கோட் படத்தில் விஜயகாந்த் என்ன கேரக்டர்? கெஸ் பண்ணுங்க பார்க்கலாம்; கேப்டன் வைரல் க்ளிக்ஸ்

விஜய் நடித்து வரும் கோட் படம் பெரிய எதிர்பார்ப்புக்கு மத்தியில் நாளை வெளியாக உள்ள நிலையில், இந்த படத்தில் ஏ.ஐ.டெக்னாலஜி மூலம் விஜயகாந்த் நடித்துள்ளதாக அறிவிக்கப்பட்டுள்ளது.

லோகேஷ் கனகராஜ் இயக்கத்தில் லியோ படத்தை முடித்த தளபதி விஜய் அடுத்து வெங்கட் பிரபு இயக்கத்தில் தி கிரேட்டஸ்ட் ஆப் ஆல் டைம் என்ற படத்தில் நடித்துள்ளார்.

பழைய ஹீரோ மைக் மோகன் வில்லனாக நடித்துள்ள இந்த படத்தில், பிரபுதேவா, பிரஷாந்த், அஜ்மல், சினேகா, லைலா, உள்ளிட்ட பல முன்னணி நட்சத்திரங்கள் நடித்துள்ள இந்த படத்தில் விஜய், இரட்டை வேடத்தில் நடித்துள்ளார்.

மேலும், விஜய் 90-களில் இருந்தது போன்ற தோற்த்தில் நடித்துள்ள நிலையில், மறைந்த நடிகர் கேப்டன் விஜயகாந்த் இந்த படத்தில் ஏ.ஐ.டெக்னாலஜி மூலம் கொண்டுவர உள்ளதாக படக்குழு அறிவித்திருந்தனர்.

கோட் படத்தில் விஜயகாந்த் காட்சிக்காக அவரின் மனைவி பிரேமலதா மற்றும் மகன்கள், விஜய பிரபாகரன், சண்முகபாண்டியன் ஆகியோரிடம் படக்குழு அனுமதி பெற்று அதற்காக காட்சிகளை உருவாக்கும் பணியில் ஈடுபட்டிருந்தனர்.

இதனிடையே விஜயகாந்தை ஏ.ஐ.டெக்னாலஜி மூலம் கொண்டு வர அனுமதி கோரி யாரும் எங்களை அனுகவில்லை. எங்கள் அனுமதி இல்லாமல் இப்படி செய்தால் வழக்கு தொடர்வோம் என்று பிரேமலதா விஜயகாந்த் கூறியிருந்தார்.

பிரேமலதாவின் இந்த அறிவிப்பால் கோட் படத்தில் விஜயகாந்த் வருவரா இல்லையா என்ற கேள்வி எழுந்தாலும், படத்தின் மீதான எதிர்பார்ப்பு அதிகமாக இருந்தது. சமீபத்தில் வெளியான கோட் படத்தின் டிரெய்லர் பெரிய வரவேற்பை பெற்றிருந்தது.

இதனிடையே படத்தின் டிரெய்லர் வெளியானபோது படத்தில் விஜயகாந்த் இருக்கிறாரா என்று படத்தின் இயக்குனர் வெங்கட் பிரபுவிடம் பத்திரிக்கையாளர்கள் கேள்வி எழுப்பினர். ஆனால் அந்த கேள்விக்கு வெங்கட் பிரபு பதில் சொல்லாத நிலையில், கோட் படம் நாளை (செப்டம்பர் 5) வெளியாக உள்ளது. இதனிடையே தற்போது கோட் படத்தில் விஜயகாந்த் இருப்பதை உறுதி செய்துள்ள படக்குழு, அவரின் புகைப்படங்களை வெளியிட்டுள்ளனர்.

விஜயகாந்த் நடித்த பழைய படங்களில் இருந்து அவரின் உருவத்தை எடுத்து ஏ.ஐ.டெக்னாலஜியின் பயன்படுத்தியுள்ளனர். இந்த புகைப்படங்கள் தற்போது இணையத்தில் வைரலாகி வரும் நிலையில், மறைவுக்கு பின் விஜயகாந்த் ஸ்கிரீனில் தோன்றுவதால், அவர் தொடர்பான காட்சிகள் எப்படி வந்துள்ளது என்பதை பார்க்க ரசிகர்கள் ஆர்வத்துடன் இருக்கின்றனர்.