ராஜா ராணி முதல் இந்தியன் 2 வரை: சிவகார்த்திகேயன் மிஸ் செய்த வெற்றிப்படங்கள்!

தமிழ் சினிமாவில் குறுகிய காலத்தில் முன்னணி நடிகராக உயர்ந்தவர் சிவகார்த்திகேயன். தற்போது பல படங்களை கைவசம் வைத்துள்ள அவர், நடிப்பில் தீபாவளி தினத்தில் அமரன் படம் வெளியாக உள்ளது. ராணுவ மேஜர் முகுந்த் வரதராஜனின் வாழ்க்கை வரலாற்றை அடிப்படையாக கொண்ட இந்த படத்திற்கு ரசிகர்கள் மத்தியில் பெரிய எதிர்பார்ப்பு ஏற்பட்டுள்ளது. தனது சினிமா வாழ்க்கையில் பல வெற்றிகளை குவித்தாலும், சிவகார்த்திகேயன் சில வெற்றிப்பட வாய்ப்புகளை தவறவிட்டுள்ளார்.

சூரரைப்போற்று

சூர்யா நடிப்பில் சுதா கொங்கரா இயக்கத்தில் வெளியான படம் சூரரைப்போற்று. 2020-ம் ஆண்டு நேரடியாக ஓடிடி தளத்தில் வெளியான இந்த படம் பெரிய வெற்றிப்படமாக அமைந்தது. பல சர்வதேச விருதுகளை வென்ற சூரரைப்போற்று திரைப்படத்திற்கு, 5 தேசிய விருதுகள் கிடைத்தது.

டாடா

கவின் நடிப்பில் வெளியாகி பெரிய வெற்றியை பெற்ற படம் தான் டாடா. ரஜினிகாந்த் நடிப்பில் வெளியான நான் அடிமை இல்லை என்ற படத்தின் கதையை போல் இருந்தாலும், இந்த படம் இளைஞர்கள் மத்தியில் நல்ல வரவேற்பை பெற்றிருந்தது.

இந்தியன் 2

1996-ம் ஆண்டு கமல்ஹாசன் நடிப்பில் வெளியாகி பெரிய வெற்றியை பெற்ற இந்தியன் படத்தின் 2-ம் பாகமாக 28 ஆண்டுகள் கழித்து வெளியான இந்தியன் 2 படம் சரியான வரவேற்பை பெறவில்லை. பாபி சிம்ஹா, சமுத்திரக்கனி, விவேக், நெடுமுடி வேணு, பிரியா பவானி சங்கர் உள்ளிட்ட பலர் நடித்திருந்த இந்த படத்திற்கு அனிருத் இசையமைத்திருந்தார்.

சித்தா

சித்தார்த் நடிப்பில் சமீபத்தில் வெளியான பெரிய வெற்றிப்படம் சித்தா. விமர்சன ரீதியாக பலரின் பாராட்டுக்களை பெற்றிருந்த இந்த படத்தில், நிமிஷா சாஜன் நாயகியாக நடித்திருந்தார்.

ராஜா ராணி

ஆர்யா – நயன்தாரா, ஜெய், நஸ்ரியா ஆகியோர் நடிப்பில் கடந்த 2013-ம் ஆண்டு வெளியான இந்த படம் இயக்குனர் அட்லி இயக்கிய முதல் படமாகும். சந்தானம், சத்யராஜ், சத்யன் ஆகியோர் முக்கிய கேரக்டரில் நடித்திருந்த இந்த படத்திற்கு, ஜி.வி.பிரகாஷ் இசையமைத்திருந்தார். இந்த படம் இளைஞர்கள் மத்தியில் பெரிய வரவேற்பை பெற்றிருந்துது.