மார்க் ஆண்டனி திரைப்படத்தின் மூலம் வெற்றிப்பட இயக்குனராக மாறியுள்ள ஆதிக் ரவிச்சந்திரன், அடுத்து அஜித் நடிக்கும் படத்தை இயக்கு உள்ளதாகவும் இந்த படத்திற்காக அஜித்க்கு பெரிய சம்பளம் பேசப்பட்டுள்ளதாகவும் தகவல் வெளியாகியுள்ளது.
2015-ம் ஆண்டு வெளியான த்ரிஷா இல்லனா நயன்தாரா என்ற படத்தின் மூலம் இயக்குனராக அறிமுகமானவர் ஆதிக் ரவிச்சந்திரன். அடல்ட் காமெடி படமாக வெளியான இந்த படம் ரசிகர்கள் மத்தியில் நல்ல வரவேற்பை பெற்றது. அடுத்து சிம்பு நடிக்கில் அன்பானவன் அசராதவன் அடங்காதவன் என்ற படத்தை இயக்கினார். இந்த படம் கடுமையாக விமர்சனங்களை சந்தித்தது.
அதனைத் தொடர்ந்து சமீபத்தில் வெளியான பஹீரா படத்தை இயக்கியிருந்த ஆதிக், விஷால் எஸ்.ஜே.சூர்யா நடிப்பில் மார்க் ஆண்டனி என்ற படத்தை இயக்கியுள்ளார். கடந்த மாதம் வெளியான இந்த படம் ரசிகர்கள் மத்தியில் நல்ல வரவேற்பை பெற்று வரும் நிலையில், இதுவரை 100 கோடிக்கு மேல் வசூலித்துள்ளதாக தகவல் வெளியாகி வருகிறது.
மார்க் ஆண்டனி படம் விஷாலுக்கு பெரிய கம்பேக் படமாக அமைந்துள்ள நிலையில், அடுத்து ஆதிக் ரவிச்சந்திரன் இயக்கும் படம் குறித்து எதிர்பார்ப்பு அதிகரித்துள்ளது. இதில் மார்க ஆண்டனி படத்தை தொடர்ந்து ஆதிக் அடுத்து அஜித் நடிக்கும் படத்தை இயக்க உள்ளதாக தகவல் வெளியாகியுள்ளது. துணிவு படத்திற்கு பிறகு விக்னேஷ் சிவன் இயக்கததில் நடிக்க இருந்த அஜித், அந்த படம் கைவிடப்பட்டதை தொடர்ந்து மகிழ் திருமேனி இயக்கத்தில் தற்போது நடித்து வருகிறார்.
இந்த படத்தின் படப்பிடிப்பு வெளிநாடுகளில் நடைபெற்று வரும் நிலையில், அடுத்து அஜித் தனது 63-வது படமாக ஆதிக் இயக்கத்தில் நடிக்க உள்ளார். தற்காலிகமாக ஏகு 63 என்று பெயரிடப்பட்டுள்ள இந்த படத்தை தயாரிப்பாளர் எல்ரெட் குமார் தயாரித்ததாகக் கூறப்படும் நிலையில், இந்த படத்திற்காக அஜித் குமார் 175 கோடி ரூபாய் சம்பளம் பெற உள்ளதாகவும் தகவல்கள் வெளியாகியுள்ளன.
இந்த தகவல் இன்னும் அதிகாரப்பூர்வமாக உறுதிப்படுத்தப்படாத நிலையில், மிகவும் எதிர்பார்க்கப்பட்ட இந்த படத்தை ஆதிக் ரவிச்சந்திரன் இயக்குவது பற்றிய வதந்திகள் ஏற்கனவே தீவிரமான விவாதங்களைத் தூண்டி, எதிர்பார்ப்பை அதிகப்படுத்தியுள்ளன. ஆதிக் ரவிச்சந்திரன் மற்றும் அஜித் குமார் இடையேயான கூட்டணி அஜித் குமாரின் புகழ்பெற்ற வாழ்க்கையில் மிக முக்கியமான படங்களில் ஒன்றாக மாறும் என்று ஊடகங்கள் கூறி வருகின்றன.
அஜித் நடித்த நேர்கொண்ட பார்வை திரைப்படத்தில் ஆதிக் ரவிச்சந்திரன் முக்கிய கேரக்டரில் நடித்திருந்தது குறிப்பிடத்தக்கது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/IPIqh0FCTd6ZxryVZzyC.jpg)