பட்ஜெட்டை விடவும் சப்ஜெக்ட் தான் ஜெயிக்கும்; இப்போ மட்டும் இல்ல, எப்போமே... டி.ராஜேந்தர் ஓபன் டாக்!

இன்றைய காலக்கட்டத்தில் பிரம்மாண்ட பட்ஜெட்டை விடவும், சப்ஜெக்ட் தான் ஜெயிக்கும் என்று கூறியுள்ள நடிகரும் இயக்குனருமான டி.ராஜேந்தர், இதற்கு தனது படத்தையே ஒரு உதாரணமாக கூறியுள்ளார். இவர் பேசிய த்ரோபேக் வீடியோ ஒன்று இணையத்தில் வைரலாகி வருகிறது.

தமிழ் சினிமாவில், நடிகர், இயக்குனர், தயாரிப்பாளர், இசையமைப்பாளர், பாடகர், ஒலிப்பதிவாளர், என பன்முக திறமை கொண்டவர் டி.ராஜேந்தர். பொதுவாக தான் இயக்கிய பெரும்பாலான படங்களில் நாயகனாக நடித்திருந்த இவர், மற்ற இயக்குனர்களின் ஒரு சில படங்களில் நடித்துள்ளார். அதேபோல் தனது படங்கள் மட்டும் இல்லாமல், விஜயகாந்தின் கூலிக்காரன், மோகனின் கிளிஞ்சல்கள் உள்ளிட்ட மற்ற நடிகர்களின் படங்களுக்கும் இசை அமைத்து ஹிட் கொடுத்துள்ளார்.

தற்போது படங்களில் நடிப்பதில் இருந்து விலகியுள்ள டி.ராஜேந்தர், அவ்வப்போது பட விழாக்களில் பங்கேற்று வருகிறார். அந்த வகையில், மலையாளத்தில் மஞ்சுமல் பாய்ஸ் திரைபபடம் வெளியான சமயத்தில் ஒரு நிகழ்ச்சியில் பங்கேற்ற டி.ராஜேந்தர், தற்போது பிரம்மாண்ட படங்கள் அதிகம் வந்தாலும் பட்ஜெட்டை விடவும், சப்ஜெக்ட் தான் ஜெயிக்கும் என்று கூறியுள்ளார். இவர் பேசியது சில மாதங்கள் பழைய வீடியோ என்றாலும் இப்போதைய சூழ்நிலைக்கும் பொருத்தமாக இருக்கிறது.

அந்த வீடியோவில், ஒரு தலை ராகம் படத்தில் யார் கதாநாயகி, யார் கதாநாயகன், யார் வில்லன், யார் காமெடி நடிகர்? படத்தில் கேப்ரியரே டான்ஸ் இருந்துதா? படத்தில் கதாநாயகன், கதாநாயகன் கட்டிப் பிடித்து உருண்டு பாடக்கூடிய டூயட் எதுமே கிடையாது. பைட் கிடையாது, சேஸ் கிடையாது, பிரமாண்டமான செட்டு கிடையாது. எதுமே இல்லை. இப்போது மஞ்சுமல் பாய்சோட் வெற்றியை பாருங்கள். நான் என்ன சொல்லப்போறேன் என்றால் சப்ஜெட் ஜெயிக்கும். அது அந்த காலத்தில்  நான் உதாரணத்திற்கு, என்னுடைய படத்தை சொன்னது, அந்த காலத்தில் மட்டுமல்ல, இன்றைய காலத்திலும் இல்ல எந்த காலத்திலும். பட்ஜெட்டைவிடவும் சப்ஜெக்ட் தான் ஜெயிக்கும்.

அதனால் ஒரு சின்ன தயாரிப்பாளர், சின்ன படம் எடுக்கிறாங்க, சிறு முதலீட்டி தயாரிப்பாளர் சங்கன்னா, இது பெரியவர்கள் படம் எடுத்தா அத்துக்கு பிரமாண்டமான வீடா?கோடி கணக்கில் படத்துக்கு செலவு செய்கிறாங்கனா கூட பிரமோஷனுக்கு அவ்வளவு செலவு செய்கிறாங்க. பணம் படைத்தவர்கள் செய்யலாம். ஆனால் இவர்கள் பணம் படைத்தவர்கள் மனம் படைத்தவர்கள் என்று ஒரு திரைபபடத்தில் நிகழ்ச்சியில் பேசியுள்ளார்.