அது என் தவறுதான், இப்போது நான் அதை செய்யவில்லை; ரசிகரின் கேள்விக்கு சமந்தா ஓபன் டாக்!

தென்னிந்திய சினிமாவின் முன்னணி நடிகையாக இருப்பவர் சமந்தா. விஜய், சூர்யா விக்ரம் உள்ளிட்ட முன்னணி நடிகர்கள் பலருடன் இணைந்து நடித்துள்ள இவர், சென்னை பல்லாவரத்தை சேர்ந்தவர்.

மாடலிங்கில் ஈடுபட்டு வந்த இவர் அதர்வா நாயகனாக அறிமுகமான பானா காத்தாடி படத்தின் மூலம் நாயகியாக அறிமுகமானார். இந்த படம் அவருக்கு நல்ல அறிமுகத்தை கொடுத்தது.

அதன்பிறகு கத்தி படத்தில் விஜய், அஞ்சான் படத்தில் சூர்யா, 10 எண்றதுக்குள்ள படத்தில் விக்ரம் உள்ளிட்ட முன்னணி நடிகர்களுடன் நடித்த சமந்தா, தமிழில் கடைசியாக காத்து வாக்குல ரெண்டு காதல் படததில் நடித்திருந்தார்.

தமிழ் மட்டுமல்லாமல் தெலுங்கிலும் முன்னணி நடிகர்களுடன் இணைந்து நடித்த சமந்தா, நடிகர் நாக சைதன்யாவை காதலித்து திருமணம் செய்துகொண்ட நிலையில், கருத்து வேறுபாடு காரணமாக சில ஆண்டுகளில் பிரிந்தார்.

திருமண முறிவுக்கு பின் படங்களில் பிஸியாக நடித்து வரும் சமந்தா, இடையில், மயோசிடிஸ் என்ற நோய் தாக்குதலுக்கு உள்ளாகினார். இதற்காக சிகிச்சை பெற்று வந்த அவர் தற்போது உடல்நலம் தேறி வருகிறார்.

தி பேமிலி மேன் 2 வெப் சிரீஸ் மூலம் இந்தியில் அறிமுகமான சமந்தா தற்போது சிட்டாடல் என்ற வெப் தொடரில் நடித்து வருகிறார். இந்தியிலும் அவருக்கு வாய்ப்புகள் குவிந்து வருகிறது.

சமூகவலைதளங்களில் ஆக்டீவாக இருக்கும் சமந்தா தனது ஃபிட்னஸ் பயிற்சியாளருடன் இணைந்து டேக் 20 என்ற பெயரில் ஆரோக்கியம் தொடர்பான விஷயங்கள் குறித்து பேசி வருகிறார்.

அந்த வகையில் ஆரோக்கியமான உணவுகளை உட்கொள்வது, எந்த உணவுகளை தவிர்ப்பது என்பது குறித்து சமீபத்தில் பேசிய சமந்தாவிடம், ஒருவர், ஆரோக்கிமற்ற பிராண்ட் ஒன்றில் விளம்பர தூதராக சமந்தா இருந்தது குறித்து கேள்வி எழுபபியுள்ளார்.

கேள்விக்கு பதில் அளித்த சமந்தா, அது கடந்த காலத்தில் நான் செய்த தவறு. உண்மை தான் வேண்டுமென்றே செய்யவில்லை. தெரியாமல் செய்த தவறு.

உண்மை தெரிந்தபிறகு அதுபோன்ற விஷயங்களை விளம்பரப்படுத்தவதை முற்றிலும் நிறுத்திவிட்டேன். இப்போது விழிப்பான இருக்கிறேன் என்று கூறியுள்ளார்.