இவர் தான் மிஸ் 360: உடற்பயிற்சியில் சுழன்று அடிக்கும் நடிகை; இவர் யார்னு தெரியுதா?

கர்நாடக மாநிலத்தை சேர்ந்த நடிகை மாளவிகா, 1999-ம் ஆண்டு வெளியான அஜித்தின் உன்னை தேடி என்ற படத்தில் நாயகியாக நடித்து தமிழ் சினிமாவில் அறிமுகமானார்.

கார்த்திக் அஜித் இணைந்து நடித்த ஆனந்த பூங்காற்றே படத்தில் நடித்த மாளவிகா, அடுத்து ரோஜா வனம், பூப்பரிக்க வருகிறோம் என தொடர் வெற்றிப்படங்களில் நடித்திருந்தார்.

குறிப்பாக முரளிக்கு ஜோடியாக வெற்றிக்கொடி கட்டு, கார்த்தியுடன் லவ்லி, உள்ளிட்ட படங்கள் மாளவிகாவை ரசிகர்கள் மத்தியில் கொண்டு சென்றது.

கடைசியாக லவ்லி என்ற படத்தில் நாயகியாக நடித்திருந்த மாளவிகா அதன்பிறகு, ஒரு பாடலுக்கு நடமாடுவது மற்றும் படங்களில் முக்கிய கேரக்டரில் நடிக்க தொடங்கினார்.

அந்த வகையில், திருட்டுப்பயலே படத்தில் வில்லியாக நடித்து அசத்தியிருந்தார். சந்திரமுகி படத்தில் நாசரின் மகளாக நடித்திருந்த மாளவிகா, கடந்த 2007-ம் ஆண்டு, சுரேஷ் மேனன் என்பவரை திருமணம் செய்துகொண்டார்.

தற்போது இவருக்கு ஒரு மகள் மற்றும் ஒரு மகன் உள்ள நிலையில், சினிமாவில் இருந்து மாளவிகா ஒதுங்கினார். சமீபத்திய பேட்டியில் தான் சினிமாவில்இருந்து விலகியது ஏன் என்பது குறித்து கூறியிருந்தார்.

திருமணத்திற்கு பின்னும் பல படங்களில் நடிக்க அட்வான்ஸ் வாங்கியிருந்த மாளவிகா, கர்ப்பமானதால் இனி படங்களில் நடிக்க முடியாது என்று வாங்கிய அட்வான்ஸ் பணத்தை திருப்பி கொடுத்துள்ளார்.

சமூகவலைதளங்களில் ஆக்டீவாக இருக்கும் மாளவிகா அவ்வப்போது தனது புகைப்படம் மற்றும் வீடியோக்களை வெளியிட்டு வருகிறார். அவர் தற்போது சினிமாவில் இல்லை என்றாலும் அவரது பதிவுகள் ரசிகர்கள் மத்தியில் வரவேற்பை பெற்று வருகிறது.

அந்த வகையில் மாளவிகா கடுமையாக உடற்பயிற்சி செய்யும் சில போட்டோஸ்களை தனது இன்ஸ்டாகிராம் பக்கத்தில் வெளியிட்டுள்ளார். இதில் யோகா உடற்பயிற்சி என பல போஸ்களை கொடுத்துள்ள மாளவிகா பலரையும் வியக்க வைத்துள்ளார்.