ரீ-ரிலீஸ் ஆகும் அஜித் ஹிட் திரைப்படம்: ரசிகர்களுக்கு இரட்டை தீபாவளி; எந்த படம்? எப்போ ரிலீஸ் தெரியுமா?

நடிகர் அஜித் நடிப்பில் கடந்த 2004-ம் ஆண்டு வெளியாகி பெரிய வெற்றியை பெற்ற, அட்டகாசம் திரைப்படம் ரீ-ரிலீஸ் செய்யப்பட உள்ளதாக தகவல் வெளியாகியுள்ள நிலையில், தீபாவளி முடிந்து 10 நாட்களுக்கு பிறகு ரிலீஸ் ஆகும் என்று கூறப்படுகிறது.

தமிழ் சினிமாவின் முன்னணி நடிகர்களில் முக்கியமானவர் அஜித்குமார். நடிப்பு மட்டும் இல்லாமல், துப்பாக்கி சுடுதல், பைக் மற்றும் கார் ரேஸ் உள்ளிட்ட விளையாட்டு போட்டிகளிலும் ஆர்வமாக இருந்து வருகிறார். தற்போது உலக கார் பந்தைய போட்டிகளில் தனது அணியுடன் பங்கேற்று வரும் அஜித், அடுத்த படத்தை தொடங்கும் பணிகளில் தீவிரமாக இறங்கியுள்ளார். இந்த ஆண்டு வெளியான விடா முயற்சி படம் சற்று சருக்கலை கொடுத்தது,

அதே சமயம் ஆதிக் ரவிச்சந்திரன் இயக்கத்தில் அஜித், த்ரிஷா நடிப்பில் வெளியான குட் பேட் அக்லி திரைப்படம், அஜித் ரசிகர்களுக்கு பெரிய அளவில் உற்சாகத்தை கொடுத்தது. இதனைத் தொடர்ந்து அஜித் நடிப்பில், அடுத்து தயாராகும் படத்தையும் ஆதிக் ரவிச்சந்திரனே இயக்க உள்ளதாக தகவல்கள் வெளியாகி வருகிறது. இதனிடையே தீபாவளி பண்டிகை ரிலீஸ் படங்கள் ஒன்றாக அறிவிப்பு வெளியாகி வரும் நிலையில், தீபாவளி முடிந்து 10 நாட்களுக்கு பிறகு அட்டகாசம் படம் ரீரிலீஸ் அக உள்ளதாக தகவல் வெளியாகியுள்ளது,

அஜித் நடிப்பில் காதல் மன்னன், அமர்களம் உள்ளிட்ட படங்களை இயக்கி வெற்றி கண்ட இயக்குனர் சரண், இயக்கத்தில் கடந்த 2004-ம் ஆண்டு வெளியான படம் அட்டகாசம். அஜித் ஜீவா, குரு என இரட்டை வேடங்களில் நடித்திருந்த இந்த படம் பெரிய வெற்றிப்படமாக அமைந்தது. இந்த படத்தில், அஜித்துடன் இணைந்து, பூஜா, சுஜாதா, பாபு ஆண்டனி, ரமேஷ் கண்ணா, கருணாஸ், உள்ளிட்ட பலர் நடித்திருந்தனர். பரத்வாஜ் இந்த படத்திற்கு இசையமைத்திருந்தார், படத்தின் பாடல்களும் நல்ல வரவேற்பை பெற்றிருந்தது.

குறிப்பாக தீபாவளி, தலா தீபாவளி பாடல் இன்றைக்கும் அஜித் ரசிகர்களின் பேவரெட் பாடலாக ஒளித்துக்கொண்டிருக்கிறது. கடந்த 2004-ம் ஆண்டு நவம்பர் 14-ந் தேதி வெளியான இந்த படம் வரும் அக்டோபர் 31-ந் தேதி ரீ-ரிலீஸ் ஆக உள்ளதாக தகவல் வெளியாகியுள்ளது. அக்டோபர் 20-ந் தேதி தீபாவளி பண்டியை கொண்டாடப்பட உள்ள நிலையில், பண்டிகை முடிந்து 10 நாட்கள் கழித்து அஜித் ரசிகர்களுக்கு மற்றொரு தீபாவளியாக இந்த படம் வெளியாக உள்ளது குறிப்பிடத்தக்கது.