கேப்டனுக்கு மச்சான், ஷோபனாவுக்கு தம்பி; இந்த சிறுவன் இப்போ ஃபேமஸ் சீரியல் ஸ்டார்: யார்னு கண்டுபிடிங்க!

தமிழ் சினிமாவில் ஒரு நடிகர் குழந்தை நட்சத்திரமாக அறிமுகமாகி, பின்னாளில் பெரிய நடிகராக உயரும்போது, அந்த படத்தில் நடித்த குட்டி பையனா இவர், என்ற கேள்வி பலருக்கும் எழும். அந்த வகையில், விஜயகாந்த் நடித்த ஒரு படத்தில் அவருக்கு மச்சான் ஹீரோயினின் தம்பி கேரக்டரில் நடித்து அசத்திய ஒரு நடிகர் தற்போது சின்னத்திரை மற்றும் வெள்ளித்திரையில் முக்கிய பிரபலமாக வலம் வருகிறார்.

1989-ம் ஆண்டு பி.வாசு இயக்கத்தில் வெளியான படம் பொன்மன செல்வன். 1987-ம் ஆண்டு கன்னடத்தில் வெளியாக ஹிட்டடித்த கருணாமாயி என்ற படத்தின் ரீமேக்கான இந்த படத்தில் விஜயகாந்த், ஜெமினி கணேசன், ஷோபனா, வித்யாஸ்ரீ, சரோஜா தேவி, கவுண்டமணி, ஜெய்சங்கர் உள்ளிட்ட பல முன்னணி நட்சத்திரங்கள் நடித்திருந்தனர். இளையராஜா இந்த படத்திற்கு இசையமைத்திருந்தார். படத்தின் பாடல்கள் அனைத்தும் ரசிகர்கள் மத்தியில் நல்ல வரவேற்பை பெற்றிருந்தது.

குறிப்பாக சமீபத்தில் லப்பர் பந்து படத்தில் இடம்பெற்று பெரிய வெற்றியை பெற்ற ‘நீ பொட்டு வச்ச தங்ககுடம்’ பாடல் இடம் பெற்ற திரைப்படம் இந்த படம் தான். குடும்ப உறவுகளுக்கு இடையே நடைபெறும் மோதல்களை மையமாக வைத்து திரைக்கதை அமைக்கப்பட்ட இந்த படம் பெரிய வெற்றியை கொடுத்தது. இந்த படத்தில் ஹாங்காங் அண்ணாமலை என்ற நெகடீவ் கேரக்டரில் நடித்தவர் தான் நடிகர் கவுண்ட்மணி. அவரது மகள் பார்வதி கேரக்டரில் ஷோபனா நடித்திருந்தார்.

கதையில் விஜயகாந்த் குடும்பம் பிரிவதற்கு முக்கிய காரணமாக இருப்பவர் தான் கவுண்டமணி. ஆனால் படத்தில் அவரது மகன் கேரக்டரில் ஒரு சிறுவன் நடித்திருப்பார். அந்த சிறுவன் வேறு யாரும் இல்லை. நடிகர் விஜயின் நெருங்கிய நண்பரும், திருமதி செல்வம் உள்ளிட்ட பல ஹிட் சீரியல்களில் நடித்துள்ள நடிகதுர் சஞ்சீவ் வெங்கட் தான். தனது அக்கா சிந்து இந்த படத்தில் நடித்திருந்ததால், அவரை பார்க்க செல்லும்போது தன்னையும் இயக்குனர்  பி.வாசு இந்த படத்தில் நடிக்க வைத்ததாக சஞ்சீவ் வெங்கட் கூறியுள்ளார்.

இந்த படத்தின் மூலம் திரையுலகில் அறிமுகமான சஞ்சீவ் வெங்கட், 6 வருட இடைவெளிக்கு பிறகு, 1995-ம் ஆண்டு வெளியான சந்திரலேகா படத்தில் விஜயின் நண்பர் கேரக்டரில் நடித்திருப்பார். அதேபோல் சின்னத்திரையில், ஆனந்தம், திருமதி செல்வம், கண்மணி உள்ளிட்ட பல சீரியலிகளில் நடித்து முன்னணி சீரியல் நடிகராக வலம் வருகிறார். மேலும் பொன்மன செல்வன் திரைப்படம் 1989-ம் ஆண்டு ஆகஸட் 15-ந் தேதி வெளியானது. அதன்படி இந்த படம் வெளியாகி இன்றுடன் 37 வருடங்கள் ஆகிறது என்பது குறிப்பிடத்தக்கது.