ஆற்றில் படகு சவாரி... ஊஞ்சலில் உற்சாகம் : பிக்பாஸ் பிரபலம் வைரல் க்ளிக்ஸ்

விஜய் டிவியில் பாரதி கண்ணம்மா சீரியலில் நடித்து வந்த ரோஷ்ணி ஹரிப்பிரியன் அந்த சீரியலில் இருந்து விலகியதை தொடர்ந்து கண்ணம்மாவாக நடித்தவர் வினுஷா தேவி.

சமூக வலைதளமான டிக்டாக்கில் டப்மாஷ் வீடியோ வெளியிட்டு வந்த வினுஷா தேவி, திமிரு படத்தில் வில்லியாக நடித்த ஸ்ரேயா ரெட்டி வேடத்தில் இவர் வெளியிட்ட வீடியோக்கள் ரசிகர்கள் மத்தியில் நல்ல வரவேற்பை பெற்றது.

சமூக வலைதளங்களில் மூலம் பிரபலமாகினாலும் பாரதி கண்ணம்மா முன்னணி சீரியல் நடிகையாக அவரை உயர்த்தியது. சினிமா மற்றும் சின்னத்திரையில் ஜொலிக்க நிறம் ஒரு தடையில்லை என்பதை பலருக்கும் உணர்த்தியவர் விணுஷா.

பாரதி கண்ணம்மா சீரியல் முடிவடைந்ததை தொடர்ந்து, அடுத்து அந்த சீரியலின் 2-ம் பாகம் வெளியானது. அதிலும் கண்ணம்மா வேடத்தில் வினுஷாவே நடித்து வந்தார்.

முதல் சீசனுக்கு கிடைத்த வரவேற்பு 2-ம் பாகத்திற்கு கிடைக்காத நிலையில், சில மாதங்களிலேயே பாரதி கண்ணம்மா 2 சீரியல் முடிவுக்கு வந்தது.

டிவி ரியாலிட்டி ஷோக்களில் பங்கேற்று வந்த வினுஷா தேவி, சமீபத்தில் முடிந்த பிக்பாஸ் நிகழ்ச்சியில் போட்டியாளராக பங்கேற்றார். இதில் அவர் வெளியேறிய பிறகு அவர் தொடர்பான சர்ச்சை வெடித்தது.

இதனிடையே சமூகவலைதளங்களில் ஆக்டீவாக இருக்கும் வினுஷா அவ்வப்போது புகைப்படங்கள் மற்றும் வீடியோக்களை வெளியிட்டு வருகிறார். அந்த வகையில் சமீபத்தில் இவர் வெளியிட்ட புகைப்படங்கள் வைரலாகி வருகிறது.