பொழுதுபோக்கு

கோட் முதல் விடா முயற்சி வரை: அடுத்து வெளியாக உள்ள தமிழ் சினிமாவின் பெரிய படங்கள் லிஸ்ட்!

தமிழ் சினிமாவில் அடுத்து வெளியாக உள்ள பெரிய நடிகர்களின் படங்கள் குறித்து இந்த பட்டியலில் பார்ப்போம்.

Written by WebDesk

தமிழ் சினிமாவில் அடுத்து வெளியாக உள்ள பெரிய நடிகர்களின் படங்கள் குறித்து இந்த பட்டியலில் பார்ப்போம்.

WebDesk

20 Jul 2024 17:14 IST

New Update

1/9

தமிழ் சினிமா

தமிழ் சினிமாவில் ஒவ்வொரு ஆண்டும் 100-க்கு மேற்பட்ட படங்கள் வெளியாகி வருகிறது. இதில் ஒரு சில படங்களே ரசிகர்கள் மத்தியில் நல்ல வரவேற்பை பெற்று வசூலில் சாதனை படைத்து வருகிறது. அந்த வகையில் நடப்பு ஆண்டில் 6 மாதங்கள் முடிந்துள்ள நிலையில், ரசிகர்கள் மத்தியில் பெரிய எதிர்பார்ப்பை ஏற்படுத்தியுள்ள படங்களின் பட்டியலை பார்ப்போம்.

2/9

ராயன்

தனுஷுன் 50-வது படம் என்ற அடையாளத்துடன் தயாராகியுள்ள இந்த படத்தை தனுஷே இயக்கி நடித்துள்ளார். படத்தை சன் பிச்சர்ஸ் நிறுவனம் தயாரித்துள்ளது. ஏ.ஆர்.ரஹ்மான் இசையமைத்துள்ள இந்த படத்தில், வரலட்சுமி சரத்குமார், எஸ்.ஜே.சூர்யா, பிரகாஷ்ராஜ், சந்தீப் கிஷான், காளிதாஸ் ஜெயராம் உள்ளிட்ட பலர் நடித்துள்ளனர். சமீபத்தில் வெளியான இந்த படத்தின் டிரெய்லர் நல்ல வரவேற்பை பெற்றிருந்தது. ராயன் படம் ஜூலை 26-ந் தேதி வெளியாக உள்ளது.

3/9

வேட்டையன்

ஜெய்பீம் என்ற பெரிய வெற்றிப்படத்தை கொடுத்த இயக்குனர் டி.ஜே.ஞானவேல் இயக்கத்தில் ரஜினிகாந்த் நடித்துள்ள படம் வேட்டையன். பகத் பாசில், ராணா, மஞ்சுவாரியார், ரித்திகா சிங், உள்ளிட்ட பலர் நடித்துள்ள இந்த படத்திற்கு அனிருத் இசையமைத்துள்ளார். படப்பிடிப்பு முடிந்து இறுதிக்கட்ட பணிகளில் இருக்கும் வேட்யைன் படம் தீபாவளி தினத்தில் வெளியாகும் என்று எதிர்பார்க்கப்படுகிறது.

Advertisment

4/9

தங்கலான்

தமிழ் சினிமாவில் வித்தியாசமான நடிப்பின் மூலம் உச்சம் தொட்ட நடிகரான விக்ரம் நடிப்பில் பா.ரஞ்சித் இயக்கியுள்ள படம் தங்கலான். கோலார் தங்க சுரங்கத்தில் நடந்த உண்மை சம்பத்தை அடிப்படையாக வைத்து திரைக்கதை அமைக்கப்பட்டுள்ள இந்த படத்தில், பசுபதி, மாளவிகா மோகன் உள்ளிட்ட பலர் நடித்துள்ளனர். இந்த படம் சுதந்திர தினத்தை முன்னிட்டு வரும் ஆகஸ்ட் 15-ந் தேதி வெளியாக உள்ளது.

5/9

கங்குவா

சூர்யா நடிப்பில் பிரம்மாண்ட பொருட் செலவில் தயாராகியுள்ள முதல் படம் கங்குவா. பாலிவுட் நடிகர் பாபி தியோல் வில்லனாக தமிழில் அறிமுகமாகும் இந்த படத்தில், திஷா பதானி, யோகி பாபு, உள்ளிட்ட பலர் நடித்துள்ளனர். சூர்யா நடிப்பில் அதிக பட்ஜெட்டில் தயாராகியுள்ள இந்த படம் 10-க்கு மேற்பட்ட மொழிகளில் அக்டோபர் 10-ந் தேதி வெளியாக உள்ளதாக அறிவிக்கப்பட்டுள்ளது.

6/9

கோட்

வெங்கட் பிரபு இயக்கத்தில் விஜய் நடித்து வரும் படம் கோட். நடிப்பை விட்டு அரசியலில் இறங்க உள்ளதாக விஜய் அறிவித்துள்ளதால் அவர் அடுத்து நடிக்க உள்ள படங்கள் குறித்து ரசிகர்கள் மத்தியில் பெரிய எதிர்பார்ப்பு எழுந்துள்ளது. விஜயுடன் இணைந்து, பிரஷாந்த், பிரபுதேவா, அஜ்மல், உள்ளிட்ட பலர் நடித்துள்ள இந்த படத்திற்கு, யுவன் சங்கர் ராஜா இசையமைத்துள்ளார். வரும் செப்டம்பர் 5-ந் தேதி வெளியாகும் என்று அதிகாரப்பூர்வ அறிவிப்பு வெளியாகியுள்ளது.

Advertisment

அமரன்

இந்த படங்களுடன், சிவகார்த்திகேயன் நடிப்பில் தயாராகியுள்ள அமரன், பிரஷாந்த் நடிப்பில் தயாராகி கிடப்பில் கிடந்த அந்தகன், உள்ளிட்ட படங்களும் இந்த ஆண்டு வெளியாக உள்ளதாக அறிவிக்கப்பட்டுள்ளது.

8/9

அந்தகன்

பிரஷாந்தின் அந்தகன் வரும் ஆகஸ்ட் 15-ந் தேதி வெளியாக உள்ளது. அதேபோல் அஜித் நடிப்பில் தயாராகி வரும் விடா முயற்சி திரைப்படம் நடப்பு ஆண்டில் வெளியாகுமா அல்லது அடுத்த ஆண்டு வெளியாகுமா என்ற கேள்வியை எழுப்பியுள்ளது.

9/9

விடா முயற்சி

மகிழ் திருமேனி இயக்கத்தில் அஜித் நடித்து வரும் விடா முயற்சி படத்தின் படப்பிடிப்பு அஜர்பைஜானில் நடைபெற்று வருகிறது. த்ரிஷா ஆருவ் ஆகியோர் முக்கிய கேரக்டரில் நடித்து வரும் இந்த படத்தை லைகா நிறுவனம் தயாரித்து வருகிறது.

Tamil Cinema News

Stay updated with the latest news headlines and all the latest Lifestyle news. Download Indian Express Tamil App - Android or iOS.