பெண் ரசிகைகளின் கனவு நாயகன்: முன்னணி நடிகராக இருக்கும் இந்த சிறுவன் யார் தெரியுமா?

சமூகவலைதளங்களில் பயன்பாடு அதிகரித்து வரும் இன்றைய காலக்கட்டத்தில், சினிமா மற்றும் சின்னத்திரை ரசிகர்கள் தங்களுக்கு பிடித்தமான நடிகர் அல்லது நடிகைககளின் தகவல்களை தேடி தெரிந்துகொண்டு வருகின்றனர். இதில் ரசிகர்களை யோசிக்க வைக்கும் வகையில், அவ்வப்போது அவர்களின் அஸ்தான நாயகர்களின் சிறுவயது புகைப்படங்கள் வெளியாகி கவனம் ஈர்த்து வருகிறது.

அந்த வகையில், தற்போது தமிழ் சினிமாவின் முன்னணி நடிகராக இருந்த ஒருவரின், சிறுவயது புகைப்படம் வெளியாகியுள்ளது. முதல் படத்திலேயே உச்சம் தொட்ட இவர், அடுத்தடுத்து வெற்றிப்படங்களை கொடுத்து பெண் ரசிகைகளின் கனவு நாயகனாக வளர்ந்தார். அப்போதே மணிரத்னம், பாலு மகேந்திரா போன்ற முன்னணி இயக்குனர்களின் படங்களில் நடித்து வெற்றி கண்ட, இவர், உலக அழகி ஐஸ்வர்யா ராயுடன் இணைந்து நடித்த பெருமைக்கு சொந்தக்காரர்.

அவர் யார் என்று கண்டுபிடிக்க முடிகிறதா? அவர் தான் நடிகர் பிரஷாந்த். இயக்குனர், நடிகர், தயாரிப்பாளர் என பன்முக திறமையுடன் வலம்வரும் தியாகராஜனின் மகனான பிரஷாந்த், வைகாசி பொறந்தாச்சு என்ற படத்தின் மூலம் தமிழ் சினிமாவில் அறிமுகமானார். அடுத்தடுத்து பல வெற்றிப்படங்களை கொடுத்த பிரஷாந்த், கல்லூரி வாசல் படத்தில் ஹீரோவாக நடிக்கும்போது அந்த படத்தில், ஒரு முக்கிய கேரக்டரில் அஜித் நடித்திருந்தார்.

அஜித் – விஜய் இருவரும் வெற்றிக்காக ஏங்கியபோது முன்னணி நடிகராக இருந்த பிரஷாந்த் பல படங்களை கைவசம் வைத்திருந்தார். ஜீன்ஸ் படத்தில் உலக அழகி ஐஸ்வர்யா ராயுடன் இணைந்து நடித்த பிரஷாந்த் ஒரு கட்டத்தில் மார்கெட் இழந்து பெரிய வெற்றிக்காக போராடி வந்த நிலையில், சமீபத்தில் வெளியான அந்தகன் படத்தின் மூலம் ரீ-என்டரி கொடுத்துள்ளார். அதேபோல் விஜய் நடிப்பில் வெளியான கோட் படத்தில் முக்கிய கேரக்டரில் நடித்து அசத்தியிருந்தார்.

அந்தகன் மற்றும் கோட் படம் கொடுத்த வெற்றியை தொடர்ந்து பிரஷாந்த் அடுத்தடுத்து படங்களில் நடிக்க உள்ளதாக அறிவித்துள்ள நிலையில், அவரது படங்களுக்காக ரசிகர்கள் எதிர்பார்த்து காத்துக்கொண்டு இருக்கின்றனர். மேலும் இடையில் வி.எஃப்.எக்ஸ் படித்த பிரஷாந்த் தனது அந்த படத்திற்காக வி.எஃப்.எக்ஸ் காட்சிகளை அவரே செய்ததாகவும் ஒரு பேட்டியில் கூறியிருந்தது குறிப்பிடத்தக்கது.