சூப்பர் ஹீரோயினுக்கு அம்மா, கமலுடன் நடித்தவர்; இவரது மகள் சிம்புவுக்கு ஜோடி: பிரபல இயக்குனரின் மனைவி இவர் யார் தெரியுமா?

சமீபத்தில் மலையாளத்தில் வெளியான லோகா சாப்டர் 1 படத்தின் மூலம் இந்திய அளவில் பிரபலமாகியுள்ள நடிககை கல்யாணி பிரியதர்ஷன், இயக்குனர் பிரிதர்ஷனின் மகள் என்பது பலரும் அறிந்த ஒன்று தான் என்றாலும் அவரது அம்மா, தமிழில் கமல்ஹாசன், பிரபுவுடன் இணைந்து நடித்தவர் என்பது பலரும் அறியாத ஒரு தகவல்.

கடந்த 2017-ம் ஆண்டு தெலுங்கில் வெளியான ஹலோ என்ற படத்தின் மூலம் சினிமாவில் அறிமுகமானவர் தான் கல்யாணி பிரியதர்ஷன். இந்திய சினிமாவின் முன்னணி இயக்குனராக இருக்கும் பிரியதர்ஷனின் மகளான இவர் அடுத்து, தெலுங்கில், சித்ராலஹரி, ரனரங்கம் ஆகிய படங்களில் நடித்திருந்தார், 2019-ம் ஆண்டு வெளியான ஹீரோ படத்தில் சிவகார்த்திகேயனுக்கு ஜோடியாக நடித்திருந்த இவர், அடுத்து 2021-ம் ஆண்டு சிம்பு ஜோடியாக மாநாடு படத்தில் நடித்திருந்தார்.

இரு படங்களுமே அவருக்கு வெற்றியை கொடுத்தாலும், அடுத்து அவர் மலையாள படங்களில் கவனம் செலுத்த தொடங்கினார். அந்த வகையில் சமீபத்தில் வெளியான லோகா சாப்டர் 1 சந்திரா திரைப்படம் கல்யாணிக்கு பெரிய வெற்றிப்படமாக அமைந்துள்ளது. இந்திய சினிமாவில் லேடி சூப்பர் ஹீரோ என்று பெயரெடுத்துள்ள இவர், இந்த படத்தின் வெற்றியை கொண்டாடும் மகிழ்ச்சியில் இருக்கிறார். தற்போது தமிழில் கார்த்தியுடன் மார்ஷெல் என்ற படத்தில் நடித்து வருகிறார். ரவி மோகனுடன் இவர் நடித்த ஜீன் திரைப்படம் விரைவில் வெளியாக உள்ளது.

கல்யாணியின் அப்பா பிரியதர்ஷன் பிரபலமான இயக்குனராக இருக்கும் நிலையில், அவரது அம்மா மலையாள சினிமாவில் முன்னணி நடிகையாக வலம் வந்தவர். தமிழிலும் சில படங்களில் நடித்துள்ளார். அவரது பெயர் லிஸி. 1982-ம் ஆண்டு வெளியான இந்திரி நேரம், ஒந்திரி கார்யம் என்ற மலையாள படத்தின் மூலம் சினிமாவில் அறிமுகமான இவர், மோகன்லால், மம்முட்டி உள்ளிட்ட முன்னணி நடிகர்கள் பலருடன் இணைந்து பல வெற்றிப்படங்களை கொடுத்துள்ளார்.

1986-ம் ஆண்டு வெளியான கமல்ஹாசனின் விக்ரம் படத்தில், முக்கிய கேரக்டரில் நடித்து தமிழில் அறிமுகமான இவர், மோகனுடன் ஆனந்த ஆராதனை, பிரபுவுடன் மனசுக்குள் மத்தாப்பு, சிவக்குமாருடன் பகலில் பவுர்ணமி உள்ளிட்ட 4 படங்களில் நடித்துள்ளார். மலையாளம், தமிழ் மட்டும் இல்லாமல், கன்னடம், இந்தி, தெலுங்கு உள்ளிட்ட மொழிகளிலும் பல வெற்றிப்படங்களிலும் நடித்துள்ள லிஸி, 1990-ம் ஆண்டு இயக்குனர் பிரியதர்ஷனை திருமணம் செய்துகொண்டார். திருமணத்திற்கு பின் நடிப்பில் இருந்து விலகிய அவர், குடும்பத்தை கவனித்து வருகிறார்.

கடந்த 2018-ம் ஆண்டு, சால் மோகன் ரங்கா என்ற தெலுங்கு படத்தின் மூலம் ரீ-என்ட்ரி கொடுத்த லிஸி, 2016-ம் ஆண்டு கணவர் பிரியதர்ஷனை விவாகரத்து செய்தார் என்பது குறிப்பிடத்தக்கது.