ஆளும் புதுசு... ஆட்டமும் புதுசு: இந்த சிரிப்புக்கு என்ன அர்த்தம்? பிக்பாஸ் 8 ப்ரமோ வைரல்!

கமல்ஹாசன் விலகியதை தொடர்ந்து விஜய் சேதுபதி பிக்பாஸ் நிகழ்ச்சியின் 8-வது சீசனை தொகுத்து வழங்க உள்ள நிலையில்,  தற்போது 8-வது சீசனுக்காக பிக்பாஸ் ப்ரமோ வெளியாகியுள்ளது. சென்ற இடமெல்லாம் சிறப்பு என்பதற்கு எதிர்பதமாக விஜய் சேதுபதி செல்லும் இடமெல்லாம் அவருக்கு அட்வைஸ் குவிந்து வருகிறது.

ரியாலிட்டி ஷோவுக்கு பெயர் பெற்ற விஜய் டிவியில், கடந்த 2017-ம் ஆண்டு முதல் பிக்பாஸ் நிகழ்ச்சி ஒளிபரப்பாகி வருகிறது. இந்நிகழ்ச்சி இதுவரை 7 சீசன்கள் முடிந்துள்ளது.  இந்த 7 சீசன்களையும் தொகுத்து வழங்கி வந்தவர் நடிகரும் மக்கள் நீதி மய்யம் கட்சியின் தலைவருமான கமல்ஹாசன். சமீபத்தில் பிக்பாஸ் நிகழ்ச்சியில் இருந்து விலகுவதாக அறிவித்திருந்தார்.

இதனையடுத்து பிக்பாஸ் நிகழ்ச்சியின் அடுத்த சீசனை யார் தொகுத்து வழங்குவார் என்ற எதிர்பார்ப்பு எழுந்த நிலையில், கடந்த சில நாட்களுக்கு முன்பு விஜய் சேதுபதி இந்நிகழ்ச்சியை தொகுத்து வழங்குவார் என்று அதிகாரப்பூர்வ அறிவிப்பு வெளியானது. இதனைத் தொடர்ந்து  விஜய் டிவி இதற்கான புதிய ப்ரமோவையும் வெளியிட்டிருந்தது. இந்த ப்ரமோ ரசிகர்கள் மத்தியில் வரவேற்பை பெற்றிருந்த நிலையில், விஜய் சேதுபதிக்கான ஆதரவும் பெருகியது.

இந்நிலையில், தற்போது பிக்பாஸ் நிகழ்ச்சியின் 8-வது சீசனுக்கான ப்ரமோ வெளியாகியுள்ளது. இதில் முதலில் கோட் சூட் போட்டுக்கொண்டு வரும் விஜய் சேதுபதியிடம் ஒருவர் சூப்பரா இருக்கு சார் என்று சொல்ல, இருவரும் காரில் பயணிக்கின்றனர். அப்போது டிரைவர் சார் உண்மையிலேயே ரெடி ஆகனும்னா. காரில் போனால் பத்தாது. ஊர்வலம் போக வேண்டும் என்று சொல்கிறார். இதனை ஏற்று விஜய் சேதுபதி பல இடங்களுக்கு செல்கிறார்.

பூங்காவில் வாங்கிங், காய்கரி மார்க்கெட், பீச் விளையாட்டு, சக மனிதர்களுடன் பஸ் பயணம், பட்ஜி கடை, சலூன் கடை செல்கிறார். இவர் செல்லும் இடம் எல்லாம் இவருக்கு அட்வைஸ் வந்து குவிகிறது. இதை கேட்டு இறுதியாக, ப்ரமோ முடிகிறது. முடிவில் மேடையில் ஏறவேண்டும் என்றால் முதலில் களத்தில் இறங்க வேண்டும். நம்ம இலக்கு என்னனு தெரிஞ்சிக்கனும். அதுக்கான கடினமாக உழைக்கனும். உங்க விருப்பமான ஷோ இன்னும் நெருக்கமா கொண்டு வருகிறேன் என்று விஜய் சேதுபதி சொல்ல ப்ரமோ முடிகிறது.

இந்த முறை ஆளும் புதுசு ஆட்டமும் புதுசு என்று சொல்லும் இறுதி டைலாக், மற்றும் அவரின் வில்லத்தனமாக சிரிப்பு தற்போது இணையத்தில் வைரலாகி வரும் நிலையில், பிக்பாஸ் நிகழ்ச்சியின் 8-வது சீசன் குறித்து எதிர்பார்ப்பும் அதிகரித்துள்ளது.