எபிக்யூ எக்ஸ்பீரியன்ஸ்க்கு ரெடியா? புதிய போஸ்டருடன் கோட் படக்குழு மாஸ் அப்டேட்!

தளபதி விஜய் நடித்து வரும் கோட் திரைப்படம் ஐமேக்ஸில் வெளியாகும் என்று படக்குழு நேற்று அறிவித்த நிலையில், இன்று படத்தின் ஆடியோ குறித்து புதிய அறிவிப்பு ஒன்றை வெளியிட்டுள்ளது.

தமிழ் சினிமாவில் உச்ச நடிகர்களில் முக்கியமானவர் விஜய். தற்போது அரசியல்வாதியாக புதிய அவதாரம் எடுத்துள்ள இவர், கைவசம் உள்ள படங்களை முடித்துவிட்டு முழு நேர அரசியலில் கவனம் செலுத்த உள்ளதாக அறிவித்துள்ளார். இதனால் இவர் நடிப்பில் அடுத்து வெளியாக உள்ள படங்கள் குறித்து ரசிகர்கள் மத்தியில் பெரும் எதிர்பார்ப்பை ஏற்படுத்தி வரும் நிலையில், ஒவ்வொரு அப்டேட்டும் கவனம் பெற்று வருகிறது.

அந்த வகையில் லியோ படத்திற்கு பின் விஜய் தற்போது வெங்கட் பிரபு இயக்கத்தில் தி கிரேட்டஸ்ட் ஆப் ஆல் டைம் என்ற படத்தில் நடித்து வருகிறார். பிரபுதேவா, பிராஷாந்த், அஜ்மல், மைக் மோகன், மீனாட்சி, சினேகா உள்ளிட்ட பலர் நடித்துள்ள இந்த படத்திற்கு யுவன் சங்கர் ராஜா இசையமைத்துள்ளார். படத்தின் படப்பிடிப்பு முடிந்து இறுதிக்கட்ட பணிகள் விறுவிறுப்பாக நடைபெற்று வரும் நிலையில், வரும் செப்டம்பர் 5-ந் தேதி படம் வெளியாகும் என்று அறிவிக்கப்பட்டுள்ளது.

இதனிடையே அவ்வப்போது பாடல்கள் மற்றும் புதிய அப்டேட்களை படக்குழு வெளியிட்டு வருகிறது. இதில் இதுவரை 3 பாடல்கள் வெளியாகியுள்ள நிலையில், இந்த 3 பாடல்களுமே ரசிகர்களின் கவனத்தை ஈர்க்க தவறிவிட்டது என்று தான் சொல்ல வேண்டும். ஆனாலும், சமீபத்தில் வெளியிடப்பட்ட படத்தின் டீசர் வரவேற்பை பெற்ற நிலையில், கடந்த வாரம் வெளியான 3-வது பாடலில், டிஐஜி செய்த விஜயின் வீடியோ கடுமையான விமர்சனங்களை எழுப்பியுள்ளது.

இந்நிலையில், வரும் செப்டம்பர் 5-ந் தேதி வெளியாக உள்ள தி கிரேட்டஸ்ட் ஆப் ஆல் டைம் திரைப்படம் ஐமேக்ஸ் தொழில்நுட்பத்தில் வெளியாகும் என்று நேற்று (ஆகஸ்ட் 8) அதிகாரப்பூர்வமாக அறிவித்த படக்குழுவினர் தற்போது படத்தின் ஆடியோ குறித்து புதிய அறிவிப்பு ஒன்றை வெளியிட்டுள்ளனர். அதன்படி, படத்தின் ஆடியோ எபிக்யூ (EPIQ) தொழில்நுட்பத்தில் வெளியாகும் என்று அறிவிக்கப்பட்டுள்ளது.

It’s going to be an EPIC experience of The Greatest Of All Time in EPIQ screens from Sept 5th! 🔥#GOATinEPIQ @qubecinema@actorvijay Sir

A @vp_offl Hero
A @thisisysr Magical #TheGreatestOfAllTime#ThalapathyIsTheGOAT#KalpathiSAghoram#KalpathiSGanesh#KalpathiSSuresh… pic.twitter.com/LRpEuU4sKF

— venkat prabhu (@vp_offl) August 9, 2024

இது குறித்து போஸ்டர் ஒன்றை வெளியிட்டுள்ள படக்குழுவினர் எபிக்யூ (EPIQ) எக்பீரியன்ஸ்க்கு ரெடியா என்ற கேள்வியுடன் ரசிகர்கள் மத்தியில் எதிர்பார்ப்பை அதிகரித்துள்ளனர்.