அர்ஜுனாறு வில்லு... தனித் திறமையில் அசத்தும் பிக்பாஸ் பிரபலம்; வைரல் வீடியோ!

பிக்பாஸ் நிகழ்ச்சியின் மூலம் சின்னத்திரை ரசிகர்கள் மத்தியில் வரவேற்பினை பெற்றிருந்த நடிகை மாயா கிருஷ்ணன், தனது திறமையை வெளிப்படுத்தும் வகையில் வெளியிட்டுள்ள வீடியோ பதிவு இணையத்தில் வைரலாகி வரும் நிலையில், நெட்டிசன்கள் பலரும் தங்களது கருத்துக்களை தெரிவித்து வருகின்றனர்.

சின்னத்திரையில், விஜய் டிவியின் பிக்பாஸ் நிகழ்ச்சிக்கு ரசிகர்கள் மத்தியில் நல்ல வரவேற்பு கிடைத்து வருகிறது. இந்த நிகழ்ச்சியின் மூலம் பலர் சின்னத்திரை மற்றும் வெள்ளித்திரையில் வாய்பினை பெற்று தற்போது முன்னணி நட்சத்திரமாக திகழ்ந்து வருகின்றனர். அந்த வகையில் பிக்பாஸ் நிகழ்ச்சியின் 7-வது சீசன் மூலம் பிரபலமானவர் மாயா கிருஷ்ணன்.

தென் தமிழகத்தின் மதுரையை சேர்ந்த இவர், ஏராளமான தியேட்டர் ஷோக்களில் நடித்து தனது நடிப்புத்திறமையை வளர்த்துக்கொண்டார். அதன்பிறகு 2015-ம் ஆண்டு வெளியான வானவில் வாழ்க்கை என்ற படத்தின் மூலம் தமிழ் சினிமாவில் அறிமுகமாக மாயா கிருஷ்ணன், தொடரி, மகளிர் மட்டும், வேலைக்காரன், 2.0, விக்ரம், லியோ உள்ளி்ட பல படங்களில் நடித்துள்ளார். இவரது நடிப்பில் அடுத்து ஃபைட்டர் ராஜா என்ற தெலுங்கு படம் வெளியாக உள்ளது.

கடந்த ஆண்டு நடைபெற்ற பிக்பாஸ் நிகழ்ச்சியின் 7-வது சீசனில் பங்கேற்றிருந்த இவர், தனக்கான ரசிகர்கள் பட்டாளத்தை உருவாக்கினார். நிகழ்ச்சியில் இவருக்கு ஆதரவும், அதே சமயம் விமர்சனங்களும் சமமாக வந்த நிலையில், தொகுப்பாளர் கமல்ஹாசன், இவருக்கு ஆதரவு அளிப்பதாகவும் தகவல்கள் வெளியானது. இறுதியில் இவர், சாம்பியன் பட்டம் வெல்வார் என்று எதிர்பார்க்கப்பட்ட நிலையில், 3-வது இடத்தை மட்டுமே பிடித்திருந்தார்.

சமூகவலைதளங்களில் ஆக்டீவாக இருக்கும் மாயா கிருஷ்ணன், தனது தனித்திறமையை வெளிப்படுத்தும் வகையில், பல புகைப்படங்கள் மற்றும் வீடியோக்களை வெளியிட்டு வருகிறார், அந்த வகையில் தற்போது, வில்வித்தை பயிற்சியில் இருக்கும் வகையில் மாயா கிருஷ்ணன் வெளியிட்டுள்ள புகைப்படங்கள் கவனம் ஈர்த்து வருகிறது. வில்வித்தை பயிற்சியில் சிறப்பாக செயல்பட்டுள்ளேன். இதற்கு முக்கிய காரணம் எனது சகோதரிகள் தான் என்று வீடியோ பதிவின் மூலம் தெரிவித்துள்ளார் மாயா.

View this post on Instagram

A post shared by Maya S Krishnan (@mayaskrishnan)

மாயா வெளியிட்டுள்ள இந்த வீடியோ அவரிடம் இருக்கும் மற்றொரு திறமையை வெளிப்படுத்தியுள்ள நிலையில், ரசிகர்கள் பலரும் அவருக்கு தங்களது பாராட்டுக்களையும், கருத்துக்களையும் பகிர்ந்து வருகின்றனர். இந்த பதிவு தற்போது வைரலாகி வருகிறது.