ரஜினிக்கு மாமியார், கமலுக்கு ஜோடி; 3 முதல்வர்களுடன் இணைந்து நடித்த இந்த நடிகை திருமணமே ஆகாதவர்!

தமிழ் சினிமாவின் முன்னணி நடிகராக பல வெற்றிப்படங்களை கொடுத்துள்ள நடிகர் கமல்ஹாசன், தொடக்கத்தில் தமிழை விட மலையாளத்தில் அதிக படங்களில் நடித்து வந்தார். அப்போது தமிழில் எம்.ஜி.ஆர் சிவாஜி ஆகியோருடன் நடித்த தன்னை விட 6 வயது மூத்த நடிகையுடன் ஜோடியாக நடித்துள்ளார்.

குழந்தை நட்சத்திரமாக அறிமுகமாகி தமிழ் சினிமாவில் பல வெற்றிப்படங்களை கொடுத்தவர் கமல்ஹாசன். களத்தூர் கண்ணம்மா தொடங்கி பல படங்களில் நடித்துள்ள இவர், வாலிப வயதில் தமிழில் சரியான வாய்ப்புகள் இல்லாமல் மலையாள சினிமாவில் நடிக்க தொடங்கினார். கமல்ஹாசன் முதன் முதலில் ஹீரோவாக நடித்த படம், முதல் வெற்றியை பதிவு செய்த படம் இரண்டுமே மலையாளத்தில் வெளியான கன்னியாகுமரி படம் தான்.

கே.எஸ்.சேதுமாதவன் இயக்கத்தில் வெளியான இந்த படம் மலையாள சினிமாவில் 100 நாட்களை கடந்து வெற்றி பெற்றது. அதன்பிறகு, தொடர்ந்து மலையாளத்தில் ஹீரோவாக பல வெற்றிகளை குவித்த கமல்ஹாசன் அதனைத்தொடர்ந்து விஷ்ணு விஜயம் படத்தில் நடித்திருந்தர். 1975-ம் ஆண்டு, இவர் மலையாளத்தில் நடித்த படம் ஞான் நின்ன பிரேமிக்கன்னு என்ற படம். இயக்குனர் திலகம் என்று அழைகக்ப்படும் கே.எஸ்.கோபாலகிருஷ்ணன் இயக்கத்தில் வெளியான இந்த படத்தில் கமலஹாசனுக்கு ஜோடியாக வென்னிறஆடை நிர்மலா நடித்திருந்தார்.

1948-ம் ஆண்டு பிறந்த வென்னிறஆடை நிர்மலா கடந்த 1965-ம் ஆண்டு சி.வி.ஸ்ரீதர் இயக்கத்தில் வெளியான வென்னிற ஆடை என்ற படததில் மூலம் தமிழ் சினிமாவில் அறிமுகமானார். அதனைத் தொடர்ந்து எம்.ஜி.ஆர், சிவாஜி, ஜெய்சங்கர், ஜெமினி கணேசன், முத்துராமன் உள்ளிட்ட பல முன்னணி நடிகர்களுடன் இணைந்து நடித்துள்ள இவர், 1980-ம் ஆண்டு ரஜினிகாந்த் நடிப்பில் வெளியான காளி படததில் அவருக்கு அக்காவாகவும், 1997-ல் வெளியான அருணாச்சலம் படததில் ரஜினிக்கு மாமியாராகவும் நடித்திருந்தார்.

தமிழ், தெலுங்கு, மலையாளம், கன்னடம் என தென்னிந்திய மொழிகளில் பல வெற்றிப்படங்களில் நடித்துள்ள வென்னிற ஆடை நிர்மலா, தன்னை விட 6 வயது இளையரான கமல்ஹாசனுடன் இணைந்து, ஞான் நின்ன பிரேமிக்கன்னு படத்தில் நடித்திருந்தார், கமல்ஹாசன 1954-ம் ஆண்டு பிறந்தவர். இந்த படத்தின் படப்பிடிப்பு எண்ணுரில் நடந்தபோது தயாரிப்பாளர் – இயக்குனர் இடையே மோதல் ஏற்படடதால், இங்கு நிலைமை சரியில்லை, நிங்கள் சென்றுவிடுங்கள் என்ற கமல்ஹாசன் வென்னிற ஆடை நிர்மலாவிடம கூறியுள்ளார்.

பல ஆண்டுகளுக்கு பிறகு மீண்டும அவரை சந்திக்கும்போது அந்த சம்பவம் குறித்து தன்னிடம் ஞாபகம் வைத்து கேடடதாக நிர்மலா ஒரு பேட்டியில் கூறியுள்ளார். தமிழில் ஜெயலலிதாவுடன் அறிமுகமான வென்னிற ஆடை நிர்மலா,எம்.ஜி.ஆர், ஆந்திராவின் என்.டி.ஆர் என 3 முதல்வர்களுடன் இணைந்து நடித்துள்ளார் என்பது குறிப்பிடத்தக்கது.