கலெக்ஷன்ஸ் ரெடி... பார்க்க வர்ரீங்களா? புதிய தொழில் தொடங்கிய மைனா நந்தினி!

சினிமா மற்றும் சின்னத்திரையில் பிரபலமான நடிகைகள் என்பதை தாண்டி பல நடிகைகள் சொந்தமாக தொழில் செய்ய தொடங்கியுள்ளனர். அந்த வரிசையில் தற்போது மைனா நந்தினி இறங்கியுள்ளார்.

2009-ம் ஆண்டு வெளியான வென்னிலா கபடிக்குழு என்ற படத்தின் மூலம் தமிழ் சினிமாவில் அறிமுகமானவர் மைனா நந்தினி. அதன்பிறகு வம்சம் என்ற படத்தில் நடித்திருந்தார்.

கேடி பில்லா கில்லாடி ரங்கா, வெள்ளக்கார துரை, ரோமியோ ஜூலியட், காஞ்சனா 3, நம்ம வீட்டு பிள்ளை, அரண்மனை 3 விக்ரம், விருமன் உள்ளிட்ட சில படங்களில் நடித்துள்ளார்.

கடைசியாக பார்ட்னர் என்ற படத்தில் நடித்த இவர், சின்னத்திரையில் பல ரியாலிட்டி ஷோக்கள் மற்றும் சீரியலிகளில் நடித்துள்ளார். சமையல் மந்திரம் நிகழ்ச்சி இவரின் அறிமுக நிகழ்ச்சியாகும்.

பிக்பாஸ் நிகழ்ச்சியின் 6-வது சீசனில் பங்கேற்ற, மைனா நந்தினி, 103 நாட்கள் பிக்பாஸ் வீட்டில் இருந்த நிலையில், 4-வது இடம் பிடித்திருந்தார். இதில் அசீம் வெற்றியாளராக அறிவிக்கப்பட்டார்.

2012-ம் ஆண்டு சன்டிவியின் அழகி சீரியல் மூலம் சின்னத்திரையில் அறிமுகமான இவர், அதன்பிறகு, சரவணன் மீனாட்சி சீசன் மற்றும் சீசன் 3-ல் நாயகியாக நடித்திருந்தார்.

சமீபத்தில் யோகிபாபு நடிப்பில் வெளியான சட்னி சாம்பார் என்ற வெப் சீரிஸ் நடித்திருந்த மைனா நந்தினி, தற்போது புதிய தொழில் தொடங்கி இருப்பதாக தனது சமூக வலைதள பக்கத்தில் அறிவித்துள்ளார்.

நடிகைகள் பலரும் சொந்தமாக தொழில் தொடங்கி வரும் இந்த காலக்கட்டத்தில் மைனா நந்தினி பொன்னூஞ்சல் சேரிஸ் என்ற புடவை தொழிலை தொடங்கியுள்ளார்.

இது குறித்து அவர் இன்ஸ்டாகிராம் பக்கத்தில் பதிவிட்டுள்ள நிலையில், ரசிகர்கள் நெட்டிசன்கள் என பலரும் இவருக்கு வாழ்த்துக்களை தெரிவித்து வருகின்றனர்.