய்த புகைப்படம் : வைரல் க்ளிக்

எதிர்நீச்சல் சீரியலில் முக்கிய கேரக்டரில் நடித்து வரும் நடிகை, விஜயின் கோட் படத்தில் நடிக்க உள்ளதாக தகவல் வெளியாகியுள்ள நிலையில், தற்போதைய புகைப்படம் அதை உறுதிப்படுத்தியுள்ளது.

author-image
WebDesk
New Update
Goat Movie Vijay

விஜய் ''கோட்''

Listen to this article
0.75x 1x 1.5x
00:00 / 00:00

எதிர்நீச்சல் சீரியலில் ஈஸ்வரி கேரக்டரில் நடித்து வரும் நடிகை கனிகா விஜயின் கோட் படத்தில் முக்கிய கேரக்டரில் நடிக்க உள்ளதாக தகவல் வெளியாகியுள்ள நிலையில், படத்தின் இயக்குனர் வெங்ட் பிரபுவுடன் எடுத்துக்கொண்ட புகைப்படத்தை கனிகா தனது இன்ஸ்டாகிராம் பக்கத்தில் பதிவிட்டுள்ளார்.

Advertisment

மதுரையில் பிறந்த கனிகா திவ்யா வெங்கடசுப்பிரமணியம் என்ற இயற்பெயர் கொண்டவர். மதுரையில் பிரபலமான பள்ளியொன்றில் படித்த கனிகா, மாநில அளவிலான கல்விக்கான விருதினைப் பெற்றுள்ளார். ராஜஸ்தானில் உள்ள பிர்லா அறிவியல் மற்றும் தொழில்னுட்ப நிறுவனத்தில் இயந்திரவியல் படித்த கனிகா பல இசைப் போட்டிகளில் கலந்து கொண்டுள்ளார். சென்னையில் நடைபெற்ற மிஸ் சென்னை என்ற போட்டியில் பங்கேற்றுள்ளார்.

இந்த போட்டியே இவர் திரைத்துறைக்கு வரக் காரணமாக இருந்தது. தமிழ், தெலுங்கு, மலையாளம், கன்னடம் என தென்னிந்திய சினிமாவில் நடிகையாக வலம் வரும் கனிகா சசி கணேசன் இயக்கத்தில் வெளியான ஃபைவ் ஸ்டார் படத்தில் ஈஸ்வரி கதாபாத்திரத்தில் அறிமுகமானா இவர், அஜித்தின் வரலாறு சேரனின் ஆட்டோகிராப் படத்தில் நடித்திருந்தார். இதில் ஆட்டோகிராஃப் படத்தில் இறுதிக்கட்சியில் வந்தாலும், ரசிகர்கள் மத்தியில் நீங்க இடம் பிடித்திருந்தார்.

தமிழ் திரைப்படங்களைவிட மலையாளத்தில் அதிகம் நடித்துள்ள கனிகா, சின்னத்திரையின் முக்கிய சீரியல்களில் ஒன்றாக எதிர்நீச்சல் சீரியலில் ஈஸ்வரி என்ற கேரக்டரில் நடித்து வருகிறார். சீரியலில் நடித்தாலும், சினிமாவிலும் கவனம் செலுத்தி வரும் நடிகை கனிகா, கடந்த ஆண்டு தமிழில் யாதும் ஊரே யாவரும் கேளீர், வெப்பன், உள்ளிட்ட படங்களில் நடித்திருந்தார். அதேபோல் நடிகைகளுக்கு டப்பிங் குரலும் கொடுத்து வருகிறார்.

இதனிடையே வெங்கட் பிரபு இயக்கத்தில் விஜய் நடித்து வரும் கோட் படத்தில் கனிகா நடித்து வருவதாக தகவல் வெளியாகி வந்த நிலையில், அதனை உறுதிப்படுத்தும் விதமாக இயக்குனர் வெங்கட் பிரபுவுடன் எடுத்துக்கொண்ட புகைப்படத்தை தனது இன்ஸ்டாகிராம் பக்கத்தில் வெளியிட்டுள்ள கனிகா, அருமையான மனிதர் அவருடன் பணியாற்றுவது சிறப்பானது என்று பதிவிட்டுள்ளார். இந்த பதிவு தற்போது வைரலாகி வரும் நிலையில், விஜயுடன் கனிகாக நடிக்கிறார் என்று கூறி வருகின்றனர்.

அதே சமயம், சச்சின் படத்தில் ஜெனிலியா, அந்நியன் படத்தில் சதா, சிவாஜி படத்தில் ஸ்ரேயா ஆகியோருக்கு டப்பிங் குரல் கொடுத்துள்ள கனிகா இந்த படத்தில் நடிக்கிறாரா அல்லது டப்பிங் குரல் கொடுத்துள்ளாரா என்பது குறித்து உறுதியான தகவல் எதுவும் வெளியாகவில்லை என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Thalapathy Vijay kaniha
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment