ராஜ்குமார் ஹராணி அடுத்த படம்: ஷாருக்கானுக்கு ஜோடியா சமந்தா? வைரல் போட்டோஸ்

பாலிவுட் இயக்குனர் ராஜ்குமார் ஹராணி இயக்கத்தில் ஷாருக்கான் நடிக்க உள்ள புதிய படத்தில் அவருக்கு ஜோடியாக சமந்தா நடிக்க உள்ளதாக தகவல்கள் வெளியாகி வரும் நிலையில், தற்போது சமந்தா தனது விடுமுறை கொண்டாட்ட புகைப்படங்களை வெளியிட்டு கவனம் ஈர்த்துள்ளார்.

தமிழ் மற்றும் தெலுங்கு சினிமாவின் முன்னணி நடிகையாக இருக்கும் சமந்தா, தி ஃபேமிலி மேன் 2 வெப் சிரீஸின் மூலம் பாலிவுட் திரையுலகில் அறிமுகமானார். இந்த வெப் சிரீஸ் தமிழகத்தில் பெரும் சலசலப்பை ஏற்படுத்தி இருந்தாலும், பெரிய வெற்றியை கொடுத்து சமந்தாவுக்கு பாலிவுட் சினிமாவில் பாராட்டுக்களை பெற்று கொடுத்தது. தற்போது சமந்தா சிட்டாடல் என்ற வெப் தொடரில் நடித்து வருகிறார்.

மேலும் அவர் நாயகிகளுக்கு முக்கியத்துவம் அளிக்கும் வகையில், நடித்த யசோதா, சகுந்தலம் ஆகிய படங்கள் தோல்வியை சந்தித்த நிலையில், கடந்த ஆண்டு விஜய் தேவரகொண்டாவுடன் சமந்தா நடித்த குஷி திரைப்படம் கலவையாக விமர்சனங்களை பெற்றிருந்தது. தற்போது சிட்டாடல் வெப் தொடரில் மட்டும் நடித்து வரும் சமந்தா, அடுத்து ஷாருக்கானுக்கு ஜோடியாக நடிக்க உள்ளதாக தகவல் வெளியாகி வருகிறது.

ராஜ்குமார் ஹராணி இயக்கத்தில் கடந்த ஆண்டு வெளியாக டன்கி படம் நல்ல வரவேற்பை பெற்று வசூலில் சாதனை படைத்திருந்தது. இந்த படத்தில் ஷாருக்கானுடன் டாப்சி நடித்திருந்தார். இதனைத் தொடர்ந்து ராஜ்குமார் ஹராணி அடுத்து இயக்கும் படத்தில் ஷாருக்கான் நாயகனாக நடிக்க உள்ளதாகவும், அவருக்கு ஜோடியாக சமந்தா நடிக்க உள்ளதாகவும் தகவல்கள் வெளியாகியுள்ளது. இது குறித்து அதிகாரப்பூர்வ அறிவிப்புக்காக ரசிகர்கள் காத்திருக்கின்றனர்.

View this post on Instagram

A post shared by Samantha (@samantharuthprabhuoffl)

இதனிடையே தற்போது விடுமுறை கொண்டாட, வெளிநாடு சென்றுள்ள சமந்தா பசுமையான பள்ளத்தாக்கில் இருந்து எடுத்துக்கொண்ட புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார். வாள் மற்றும் கேடயத்துடன் போஸ் கொடுத்துள்ள சமந்தா, படிக்கட்டில் நின்றுகொண்டு ஸ்டைலாக போஸ் கொடுத்துள்ளார். இந்த புகைப்படங்கள் தற்போது வைரலாகி வரும் நிலையில், பலரும் தங்களது கருத்துக்களை தெரிவித்து வருகின்றனர்.