ரஜினியை விட பெரியவர்; ஆனா தன் மனைவியை விட இளையவர்: பாட்ஷா ரீமேக்கில் நடித்த இந்த நடிகர் யார் தெரியுமா?

தமிழில் ரஜினிகாந்துடன் இணைந்து விடுதலை படத்தில் நடித்திருந்த நடிகர் விஷ்ணுவர்த்தன் கன்னடத்தில் சூப்பர் ஸ்டார் நடிகராக வலம் வந்த நிலையில், அவரின் மனைவி, திருமணம் செய்துகொள்ளும் எண்ணமே தனக்கு இல்லை என்று ஒரு பேட்டியில் கூறியுள்ளார்.

கர்நாடக மாநிலத்தை சேர்ந்தவர் நடிகை பாரதி. 1966-ம் ஆண்டு தனது 16 வயதில், டூடி டோடப்பா என்ற படத்தின் மூலம் திரைத்துறையில் அறிமுகமான இவர், கல்யாண் குமார் இயக்கம் மற்றும் நடிப்பில், லவ் இன் பெங்களூர், ராஜ்குமாருடன் எம்மே தம்மன்னா, சந்தியா ராகா, மது மாலதி என 1966-ம் ஆண்டு தொடர்ந்து 4 கன்னட படங்களில் நடித்திருந்தார். அதே ஆண்டு எம்.ஜி.ஆருடன் நாடோடி என்ற படத்தின் மூலம் தமிழில் அறிமுகமானார்.

தொடர்ந்து எம்.ஜி.ஆருடன் சந்த்ரோதயம், சிவாஜியுடன் உயர்ந் மனிதன், உள்ளிட்ட பல வெற்றிப்படங்களில் நடித்துள்ள பாரதி, எம்.ஜி.ஆர், சிவாஜி, ஜெமினி, முத்துராமன், ரவிச்சந்திரன் என பல முன்னணி நட்சததிரங்களுடன் இணைந்து பல வெற்றிப்படங்களில் நடித்துள்ளார், 1975-ம் ஆண்டு, கன்னட நடிகர் விஷ்ணுவர்ததனை திருமணம் செய்துகொண்ட பாரதி, திருமணத்திற்கு பின்னரும், நடிப்பில் கவனம் செலுத்தினார். தமிழ், தெலுங்கு, கன்னடம், மலையாளம் உள்ளிட்ட மொழிகளில் பல வெற்றிப்படங்களில் நடித்துள்ளார்.  

கடைசியாக 1998-ம் ஆண்டு கார்த்திக் நடிப்பில் வெளியான சுந்தர பாண்டியன் படத்தில் அவரது அம்மா கேரக்டரில் நடித்திருந்த பாரதி அதன்பிறகு தமிழில் நடிக்கவில்லை.  அவள் விகடன் யூடியூப் சேனலுக்கு அளித்த பேட்டியில், பல நிகழவுகள் குறித்து பகிர்ந்துகொண்டுள்ளார். அதில் அவரது கணவர் விஷ்ணுவர்த்தன் பற்றி பேசியுள்ள பாரதி, நாங்கள் இருவரும் இணைந்து 7 படங்கள் நடித்திருக்கிறோம். படத்தின் ஷூட்டிங் நடக்கும்போது அது செட் போலவே இருக்காது ஒரு குடும்பம் மாதிரி தான் இருக்கும்.

அவர் ஒரு பாட்டு பாட, அதற்கு நான் ஒரு பாட்டு பாட ஜாலியாக இருக்கும். ஆனால் அவர் அடிக்கடி என்னை நோக்கி பாடும்போது அவருக்கு என்னை பிடித்திருக்கிறது என்பது தெரிவந்தது. அதே சமயம் எனக்கு திருமணத்தில் விருப்பம் இல்லை. தம்பிகள் படித்துக்கொண்டு இருந்தார்கள். குடும்பத்தை நான் தான் பார்த்துக்கொள்ள வேண்டும். தங்கைக்கு திருமணம் முடிந்துவிட்டது, அப்போது இவர் என்னிடம் வந்து, திருமணம் பற்றி பேசினார். நான் எங்கள் வீட்டில் சொன்னால் தான் என்று சொல்லிவிட்டேன். உடனே என் வீட்டுக்கு சென்றுவிட்டார். என் அப்பா அம்மாவுக்கு இவரை மிகவும் பிடிக்கும். அதன்பிறகு அவரது வீட்டிலும் பேசி திருமணம் முடிந்தது.

நான் வேறொரு நடிகருடன் இணைந்து நடிப்பது அவருக்கு பிடிக்காது. ஆனால் நான் இல்லாத நேரத்தில் நான் நடித்த படங்களை பார்த்துக்கொண்டு இருப்பார். அதேபோல் அவர் என்னைவிட, ஒரு மாதம் இளையவர். இது பற்றி திருமணத்திற்கு முன்பு நான் அவரிடம் சொன்னபோது, சுனில் தத் – நர்க்கீஸ் கல்யாணம் பண்ணிக்கலையா என்று கேட்டார். அதன்பிறகு நாங்கள் வயது வித்தியாசம் குறித்து சிந்திக்கவில்லை. என் அம்மாவுக்கு அவரை மிகவும் பிடிக்கும்.

எங்கள் திருமணம் சிறப்பாக நடந்திருந்தாலும், என் கணவரும், அவரது அம்மாவும் எனக்கு ரொம்ப சப்போர்ட்டா இருந்தாங்க. ஆனால், அவரது குடும்பத்தினர் என்னை ஏற்றுக்கொள்ளவில்லை. அவர்கள் என்னை ஏற்றுக்கொள்ள 20 வருடங்கள் ஆனது என்றும் கூறியுள்ளார். தமிழில் ரஜினிகாந்துடன் விடுதலை, ராகவேந்திரா உள்ளிட்ட படங்களில் நடித்துள்ள விஷ்ணுவர்த்தன், ரஜினியை விட 3 மாதங்கள் மூத்தவர். அதே போல் ரஜினிகாந்த் நடித்த பிளாக்பஸ்டர் திரைப்படமாக பாட்ஷா படத்தை கன்னடத்தில் ரீமேக் செய்தவர் என்பது குறிப்பிடத்தக்கது.