ஸ்பெஷல் வீடியோ வேணுமா? சப்ஸ்க்ரைப் பண்ணுங்க; மாத வருமானம் 4 லட்சத்துக்கு மேல... புது ரூட்டில் தர்ஷா குப்தா!

தமிழ் சினிமாவில் ஒரு சில படங்கள் சின்னத்திரையில் பல சீரியல்களில் நடித்துள்ள நடிகை தர்ஷா குப்தா, இன்ஸ்டாகிராமில் பணம் சம்பாதிக்க பல புதுமையான வழிகளை கையாண்டு வருவதாக கூறப்படுகிறது.

2017-ம் ஆண் முதல் ஒளிபரப்பான விஜய் டிவியின் முள்ளும் மலரும் என்ற சீரியல் மூலம் பிரபலமானவர் தர்ஷா குப்தா. இந்த சீரியலில் விஜி என்ற கேரக்டரில் நடித்த இவருக்கு பாராட்டுக்கள் கிடைத்தது. மின்னலே, செந்தூரப்பூவே உள்ளிட்ட தொடர்களில் நடித்து பிரபலமான தர்ஷா குப்தா, குக் வித் கோமாளி ரியாலிட்டி ஷோக்களில் பங்கேற்கு மேலும் பிரபலமானார். விஜய் டிவியின், சிங்கிள் பொண்ணுங்க, சூப்பர் சிங்கர், கே.பி.ஒய் காமெடி திருவிழா, உள்ளிட்ட நிகழ்ச்சிகளில் கெஸ்டாக பங்கேற்றார்.

விஜய் டிவியின் காமெடி ராஜா கலக்கல் ராணி என்ற நிகழ்ச்சியில் போட்டியாளாக பங்கேற்று அசத்தினார். மோகன் ஜி இயக்கத்தில் வெளியான ருத்ரதாண்டவம் படத்தின் மூலம் சினிமாவில் அறிமுகமானார். இந்த படத்தின் மூலம் ரசிகர்கள் மத்தியில் மேலும் பிரபலமானார். இந்த படத்திற்காக சிறந்த அறிமுக நடிகைக்கான எஃப்ஏபி விருதை வென்றிருந்தாலும், அதன்பிறகு அவருக்கான வாய்ப்பு கிடைக்கவில்லை. சில ஆண்டுகள் இடைவெளிக்கு பிறகு ஓ மை கோஸ்ட் என்ற படத்தில் நடித்திருந்தார்.

தற்போது மெடிக்கல் மிராக்கிள் என்ற படத்தில் நடித்து வரும் தர்ஷா குப்தா இன்ஸ்டாகிராமில் ஆக்டீவாக இருக்கும் தர்ஷா குப்தா அவ்வப்போது புகைப்படங்கள் மற்றும் வீடியோக்களை வெளியிட்டு வருகிறார். இந்த புகைப்படங்கள் இணையத்தில் ரசிகர்கள் மத்தியில் வரவேற்பை பெற்று வரும் நிலையில், இவர் வெளியிடம் சில புகைப்படங்கள் இணையத்தில் வைரலாகி ரசிகர்கள் மத்தியில் நல்ல வரவேற்பை பெறுவது வழக்கம். இதையே தனது மூலதனமாக மாற்றியுள்ள தர்ஷா குப்தா இன்ஸ்டாகிராமில் மாதம் ரூ4 லட்சம் வரை சம்பாதிப்பதாக கூறப்படுகிறது.

இன்ஸ்டாகிராம் பக்கத்தில் ஆக்டீவாக இருக்கும் தர்ஷா குப்தா 2.3 மில்லியன் ஃபாலோயர்களை வைத்துள்ளார். இதுவரை 1600-க்கு மேற்பட்ட போஸ்ட்களை பதிவிட்டுள்ள அவர்,  விளம்பரம் செய்வதன் மூலம் பணம் சம்பாதித்து வருகிறார். அதேபோல் வழக்கமாக இல்லாத சில ஸ்பெஷல் பதிவுகளுக்கு அவரது அக்கவுண்டை சப்ஸ்கிரிஃப்ஷன் செய்யும் ஆப்ஷனை வைத்துள்ளார். இந்த சப்ஸ்கிரிஃப்ஷன் செய்தால் தான் அவர் வெளியிடும் ஸ்பெஷல் பதிவுகள், புகைப்படங்கள் மற்றும் வீடியோக்களை பார்க்க முடியும். இதற்காக ஒரு நபர் ரூ440 பணம் செலுத்த வேண்டும்.

இவ்வாறு கட்டணம் செலுத்தினால் அவர்கள் தனியாக வீடியோ பார்க்கும் வசதியும் உள்ளதாகவும், தற்போதுவரை 961- பேர் சப்ஸ்கிஃரிப்ஷன் செய்துள்ளாகவும் கூறப்படுகிறது. இதன் மூலம் தர்ஷா குப்தா மாதம் ரூ4 லட்சம் வரை சம்பாதிப்பதாகவும் தகவல் வெளியாகியுள்ளது.