இனிமையான இயற்கை காட்சி... இந்த நடிகை யார்னு கண்டுபிடிங்க!

கடந்த 2010-ம் ஆண்டு தமிழில் வெளியான அவள் பெயர் தமிழரசி என்ற படத்தின் மூலம் சினிமாவில் அறிமுகமானவர் வித்யா பிரதீப். கேரளாவை சேர்ந்த இவர் அடுத்து விருந்தாளி என்ற படத்தில் நடித்திருந்தார்.

இந்த 2 படங்களுமே அவருக்கு கை கொடுக்கவில்லை. அதன்பிறகு தமிழில் சைவம், அதிபர், அச்சமின்றி, இரவுக்கு ஆயிரம் கண்கள் உள்ளிட்ட பல படங்களில் நடித்திருந்தார்.

மேலும் தனுஷின் மாரி படத்தில் கிருஷ்ணாவின் மனைவியாக நடித்திருந்த வித்யா பிரதீப், அருண்விஜய் நடிப்பில் பெரும் வெற்றிப்படமாக அமைந்த தடம் படத்தில் போலீஸ் அதிகாரியாக நடித்திருந்தார்.

முன்னாள் முதல்வர் ஜெயலலிதாவின் வாழ்க்கை வரலாறு திரைப்படமான தலைவி படத்தில் கெஸ்ட் ரோலில் நடித்திருந்த வித்யா பிரதீப், சித்திரை செவ்வானம், எண்ணி துணிக, டி3, உள்ளிட்ட பல படங்களில் நடித்துள்ளார்.

தற்போது யாதும் ஊரே யாவரும் கேளீர், இன்பினிட்டி, எகோ, அசுரகுளம், ஸ்ரிக்கர், தி புக் உள்ளிட்ட சில படங்களில் நடித்து வருகிறார். சமீபத்தில் வெளியான இவரின் கண்ணகி திரைப்படம் நல்ல விமர்சனங்களை பெற்று வருகிறது.

மேலும் சின்னத்திரையில் கடந்த 2018-ம் ஆண்டு தொடங்கிய நாயகி சீரியலின் லீடு ரோலில் நடித்திருந்த வித்யா பிரதீப், ஐ ஹேட், ஐ லவ் யூ என்ற வெப் தொடரிலும் நடித்துள்ளார்.

சமூகவலைதளங்களில் ஆக்டீவாக இருந்து வரும் வித்யா பிரதீப் அவ்வப்போது தனது புகைப்படங்கள் மற்றும் வீடியோக்களை வெளியிட்டு வருகிறார். அந்த வகையில் தற்போது வெளிநாடு சுற்றுலா சென்றுள்ள வித்யா பிரதீப் காடுகளில் இருந்து வெளியிட்டுள்ள புகைப்படங்கள் ரசிகர்கள் மத்தியில் கவனம் ஈர்த்து வருகிறது.