'எஜமானில் ரஜினி கேரக்டரை நான் பண்றேன்': ஏ.வி.எம்-ஐ மிரளவைத்த கவுண்டமணி

ரஜினிகாந்த் நடித்த எஜமான் படத்தில் நடிப்பதற்காக, கவுண்டமணியை கேட்டபோது, அவர் ரஜினியை என் கேரக்டரில் நடிக்க சொல்லுங்க. நான் ரஜினி கேரக்டரில் நடிக்கிறேன் என்று சொல்ல படக்குழு ஷாக் ஆகியுள்ளனர். கவுண்டமணி ஏன் அப்படி சொன்னார் என்பது குறித்து பார்ப்போம்.

இயக்குனர் ஆர்.வி.உதயகுமார் இயக்கத்தில் 1992-ம் ஆண்டு வெளியான படம் சின்னக்கவுண்டர். விஜயகாந்த் நடிப்பில் வெளியான இந்த படம பெரிய வெற்றிப்படமாக அமைந்த நிலையில், இந்த படத்தை பார்த்து வியந்த ரஜினிகாந்த், அதே மாதிரியான ஒரு கதைக்களத்தில் நடித்த படம் தான் எஜமான். ரஜினிகாந்த் மீனா, நெப்போலியன், மனோரமா, நம்பியார் உள்ளிட்ட பலர் நடித்திருந்த இந்த படத்தை ஆர்.வி.உதயகுமார் இயக்கியனார்.

இந்த படத்தில் செந்தில் கவுண்டமணி ஆகியோர் முக்கிய கேரக்டரில் நடித்திருந்த நிலையில்’ ஏ.வி.எம். நிறுவனம் படத்தை பிரம்மாண்டமாக தயாரித்திருந்தது. இந்த படத்தில் நடிப்பதற்காக கவுண்மணியிடம் ஏ.வி.எம். நிறுவனத்தினர் பேசியுள்ளனர். அப்போது அவர் சம்பளம் அதிகமாக கேட்டுள்ளார். இதை கேட்ட ஏ.வி.எம். நிறுவனம், அதிர்ச்சியாக, இயக்குனர் வி.சேகர் படத்தில் 24 நாளுக்கு இதே சம்பளம் தான் கொடுத்தார். அதனால் நீங்களும் கொடுங்கள் என்று கூறியுள்ளார்.

இது குறித்து ஏ.வி.எம். நிறுவனத்தினர் இயக்குனர் சேகரை தொடர்புகொண்டு கேட்டபோது, அவர், 5 லட்சம் சம்பளம் 35 நாட்கள் கால்ஷீட் என்று கூறியுள்ளார். அதன்பிறகு அதே சம்பளம் இங்கு கிடைக்குமா என்று ஏ.வி.எம். கவுண்டமணியிடம் கேட்டபோது. வி.சேகர் எனக்கு கதாநாயகன் (ஒன்னா இருக்க காத்துக்கணும் படம்) மாதிரி ஒரு கேரக்டர் கொடுத்திருந்தார். அதே மாதிர எஜமான் படத்தில் ரஜினியை தூக்கிய காமெடியான போடுங்க. ரஜினி கேரக்டரை என்னிடம் கொடுங்கள் அதே சம்பளத்திற்கு நான் நடிக்கிறேன் என்று கூறியுள்ளார்.

ரஜினிகாந்துக்கு நாயகன் வேடம் கொடுத்துவிட்டு என்னிடம் சம்பளம் குறைத்தால் எப்படி? நான் ரஜினிக்கு பின்னாடி ஓடி வரணும் அவ்வளவு தானே, ஆனால் வி.சேகர் படத்தில் நான் இல்லாமல் அந்த கதையே இல்லை. இங்கு ரஜினி கேரக்டரில் நான் அந்த படத்தில் நடிக்கிறேன் என்று கவுண்டமணி சொல்ல அந்த படத்தில் அவருக்கு ரூ30 லட்சம் சம்பளம் கொடுத்துள்ளனர். இந்த தகவலை இயக்குனர் வி.சேகர் ஒரு நேர்காணலில் தெரிவித்துள்ளார்.