கட்சி பெயர் சொன்னாரு, நான் எனக்கு ஒரு சீட் கேட்டேன்; கீர்த்தி சுரேஷ் த்ரோபேக் பேச்சு: விஜய் ரியாக்ஷன் என்ன?

தமிழ் சினிமாவின் முன்னணி நடிகர்களில் ஒருவராக இருக்கும் தளபதி விஜய் புதிதாக அரசியல் கட்சி தொடங்கியுள்ள நிலையில், இந்த கட்சியில் தனக்கு ஒரு சீட் தருமாறு நடிகை கீர்த்தி சுரேஷ் கேட்டதாக அவரே ஒரு பேட்டியில் கூறியுள்ளார்.

குழந்தை நட்சத்திரமாக அறிமுகமாகி இன்றைய சினிமாவில் முன்னணி நடிகராக வளர்ந்திருப்பவர் விஜய். நாளை தீர்ப்பு என்ற படத்தின் மூலம் ஹீரோவாக அறிமுகமான இவர், அதன்பிறகு பூவே உனக்காக, காதலுக்கு மரியாதை, நினைத்தேன் வந்தாய், பிரியமானவளே என பல வெற்றிப்படங்களை கொடுத்துள்ளார். அதேபோல் திருமலை படத்திற்கு பிறகு ஆக்ஷன் அவதாரம் எடுத்த விஜய், கடைசியாக நடித்த கோட் படம் வரை தனது ஆக்ஷன் படங்களில் நடித்திருந்தார்.

தமிழ் சினிமாவில் அதிக சம்பளம் வாங்கும் நடிகர்களில் ஒருவராக இருந்த விஜய், கடந்த 2024-ம் ஆண்டு தமிழக வெற்றிக் கழகம் என்ற புதிய அரசியல் கட்சியை தொடங்கினார். தற்போது  ஜனநாயகன் படத்தில் நடித்து முடித்துள்ளார். இதுதான் தனது கடைசி படம் என்று அறிவித்துள்ள விஜய், எதிர்வரும் 2026 தமிழக சட்டசபை தேர்தலில் தனது கட்சியியின் முதல்வர் வேட்பாளராக போட்டியிடுகிறார். இதனால் தற்போது தனது அரசியல் பயணத்தை மேற்கொண்டுள்ள விஜய், அடுத்து மக்களை சந்திக்க உள்ளதாக தகவல் வெளியாகியுள்ளது.

இதனிடையே விஜய் அரசியல் கட்சி தொடங்கிய விஜய், கட்சியின் பெயரை தன்னிடம் கூறியதாக நடிகை கீர்த்தி சுரேஷ் தெரிவித்துள்ளார். கடந்த சில மாதங்களுக்கு முன்பு இவர் அளித்த பேட்டி ஒன்றில், சார் ரொம்ப சந்தோஷமாக இருக்கிறது. நானும் கட்சியில் ஒரு மெம்பர்ஷிப் எடுத்துக்கொள்கிறேன் என்று சொன்னேன். கட்சி தொடங்கியபோது பெயரை சொன்னார். அதன்பிறகு கடைசி படம் என்று அறிவிக்கும்போது ஒரு மாதிரியாக இருந்தது. ஆனால் இப்போது பரவாயில்லை என்று சொன்னார்.

அவரை நினைத்தால் மகிழ்ச்சியாக இருக்கிறது. கட்சியின் பெயரு ரொம்ப நல்லாருக்கு என்று சொன்னேன். அதன்பிறகு கட்சியல் எனக்கு ஒரு சீட் கொடுங்க என்று சும்மா சொன்னேன் என கீர்த்தி சுரேஷ் கூறியுள்ளார். இந்த வீடியோ பதிவு தற்போது இணையத்தில் வைரலாகி வருகிறது. விஜய் நடிப்பில் வெளியான பைரவா மற்றும் சர்கார் படங்களில் அவருக்கு ஜோடியாக கீர்த்தி சுரேஷ் நடித்திருந்தார். மேலும் கீர்த்தி சுரேஷின் திருமணத்திற்கு விஜய் தனி விமானத்தில் தமிழகத்தில் இருந்து சென்றது குறிப்பிடத்தக்கது.